यशैया 2:6 - नेवाः बाइबल

⁶ हे परमप्रभु, छिं थः प्रजा याकूबया सन्‍तानयात त्‍वःतूगु दु, इमिसं थःगु देशयात पुर्बयागु थितिकुतिं जाय्‌कूगु दु, इमिसं पलिश्‍तीतय्‌सं थें जादु क्‍यनी अले इमिसं बिदेशीतनापं स्‍वापु तइ।

यशैया 2:6 ပူးပေါင်းရင်းမြစ်များ

२ राजा 1:2

सामरियाया थःगु दरबारया च्‍वय्‌यागु क्‍वथाया तिकिझ्‍यालं कुतुं वयाः इस्राएलया जुजु अहज्‍याह तसकं घाःपाः जुल। उकिं वं दूततय्‌त थथे धया छ्वल, “वनाः जि थ्‍व घाःपापाखें लनी कि मलनी धकाः एक्रोनया द्यः बाल-जिबबयाके सल्‍लाह का।”

२ राजा 17:20

उकिं परमप्रभुं इस्राएलयापिं फुक्‍क मनूतय्‌त त्‍वःतादिल। वय्‌कलं इमित दुःख बियादिल, लुटे याइपिनिगु ल्‍हातय् बियादिल। लिपतय् इमित थःगु न्‍ह्यःनं पितिनाछ्वयादिल।

१ इतिहास 10:13

परमप्रभु प्रति विश्‍वास बहःम्‍ह मजूगुलिं शाऊल सित। छाय्‌धाःसा वं यागु आज्ञा पालन मयाः। हानं वं सीम्‍ह मनूया आत्‍मालिसें खँल्‍हाबल्‍हा याइम्‍ह मिसायाके सल्‍लाह काःगु खः।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

२ इतिहास 24:20

अले परमप्रभुया आत्‍मा पुजाहारी यहोयादाया काय् जकरियायाके कुहां झाल। वं मनूतय् न्‍ह्यःने दनाः थथे धाल, “परमेश्‍वरं थथे धयादी, ‘छिमिसं छाय् परमप्रभुया आज्ञात पालन मयानागु? छिपिं ताःलाइ मखु। छिमिसं परमप्रभुयात त्‍वःतूगुलिं वय्‌कलं नं छिमित त्‍वःतादीगु दु।’”

नहेम्‍याह 13:23

उबलय् नं यहूदायापिं छुं मनूतय्‌सं अश्‍दोद, अम्‍मोन व मोआबयापिं मिस्‍तलिसे ब्‍याहा याःगु जिं खना।

भजनसंग्रहया सफू 106:35

अय्‌नं इपिं उपिंनापं भेलय् पुनाजुल, इमिगु चलन स्‍यनाकाल।

प्रस्‍थान 22:18

“तन्‍त्रमन्‍त्र सःम्‍ह मिसायात म्‍वाये बी मते।

प्रस्‍थान 34:16

अले छिमिसं उपिं जातयापिं भौमचात हयाः इमिसं थः द्यःतय्‌गु पुजा याइबलय् छिमि काय्‌पिन्‍त नं अथे हे याकेबी।

हितोपदेश 6:1

हे जिकाय्! छ सुयागुं त्‍यासाया कालबिलय् जमानी च्‍वनागु दुसा, अथवा म्‍हमस्‍यूपिनिगु निंतिं सुंनापं बाचा यानागु दुसा,

यशैया 14:29

हे फुक्‍क पलिश्‍तीत, छिमित दाइगु कथि त्‍वधूल धकाः लय्‌ताये मते, छाय्‌धाःसा छम्‍ह सर्प सी सा वया थासय् मेम्‍ह बिष दुम्‍ह सर्प वइ। वया खेँचं अप्‍वः बिष दुम्‍ह सर्प पिहां वइ।

यशैया 8:19

गुबलय् छिमित मनूतय्‌सं झंगःत थे चुंइ चुंइ हालीपिं तन्‍त्रमन्‍त्र याइपिंलिसे सल्‍लाह का हुँ धकाः धाइ। छु मनूतय्‌सं परमेश्‍वरयाथाय् वनाः सल्‍लाहया निंतिं न्‍यं वनेमाःगु मखु ला? म्‍वापिनिगु निंतिं सीधुंकूपिन्‍थाय वनाः छाय् न्‍यंवनेगु?

यर्मिया 10:2

परमप्रभुं थथे धयादी, “मेगु जातियापिनिगु पहःचहः सय्‌काकाये मते। आकाशय् थीथी चिं खनाः इपिं थें थरथर खाये मते।

यर्मिया 12:7

“जिं जिमि मनूत इस्राएलयात त्‍वःताबी। जिगु सर्बय जिं वांछ्वयाबी। जितः यःम्‍हय्‌सित जिं वया शत्रुतय्‌गु ल्‍हातय् बी।

विलाप 5:20

छाय् छिं जिमित ल्‍वमंकाः च्‍वनादियागु? छाय् छिं थुलिमछि ई तक जिमित त्‍वतादियागु?

लेवी 19:31

“‘छिपिं तन्‍त्रमन्‍त्र ज्‍या याइपिं बोक्‍सियाथाय् वने मते। इमिगु सल्‍लाह कयाः थःत अशुद्ध याये मते। जि परमप्रभु छिमि परमेश्‍वर खः।

लेवी 20:6

“‘सुं मनू तन्‍त्रमन्‍त्रय् लगय् जुल धाःसा जिं वयात त्‍वःते मखु। छाय्‌धाःसा वं जिगु विरोधय् बेस्‍याया थें ज्‍या यात। जिं वयात वया थः मनूतपाखें पितिनाछ्वये।

मीका 5:11

जिं छिमिगु देशया शहरत नाश यानाबी अले छिमिगु किल्‍लात नं थुनाबी।

मीका 5:12

जिं छिमिगु तन्‍त्रमन्‍त्र दक्‍व नाश यानाबी अले छिमिसं हाकनं थथे याये फइ मखु।

सपन्‍याह 1:8

परमप्रभुया उगु बलिदानया दिंखुन्‍हु जिं हाकिमतय्‌त अले जुजुया काय्‌पिं, अले मेगु देशयागु लं फ्‍यूपिं व धर्मी मखुपिं मनूतय्‌गु थितिकुति मानय् याइपिं फुक्‍कसित जिं सजाँय बी।

गन्‍ती 23:7

अले बालामं इमित थुकथं ईश्‍वरवाणी बिल, “झासँ, जिगु निंतिं याकूबयात सराः बियादिसँ! इस्राएलयात ख्‍याच्‍वः बियादिसँ! धकाः मोआबया जुजु बालाकं जितः अरामया पुर्बया डाँडांनिसें हल।

रोमी 11:20

थ्‍व खँ ला सत्‍य खः। इमिसं विश्‍वास यानाच्‍वने मफुगुलिं हे इपिं थथे त्‍वधुला वन, उकिं छिमिसं क्‍वात्तुक विश्‍वास यानाच्‍वने माल। अय्‌जूगुलिं छिपिं तःधंछुइ मते, बरु स्‍यनावनी ला धकाः ग्‍याना च्‍वँ।

१ शमूएल 6:2

अले पलिश्‍तीतय्‌सं पुजाहारीत व ज्‍योतिषीतय्‌त सःताः इमिके न्‍यन, “परमप्रभुया बाचाया सनूयात आः छु यायेगु? जिमित धयादिसँ, थ्‍वयात तयातःगु हे थासय् जिमिसं गथे यानाः छ्वयेगु?”