यशैया 18:1 - नेवाः बाइबल

¹ धिक्‍कार! क्‍वःबुइँचाया पपूया सलं जाःगु देशयात, गुगु कूश देशया खुसि लिक्‍क दु,

यशैया 18:1 ပူးပေါင်းရင်းမြစ်များ

२ राजा 19:9

अश्‍शूरी जुजु सनहेरीबं मिश्र देशयाम्‍ह कूशी जुजु तिर्हाकाह थःलिसें लडाइँ यायेत वयाच्‍वंगु दु धकाः न्‍यन। उकिं वं हिजकियायाथाय् हाकनं दूततय्‌त थथे धाय्‌के छ्वल,

भजनसंग्रहया सफू 17:8

मिखाया नानिचायात थें जिमित बचय् यानाः तयादिसँ। छिगु पपूया किचलय् जिमित सुचुकाः तयादिसँ।

भजनसंग्रहया सफू 36:7

हे परमप्रभु! गुलि तःजि छिगु मदिक्‍क दयाच्‍वनीगु माया! छिगु पपूया किचलय् मनूतय्‌सं शरण कयाच्‍वंगु दु।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।

भजनसंग्रहया सफू 61:4

छिगु थासय् जितः सदांया निंतिं च्‍वने बियादिसँ। छिगु पपूया किचलय् जितः सुरक्षित यानाः तयादिसँ। सेला

भजनसंग्रहया सफू 63:7

छाय्‌धाःसा छिं जितः न्‍ह्याबलें ग्‍वाहालि यानादीगु दु। छिगु पपूया किचलय् जिं लसताया म्‍ये हाले।

भजनसंग्रहया सफू 91:4

वय्‌कलं छन्‍त थःगु पपुतिं त्‍वपुयादी, अले छन्‍त वय्‌कःया शरणय् बांलाक च्‍वने दइ। वय्‌कःया विश्‍वास याये बहःगु बचं छंगु ढाल व सुरक्षा खः।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 37:9

अश्‍शूरी जुजु सनहेरीबं मिश्र देशयाम्‍ह कूशी जुजु तिर्हाकाह थःलिसें लडाइँ यायेत वयाच्‍वंगु दु धयागु बुखँ न्‍यनाः वं हिजकियायाथाय् दूततय्‌त थथे धाय्‌के छ्वल,

यशैया 45:14

परमप्रभुं थथे धयादी, “मिश्र देशय् सःगु व कूश देशया व्‍यापार अले उपिं ततःधिकःपिं शेबाया मनूत व जात जातित छन्‍थाय् वइ, अले इपिं छंगु हे जुइ। इपिं सिखलं चिनातःगु अवस्‍थाय् छंगु ल्‍यूल्‍यू वइ, इपिं छंगु न्‍ह्यःने क्‍वछुइ अले थथे धकाः छन्‍त बिन्‍ति याइ, ‘धात्‍थें हे परमेश्‍वर छिलिसे दी, मेम्‍ह सुं मदु, वय्‌कः बाहेक सुं मेम्‍ह परमेश्‍वर मदु।’”

इजकिएल 30:9

“‘उखुन्‍हु याउँक च्‍वनाच्‍वंपिं कूशीतय्‌त ख्‍याइगु खबर बीत जिगु न्‍ह्यःनं दूतत नांचाय् च्‍वनाः पिहांवनी। मिश्र देश नाश जुइगु दिनय् इपिं ग्‍याइ, छाय्‌धाःसा व दिं धात्‍थें हे वइ।

सपन्‍याह 2:12

“हे कूशय् च्‍वंपिं मनूत छिमित नं जिगु तरवारं स्‍याइतिनि।”

सपन्‍याह 3:10

कूश देशयागु खुसिइ पारिंनिसें नं छ्यालब्‍याल जूपिं जिमि प्रजापिन्‍सं जिगु निंतिं देछा हइ।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

रुथया सफू 2:12

छंगु ज्‍याया सिरपाः परमेश्‍वरं छन्‍त बियादीमा। छ शरण काःवःम्‍ह इस्राएलया परमप्रभु परमेश्‍वरं छन्‍त यक्‍व इनाम बियादीमा।”