यशैया 2:3 - नेवाः बाइबल

³ अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 2:3 ပူးပေါင်းရင်းမြစ်များ

एस्‍तर 9:27

यहूदीतय्‌सं थः सन्‍तान व इपिं मिलय् जूपिन्‍त थुपिं निन्‍हु नखःचखः दँय्‌दसं क्‍वःछिनातःगु बिधिकथं पक्‍का यानातःगु दिंनय् हे मानय् यायेगु धकाः बचं बिल।

भजनसंग्रहया सफू 102:23

ल्‍याय्‌म्‍हबलय् हे वय्‌कलं जितः कमजोर यानादीगु दु, अले जिगु आयु कम यानादीगु दु।

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

भजनसंग्रहया सफू 119:171

जिगु म्‍हुतुसिं छिगु प्रशंसा यायेमा, छाय्‌धाःसा छिं जितः छिगु व्‍यवस्‍था स्‍यनादीगु दु।

भजनसंग्रहया सफू 122:1

इमिसं जितः “परमप्रभुया देगलय् झीपिं वनेनु” धकाः धाःबलय् जि लय्‌ताया।

भजनसंग्रहया सफू 48:1

परमप्रभु तःधंम्‍ह खः, परमेश्‍वरया शहरय्, वय्‌कःया पवित्र पर्वतय् वय्‌कः प्रशंसा याये बहःम्‍ह खः।

यशैया 1:26

जिं छिमि न्‍यायकर्तातय्‌त न्‍हापा थें अले छिमित सल्‍लाह बीपिन्‍त नं दकलय् न्‍हापा थें हे लिफ्‍यानाहये। अनंलि छन्‍त ‘धार्मिकताया शहर’ व ‘विश्‍वास याये बहःगु शहर’ धकाः धाइ।”

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

यशैया 19:23

व दिंखुन्‍हु मिश्र देशंनिसें अश्‍शूर देश तक छगू मू लँ दइ। अश्‍शूरीत मिश्र देशय् व मिश्रीत अश्‍शूर देशय् वयेगु वनेगु याइ। मिश्रीत व अश्‍शूरीत छथाय् हे च्‍वनाः परमप्रभुया आराधना याइ।

यशैया 28:9

इमिसं जिगु बारे झसुका तइ, इमिसं धाइ, “वं सुयात छु स्‍यंगु दु धकाः मति तइ हँ? सुयात वयागु बुखँ माःगु दु? खः, नकतिनि दुरुं छ्यूम्‍ह मचाया निंतिं जक पाय्‌छि हे जुइ।

यशैया 44:5

छम्‍हय्‌सिनं धाइ, ‘जि परमप्रभुयाम्‍ह खः’। मेम्‍हय्‌सिनं जि याकूबया सन्‍तान खः धकाः धाइ, मेपिन्‍सं थःगु ल्‍हातय् ‘परमप्रभुया’ धकाः च्‍वइ, अले हानं मेम्‍हय्‌सिनं धाइ व छम्‍ह इस्राएली खः।”

यशैया 56:5

जिं जिगु देगलय् व उकिया पःखाःया दुने च्‍वंपिं काय् म्‍ह्याय्‌पिन्‍त स्‍वयाः अप्‍वः हनाबना याकेबी, अले इमित तसकं भिंगु नां बी। जिं इमित सदां दयाच्‍वनीगु नां बी।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 60:3

जाति जातित छंके दुगु जलय् व जुजुत छंके खनेदुगु सुथया निभाःया जलय् वइ।

यशैया 65:11

“तर छिपिं मध्‍ये सुनां जि परमप्रभुयात त्‍वःती, अले जिमिगु पवित्र पर्वतयात ल्‍वमंकी, सुनां भाग्‍य द्यःया निंतिं टेबिल तयार याइ, अले कर्मया द्यःया निंतिं ल्‍वाकछ्यानातःगु दाखमद्यं जाय्‌की,

