यशैया 17:8 - नेवाः बाइबल

⁸ इमिसं थःगु हे ल्‍हातं दय्‌कूगु वेदीतय्‌के भलसा तइ मखु। अले थःपिन्‍सं हे दय्‌कूगु अशेरा द्यःमय्‌जुयागु मूर्ति व गुँगू थनीगु वेदीतय्‌के भलसा तइ मखु।

यशैया 17:8 ပူးပေါင်းရင်းမြစ်များ

२ शमूएल 22:42

इपिं ग्‍वाहालिया निंतिं हाल, अय्‌नं इमित सुनानं बचय् याः मवः। इमिसं परमप्रभुयात सःतल, अय्‌नं वय्‌कलं लिसः बियामदी।

२ इतिहास 14:5

वं यहूदाया फुक्‍क शहरय् दुगु पुजा यायेगु थाय्‌त व धुपाँय् छ्वय्‌कीगु वेदीत नं स्‍यंकाबिल। वयागु पालय् देशय् शान्‍ति जुल।

२ इतिहास 31:1

छुत्‍काराया नखः सिधय्‌धुंकाः अन दुपिं इस्राएलीत यहूदाया शहर शहरय् वन। इमिसं पुजा याइगु ल्‍वहंत तछ्यानाबिल अले अशेरा द्यःमय्‌जुया थांत त्‍वाल्‍हानाबिल। इमिसं यहूदा न्‍यंक अले बेन्‍यामीन, एफ्राइम व मनश्‍शेया थः द्यःतय्‌त पुजा याइगु थाय् थासय् वेदीत स्‍यंकाबिल। उलि यायेधुंकाः इस्राएलीत सकलें थथःगु शहरय् व छेँय् लिहां वन।

२ इतिहास 34:4

जुजुया आज्ञा कथं वया मनूतय्‌सं बालद्यःया वेदीत थुनाबिल। इमिसं अशेरा द्यःमय्‌जुया थांत व मेपिं द्यःतय्‌गु मूर्तित धू यानाः उपिं द्यःतय्‌त बलि बीपिं मनूतय्‌गु चिहानय् ह्वलाबिल

प्रस्‍थान 34:13

इमिगु वेदीत स्‍यंकाब्‍यु। इमिगु पवित्र ल्‍वहंत तछ्यानाब्‍यु, अले इमि अशेरा द्यःमय्‌जुयागु थांतय्‌त पालाः क्‍वथलाब्‍यु।

यशैया 1:29

थुकथं “छिमिसं पुजा यायेगु स्‍वसिमाया सिमा प्‍यूगूलिं व मूर्ति पुजा यायेगु बगैँचात दय्‌कूगुलिं छिपिं लाजय् लाये तिनि।

यशैया 10:20

उखुन्‍हु इस्राएलया बचय्‌जूपिं, याकूबया परिवारया म्‍वानाच्‍वंपिन्‍सं थःत हमला याःपिन्‍के गुबलें नं भलसा तइ मखु। परमप्रभु इस्राएलया पवित्र परमेश्‍वरयात धाःसा धात्‍थें हे भलसा याइ।

यशैया 17:9

उखुन्‍हु इस्राएलीतय्‌सं यानाः इमिसं त्‍वःतूगु बबल्‍लाःगु शहरत वान्‍छ्वयाः तःगु सिँ व झाःया झाः दुगु थाय् थें जुइ।

यशैया 2:8

इमिगु देश मूर्तिया मूर्ति जक जाःगु दु, इमिसं थःगु हे ल्‍हातं दय्‌कूगु मूर्तियात पुजा याःगु दु।

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

यशैया 30:22

कतां कियाः वहलं भुनाः छिमिसं द्यःतय्‌गु व छिमिगु लुँया मूर्तित अशुद्ध याइ। छिमिसं इमित थीमज्‍युबलय्‌यागु कापः वांछ्वइ अले वयात थथे धाइ, “छ उखे हुँ!”

यशैया 37:19

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 44:15

अले वं उकिं छुं सिँ मि छ्वय्‌केत छ्यली वं उकिं थःम्‍हं हे मि पनेगु याइ। अले वं मरि छुइ। तर वं उकिं छम्‍ह द्यः नं दय्‌काः उकियात पुजा याइ। वं मूर्ति दय्‌की अले उकिया न्‍ह्यःने भ्‍वसुली।

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

सपन्‍याह 1:3

“जिं दक्‍व मनूत व पशुत निथिंयात भज्‍यंक नाश यानाबी। जिं आकाशय् ब्‍वइपिं झंगःत व समुद्रय् च्‍वंपिं न्‍यातय्‌त भज्‍यंक नाश यानाबी। जिं फुक्‍क मनूजातियात पृथ्‍वीं मदय्‌का छ्वयेबलय् दुष्‍टतय्‌गु निंतिं ल्‍वहंया कुचाकाचाया द्वँ जक दइ,” परमप्रभुं धयादी।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

व्‍यवस्‍था 7:5

छिमिसं थथे या – इमिगु वेदी थुनाब्‍यु, इमिगु पुजा याइगु ल्‍वहं तछ्यानाब्‍यु। इमिगु अशेरा द्यःमय्‌जुयागु थां पालाः क्‍वथलाब्‍यु। अले इमिगु मूर्तित मिइ छ्वय्‌काब्‍यु।