यशैया 17:6 - नेवाः बाइबल

⁶ अय्‌नं जैतूनया फल हाय्‌के धुंकाः उकिया सिमाया निगः वा स्‍वंगः फल च्‍वय्‌यागु कचालय् व प्‍यंगः वा न्‍यागः फल क्‍वय्‌यागु कचालय् जक ल्‍यं थें इस्राएल नांगा जूगु जैतूनया सिमा थें जुइ, अले थनच्‍वंपिं छुं मनूत जक ल्‍यनाच्‍वनी,” परमप्रभु, इस्राएलया परमेश्‍वरं थथे धयादी।

यशैया 17:6 ပူးပေါင်းရင်းမြစ်များ

१ राजा 19:18

अय्‌नं जिं इस्राएलय् न्‍हय्‌द्वःम्‍ह (७,०००) बचय् यानातये। थुपिं फुक्‍क बालया न्‍ह्यःने छ्यं क्‍वःमछुकुपिं व वयात चुप्‍पा मनःपिं खः।”

यशैया 1:9

“दक्‍व शक्ति दुम्‍ह परमप्रभुं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

यशैया 10:22

हे इस्राएल, छिमि सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक लिहां वइ। परमप्रभुं थः मनूतय्‌त नाश यायेगु पक्‍का क्‍वःछिनादीगु पाय्‌छि जू।

यशैया 24:13

बाली लयेगु इलय् फुक्‍क फल हायेकाः जैतूनया सिमा व दाखमा खालि जुयाः भचा जक फल ल्‍यं दु थें जाति जातितय्‌गु दशा नं अथे हे जुइ।

यशैया 27:12

व दिंखुन्‍हु परमप्रभुं न्‍ह्यानाच्‍वंगु यूफ्रेटिस खुसिंनिसें मिश्रया खुसि तक हे थःगु अन्‍न दायाछ्वइ। अय् इस्राएलीत, छिपिं धाःसा छम्‍ह छम्‍ह यानाः मुंकादी।

यर्मिया 4:27

परमप्रभुं थथे धयादी, “देश फुक्‍क झिजांमिजां दनी। तर उकियात भज्‍यंक नाश धाःसा याये मखुत।

इजकिएल 39:29

जिं हाकनं गुबलें थःगु ख्‍वाः इपिंपाखें फस्‍वय्‌के मखु, छाय्‌धाःसा जिं थःगु आत्‍मा इस्राएलया घरानायाके प्‍वंके, परमप्रभु परमेश्‍वरं धयादी।”

ओबदिया 1:5

“खुँत चान्‍हय् वयाः खूवल धाःसा हाय, छंगु गज्‍याःगु गति जुइ! छु इमिसं थःत माःगु जक खुयायंकी ला? अथे हे दाख खानाः यंकीपिं दाख खाःवन धाःसा इमिसं चीमिया लागि भतिचा त्‍वःताः वनी, तर छिमि शत्रुतय्‌सं छन्‍त सर्वनाश याइ!

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

रोमी 11:26

थुकथं फुक्‍क इस्राएलीत बचय् जुइ। थथे च्‍वयातःगु दु – “बचय् याइम्‍ह सियोनं झाइ, अले वय्‌कलं याकूबया सन्‍तानयात पापं छुतय् यानादी।

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,

व्‍यवस्‍था 4:27

परमप्रभुं छिमित जाति जातितय्‌गु दथुइ उखेलाः थुखेलाः यानाबी। वय्‌कलं छिमित लिनाछ्वःगु देश देशय् मेगु जातितय्‌गु दथुइ छिपिं कम जक म्‍वानाच्‍वनी।

न्‍यायकर्ता 8:2

वं इमित धाल, “छिमिसं याःगु थें जिं आः छु यानागु दु धकाः? छु एफ्राइमयात त्‍वताःथकूगु दाख, अबीएजेरया फुक्‍क बाली स्‍वयाः मभिं ला?