यशैया 2:12 - नेवाः बाइबल

¹² उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 2:12 ပူးပေါင်းရင်းမြစ်များ

२ शमूएल 22:28

क्‍वमिलुपिन्‍त छिं बचय् यानादी, तःधंछुया जुइपिन्‍त धाःसा क्‍वह्यंकादी।

अय्‍यूब 24:1

“दक्‍व शक्ति दुम्‍ह परमेश्‍वरं न्‍यायया ई छाय् क्‍वःछिना मदीगु? वय्‌कःयात म्‍हस्‍यूपिन्‍सं वय्‌कःया दिं छाय् स्‍वये मखंगु?

भजनसंग्रहया सफू 131:1

हे परमप्रभु, जिगु नुगः फुइँक्‍क च्‍वंगु मदु, जिगु मिखा नं तःधंछु मजू। तःधंगु व जिगु लागि थाकुगु खँनापं जिं स्‍वापु मतया।

भजनसंग्रहया सफू 18:28

हे परमप्रभु परमेश्‍वर! छिं जिगु निंतिं मत च्‍याकादी छिं खिउँ मदय्‌काः जितः जः क्‍यनादी।

भजनसंग्रहया सफू 37:13

परमप्रभु मभिंपिं खनाः न्‍हिलादी, छाय्‌धाःसा वय्‌कलं स्‍यू, इपिं याकनं नाश जुयावनी।

भजनसंग्रहया सफू 94:2

छि सकल मनूतय् न्‍यायाधीश खः, दनादिसँ, अले घमण्‍डीतय्‌त छु यायेमाःगु खः यानादिसँ।

हितोपदेश 16:5

घमण्‍डीतय्‌त परमप्रभुं घृणा यानादी, इमित सजाँय मजुइ हे मखु।

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यशैया 10:33

अय्‌नं स्‍व! प्रभु, दक्‍व शक्ति दुम्‍ह परमप्रभुं तःमागु सिमायागु कचात न्‍हायादी। अनयागु तम्‍मागु सिमायात क्‍वथला चीमा यानादी।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 13:6

ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

यशैया 13:9

स्‍व, परमप्रभुया दिं – देशयात झिजांमिजां यायेत, अन दुपिं पापीतय्‌त नाश यायेत, वय्‌कःया क्रोध व मि थें च्‍याःगु तंनापं, दया मदुगु दिं वयाच्‍वंगु दु।

यशैया 14:15

तर छ चिहानय्, पातालया दक्‍वसिबय् क्‍वय् थ्‍यंक हे कुतुं वंगु दु।

यशैया 23:9

तःधंछुया जुइगु व शहरयागु फुक्‍क गौरवयात क्‍वह्यंकाबीत, पृथ्‍वीया सकलें नां जाःपिन्‍त क्‍वमिलु यानादीत दक्‍व शक्ति दुम्‍ह परमप्रभुं थ्‍व ग्‍वसाः ग्‍वयादीगु दु।

यशैया 24:21

व दिंखुन्‍हु, परमप्रभुं आकाशया शक्तियात व पृथ्‍वीया जुजुतय्‌त सजाँय बियादी।

यशैया 24:4

पृथ्‍वीइ गनाः सुकूचिनी, संसार कमजोर जुइ अले सुकूचिनी, पृथ्‍वीयापिं ततःधंपिं मनूत बःमलानावनि।

यशैया 40:23

वय्‌कलं शासकतय्‌त ज्‍यालगय् मजुइकादी, अले पृथ्‍वीइ च्‍वंपिं शासकतय्‌त छुं नं मखुपिं यानाः क्‍वकयादी।

यशैया 42:15

जिं डाँडात व पर्वततय्‌त नाश याये, स्‍वांसिमात गंकाबी। जिं खुसितय्‌त टापुइ हिलाबी, अले पुखूत गंगु बँ यानाबी।

यशैया 5:15

थुकथं फुक्‍क मनूतय्‌त क्‍वमिलु यानादी अले घमण्‍डीतय्‌गु मिखायात क्‍वछुइका बी।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यर्मिया 12:9

छु जिगु सर्बय जिगु लागि शिकारी झंगःतय्‌सं घेरय् यानातःम्‍ह फुतिफुति दुम्‍ह शिकारी झंगः थें जूगु मदु ला? हुँ, ख्‍यलय् च्‍वंपिं फुक्‍क पशुतय्‌त मुंकि। अले वयात नयेत सःताः हजि!

यर्मिया 13:9

“परमप्रभुं थथे धयादी, ‘थुकथं हे यहूदाया घमण्‍ड व यरूशलेमया तःधंगु घमण्‍ड नाश यानाबी।

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

यर्मिया 50:31

“हे घमण्‍डी, स्‍व, जि हे छंगु विरोधय् दु,” प्रभु, दक्‍व शक्ति दुम्‍ह परमप्रभुं धयादी, “छाय्‌धाःसा छंगु दिं वःगु दु, जिं छन्‍त सजाँय बीगु दिं।

इजकिएल 13:5

परमप्रभुया दिनय् लडाइँलय् व धिसिलाक्‍क दनाच्‍वने फयेमा धकाः छिपिं इस्राएलया घरानाया निंतिं दुंगु पःखाः ल्‍ह्वनेत तकं मवं।

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

आमोस 5:18

धिक्‍कार दु छिमित, गुपिन्‍सं परमप्रभुया दिंयात पियाच्‍वनी। उगु दिनय् छिमित छु फाइदा दइ? व दिं ला खिउँसे च्‍वनी, तुइसे च्‍वनी मखु।

मीका 2:3

अथे जुयाः परमप्रभुं थथे धयादी, “स्‍व, थ्‍व प्रजाया निंतिं जिं तच्‍वःगु विपत्ति छ्वया हयेत्‍यनागु दु, छिपिं उकिं म्‍वाये फइ मखु। छिपि फुँइ क्‍यनाः छ्यं धस्‍वाकाः थुखे उखे जुइ नं फइ मखु। छाय्‌धाःसा व छगू विपत्तियागु ई जुइ।

मीका 5:11

जिं छिमिगु देशया शहरत नाश यानाबी अले छिमिगु किल्‍लात नं थुनाबी।

सपन्‍याह 1:16

झतांगा व तः तःजाःगु गढीत दुगु शहरयागु विरोधय् तुरही पुपुं लडाइँया वनेगु दिं।

सपन्‍याह 3:11

व दिं, जिगु विरोधय् छं याःगु फुक्‍कं ज्‍याखँया हुनिं छ लज्‍या चायेमाली मखु, छाय्‌धाःसा तःधंछुयाः लय्‌ताया जुइपिन्‍त उबले जिं छिमिगु दथुइ लिकया छ्वये, अले जिगु पवित्र पहाडय् छ हाकनं तःधंछुयाः जुइ मखु।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

मत्ती 23:12

सुनां थःत थःम्‍हं तःधंकी व चिधंनी। अले सुनां थःत थःम्‍हं चिधं ताय्‌की व तःधंनी।”

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

१ कोरिन्‍थी 5:5

थज्‍याःम्‍ह मनूयात शैतानयागु ल्‍हातय् लःल्‍हानाब्‍यु, अले वयागु म्‍ह स्‍यना वंसां ख्रीष्‍ट येशू झायाः न्‍याय यानादीबलय् आत्‍मा धाःसा बचय् जुइ।

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”