यशैया 2:17 - नेवाः बाइबल

^17-18 वय्‌कलं मनूतय्‌गु घमण्‍डयात क्‍वमिलु यानादी। व दिंखुन्‍हु मूर्तित फुक्‍कं मदय्‌का छ्वइ। अले परमप्रभुयात जक तःधंकेगु जुइ।

यशैया 2:17 ပူးပေါင်းရင်းမြစ်များ

भजनसंग्रहया सफू 20:8

इपिं लुफिं हानाः क्‍वदली तर झी बल्‍लानाः धस्‍वानाच्‍वनी।

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 2:11

परमप्रभुया दिं वयाः मनूतय्‌गु फुइँ व तःधंछु नाश जुयावनी। थ्‍व दिंखुन्‍हु परमप्रभुयात जक तःधंकेगु जुइ।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 5:16

तर पाय्‌छिगु न्‍यायलं दक्‍व शक्ति दुम्‍ह परमप्रभुया नां च्‍वन्‍ह्याइ। पवित्र परमेश्‍वरं थःगु धार्मिकतापाखें थः हे पवित्र खः धकाः क्‍यनादी।