यशैया 2:4 - नेवाः बाइबल

⁴ वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 2:4 ပူးပေါင်းရင်းမြစ်များ

भजनसंग्रहया सफू 110:6

वय्‌कलं जाति जातितय्‌गु न्‍याय यानादी, अले वय्‌कलं सीम्‍हयात द्वँचिनादी, अले पृथ्‍वी न्‍यंकयापिं शासकतय्‌त चुँचुं यानादी।

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”

भजनसंग्रहया सफू 46:9

वय्‌कलं संसारया फुक्‍क थासय् लडाइँ दिकादी। वय्‌कलं धनुष व भाला त्‍वथुलादी। अले ढालयात मिइ छ्वय्‌काबी।

भजनसंग्रहया सफू 82:8

हे परमेश्‍वर दनादिसँ, पृथ्‍वीया न्‍याय यानादिसँ छाय्‌धाःसा छिं फुक्‍क जातितय्‌त अधिकार यानादी।

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

यशैया 32:17

धार्मिकताया फल शान्‍ति जुइ अले धार्मिकताया लिच्‍वः धाःसा सदांया निंतिं शान्‍ति व भरोसा जुइ।

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 42:3

तज्‍याःगु तिंकथि वं त्‍वथुली मखु, अले पाल्‍चाय् पिलि-पिलि च्‍यानाच्‍वंगु मतः वं स्‍याइ मखु, वं सत्‍यताकथं न्‍याय याइ।

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

होशे 2:18

व दिं हे जिं इमिगु निंतिं गुँपशुत, आकाशया झंगःत व बँय् घिसय् जुइपिं पशुतनापं बाचा ची। सकलें याउँक च्‍वने फयेमा धकाः जिं धनुष वाण, तरवार व लडाइँ देशं तापाकाबी।

होशे 2:20

जिं छन्‍त जिगु विश्‍वास बहःगुलीं थः कलाः यानातये, अले छं जितः परमप्रभु धकाः म्‍हसी।”

योएल 3:10

छिमिगु हलोया फालीतय्‌त दायाः तरवार दय्‌कि अले छिमिगु ईंचायात दायाः भाला दय्‌कि। बम्‍लाःपिन्‍सं थथे धायेमा, “जि बल्‍ला।”

योएल 3:12

“जातित सुरय् जुयाः यहोशापातया बेँसीइ वयेमा, छाय्‌धाःसा जिं अन हे प्‍यखेरं च्‍वंपिं जातितय्‌गु न्‍याय यायेत फेतुये।

मीका 4:3

वय्‌कलं यक्‍व जातितय्‌गु दथुइ न्‍याय यानादी। अले तातापाक च्‍वंपिं बल्‍लाःगु जातितय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फली व भालायात मुगलं दायाः ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

जकरिया 9:10

परमप्रभुं धयादी, एफ्राइमं जिं लडाइँया रथ चीकाबी, अले यरूशलेमं लडाइँया सलत यंके, लडाइँया धनुष त्‍वाःथला बी। वय्‌कलं जाति जातितय्‌त शान्‍तियागु खँ न्‍यंकादी। वय्‌कःया राज्‍य समुद्रंनिसें समुद्र तक अले यूफ्रेटिस खुसिंनिंसें पृथ्‍वीया सिथ तक न्‍यनावनी।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

१ शमूएल 2:10

परमप्रभुया विरोध याइपिं नाश जुयावनी, वय्‌कः इमिगु विरोधय् स्‍वर्गं नँ न्‍याःगु सलं हालादी। पृथ्‍वीया कुंकुलामय् तक नं वय्‌कलं न्‍याय यानादी। “वय्‌कलं जितः शक्ति बियादीगु दु अले थम्‍हं अभिषेक यानाम्‍हय्‌सिगु छ्यं धस्‍वाकादी।”