यशैया 2:8 - नेवाः बाइबल

⁸ इमिगु देश मूर्तिया मूर्ति जक जाःगु दु, इमिसं थःगु हे ल्‍हातं दय्‌कूगु मूर्तियात पुजा याःगु दु।

यशैया 2:8 ပူးပေါင်းရင်းမြစ်များ

१ राजा 16:7

बाशां यारोबामया वंशं याःथें परमप्रभुया मिखाय् बांमलाःगु ज्‍या याःगुलिं अले बाशां यारोबामया वंशयात नाश याःगुलिं परमप्रभु तसकं तंचायादिल अले परमप्रभुया थ्‍व वचन बाशा व वया वंशया विरोधय् हनानीया काय् येहू अगमवक्तापाखें वल। बाशां याःगु पापं परमप्रभुयात तं पिहां वल।

२ राजा 17:10

डाँडा डाँडाया च्‍वकाय् व फुक्‍क वाउँगु सिमाया क्‍वय् इमिसं च्‍वखगु ल्‍वहंया थां व अशेरा द्यःमय्‌जुया थां तल।

२ राजा 17:16

इमिसं परमप्रभु इमि परमेश्‍वरया फुक्‍क आज्ञा त्‍वःतल, अले पुजा यायेत धातुया निम्‍ह द्वहं दय्‌कल। इमिसं अशेरा द्यःमय्‌जुया छगू थां दय्‌कल। इमिसं आकाशया नगुयात भागि यात, बालद्यःयागु सेवा यात।

२ इतिहास 27:2

वं थः अबु उज्‍जियाहं थें परमप्रभुया मिखाय् भिंगु ज्‍या यात। तर व उज्‍जियाह थें परमप्रभुया देगः दुने धाःसा दुहां मवं। अय्‌नं मनूतय्‌सं पाप याना हे च्‍वन।

यशैया 17:8

इमिसं थःगु हे ल्‍हातं दय्‌कूगु वेदीतय्‌के भलसा तइ मखु। अले थःपिन्‍सं हे दय्‌कूगु अशेरा द्यःमय्‌जुयागु मूर्ति व गुँगू थनीगु वेदीतय्‌के भलसा तइ मखु।

यशैया 26:13

हे परमप्रभु जिमि परमेश्‍वर, मेपिन्‍सं जिमित राज्‍य याःगु दु, तर छिगु नांयात जक जिमिसं हनाबना तये।

यशैया 37:19

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।

यशैया 40:19

मूर्ति ला शिल्‍पकारतय्‌सं दय्‌की। लुँकःमिं उकी लुँ भुनाबी, अले उकिया निंतिं वहःया सिखः दय्‌की।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 57:5

पुजा याइगु स्‍वसिमातय्‌गु दथुइ व फुक्‍क झ्‍याम्‍म च्‍वंगु सिमाया क्‍वय् येचाःपिं थें च्‍वं। छिमिसं थःकाय् म्‍ह्याय्‌पिन्‍त न्‍हसिकापय् व ल्‍वहंकापिइ बलि छाइ।

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

होशे 14:3

अश्‍शूरं जिमित बचय् याये फइ मखु, जिपिं सल गयाः लडाइँ याः वने मखु। जिमिसं हाकनं गुबलें थःगु ल्‍हातं दय्‌कागु मूर्तियात ‘जिमि द्यःत’ धकाः धाये मखु, छाय्‌धाःसा छिपाखें मांबौ मदुपिन्‍त कृपा दइ।”

होशे 8:6

इपिं इस्राएलीत खः। थ्‍व द्वहंचा कारीगरतय्‌सं दय्‌कूगु खः। व ला परमेश्‍वर मखु। सामरियायाम्‍ह व द्वहंचायात कुचा कुचा याइगु जुइ।

मीका 5:12

जिं छिमिगु तन्‍त्रमन्‍त्र दक्‍व नाश यानाबी अले छिमिसं हाकनं थथे याये फइ मखु।

प्रेरित 17:16

एथेन्‍सय् सिलास व तिमोथीयात पियाच्‍वंबलय् पावलं अन मूर्तिया मूर्ति जक खनाः तसकं नुगः मछिंकल।

व्‍यवस्‍था 4:28

अन छिमिसं मनूतय्‌गु ल्‍हातं दय्‌कूपिं स्‍वये मफुपिं, न्‍यने मफुपिं, नये मफुपिं, नतुने मफुपिं सिँ व ल्‍वहंया द्यःतय्‌गु पुजा याइ।

प्रकाश 9:20

थुकिं मस्‍याःपिं मनूतय्‌सं अझ नं थःगु ल्‍हातिं याःगु ज्‍यायागु पश्‍चाताप मयाः। इमिसं भूतयात पुजा यायेगु व लुँ, वहः, सिजः, ल्‍वहं व सिँयागु मूर्तियात पुजा यायेगु मत्‍वःतू। थ्‍व द्यःतय्‌सं मखं, मताः, अले न्‍यासि जुइ मफु।