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यर्मिया 12:16

इमिसं न्‍हापा जि प्रजायात बालद्यःया नामं पाफयेगु स्‍यं थें ‘धात्‍थें परमप्रभु म्‍वाःम्‍ह खः’ धयाः जिगु नां कयाः पाफयाः जिगु प्रजाया पहःचहः धात्‍थें हे बांलाक सयेकाकाल धाःसा इमित जि प्रजाया दथुइ थाय् बी।

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 31:6

एफ्राइमया पहाडी देशय् पिवाः च्‍वनीपिं थथे धाधां हाःगु दिं वइ, ‘वा, झीपिं सियोनय् परमप्रभु झी परमेश्‍वरयाथाय् वनेनु।’”

इजकिएल 40:2

दर्शनय् परमेश्‍वरं जितः इस्राएल देशय् यंकादिल, अले अन छगू तसकं तःजाःगु पर्वतय् तयादिल। उकिया दच्‍छिनपाखे जिं शहरय् थें यक्‍व छेँ खना।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

मत्ती 7:24

“अय्‌जूगुलिं जिगु वचन न्‍यनाः उकथं हे याइम्‍ह मनू ल्‍वहं दुथाय् छेँ दनीम्‍ह बुद्धि दुम्‍ह मनू थें खः।

लूका 11:28

अले वय्‌कलं लिसः बियादिल – “अथे मखु, परमेश्‍वरयागु वचन न्‍यनाः व थें याइम्‍ह हे धन्‍यम्‍ह खः।”

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

यूहन्‍ना 4:22

छिपिं सामरियाय् च्‍वंपिन्‍सं म्‍हमस्‍यूम्‍हय्‌सित आराधना याइ। तर जिमिसं सुयागु आराधना यानाच्‍वना वय्‌कःयात जिमिसं बांलाक हे म्‍हस्‍यू, छाय्‌धाःसा मुक्ति ला यहूदीतय्‌पाखें वइ।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

प्रेरित 1:8

पवित्र आत्‍मां छिपिं जायेवं छिमिके शक्ति दइ। अले छिपिं यरूशलेमय्, यहूदियाय् व सामरियांनिसें सारा संसार न्‍यंक जिगु साक्षी जुइ।”

प्रेरित 10:33

अले जिं उघ्रिमय् हे छिथाय् मनूत छ्वयाहया। छि झायादीगु तसकं हे बांलात। परमेश्‍वरया न्‍ह्यःने प्रभुं छितः धयादीगु खँ न्‍यनेत जिपिं थथे मुनाच्‍वनागु दु।”

रोमी 10:18

अय्‌नं जिं न्‍ह्यसः याये – छु इमित त्‍वहः तयेगु लँ दु ला? छु इमिसं गुबलें हे मन्‍यंनि ला? “धात्‍थें धायेगु खःसा इमिगु सुचं संसार न्‍यंक न्‍यनाच्‍वंगु दु। अले संसारया कुंकुलामय् थ्‍यंक ताये दयाच्‍वंगु दु।”

व्‍यवस्‍था 33:19

इमिसं मेगु कुलयापिन्‍त पर्वतय् सःती। अनं इमिसं पाय्‌छिगु बलि छाइ, इमिसं समुद्रया सम्‍पत्ति व फिइ सुलाच्‍वंगु मू वंगु धनपाखें फाइदा काइ।”

व्‍यवस्‍था 6:1

छिमिसं यर्दन छिनावनाः अधिकार यायेत्‍यंगु देशय् मानय् यायेमाः धकाः छिमित स्‍यनेत परमप्रभु छिमि परमेश्‍वरं जितः धयादीगु आज्ञा, विधि व नियम थुपिं हे खः।

याकूब 1:25

सुनां मुक्ति बीगु सिद्धगु परमेश्‍वरयागु व्‍यवस्‍था ब्‍वनाः थुइकाः अथे हे याइ, अले ल्‍वःमंकी मखु, व हे धन्‍यम्‍ह खः। वं याःगु फुक्‍क ज्‍याय् परमेश्‍वरं आशिष बियादी।