यशैया 17:14 - नेवाः बाइबल

¹⁴ सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यशैया 17:14 ပူးပေါင်းရင်းမြစ်များ

२ राजा 19:3

इमिसं वयात धाल, “हिजकिया जुजुं थथे धयादी, थौं झीसं दुःख सीगु दिं खः। झीत क्‍वह्यंकूगु दु अले झीगु अपमान जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

२ राजा 19:35

अले उखुन्‍हु चान्‍हय् हे परमप्रभुया दूत पिहां वल, वं अश्‍शूरीतय्‌गु छाउनीइ १,८५,००० म्‍ह अश्‍शूरी सिपाइँतय्‌त स्‍यानाबिल। कन्‍हय् सुथ न्‍हापां मनूत दंबलय् छाउनीइ सीम्‍हया सीम्‍ह जक दु।

अय्‍यूब 20:29

मभिंम्‍ह मनूयात जुइमाःगु, वयागु निंतिं परमेश्‍वरं क्‍वःछिनादीगु सर्बय् थ्‍व हे खः।”

भजनसंग्रहया सफू 37:36

छन्‍हु जि उखे वनाबलय् जिं वयात स्‍वयाबलय् व ला अन मदु। जिं वयात मालां नं लुइके मफुत।

हितोपदेश 22:23

छाय्‌धाःसा परमप्रभुं इमिगु मुद्दा स्‍वयादी। अले इमित लुतय् याःपिन्‍त वय्‌कलं लुतय् यानादी।

यशैया 10:25

आः छुं ई लिपा हे जिं छिमिगु विरोधय् पिकयागु तं क्‍वलाइ। अले जिं छिमिगु नाशया निंतिं पिकयागु तं अश्‍शूरीतपाखे वनी।”

यशैया 21:12

पाःच्‍वंम्‍ह पालें लिसः बिल, “सुथ जुइन अले चान्‍हय् नं जुइन। छं छुं न्‍यनेमाःगु दःसा न्‍यं, अले हाकनं लिहां वा।”

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यशैया 29:7

अरीएलया विरोधय् लडाइँ यायेत फुक्‍क जाति-जातितय्‌गु पुचः वःबलय् इपिं व इमिगु ल्‍वाभः नं याकनं म्‍हगस थें मदयावनी। शहरया किल्‍लायात हमला याइपिं चान्‍हय्‌या दर्शन थें मदयावनी-

यशैया 30:28

वय्‌कःया सासः गःपतय् थ्‍यंकः त्‍वपुइगु खुसिबाः थें च्‍वं। वय्‌कलं जाति जातितय्‌त नाश याइगु हासां हायादी, अले वय्‌कलं मनूतय्‌त मभिंगु लँय् यंकिगु लगाम इमिगु म्‍हुतुइ तयादी।

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यशैया 33:18

छिमिसं बिचाः याइ छिमिगु न्‍हापायागु भययात लुमंकी। “उपिं मू हाकिमत ग्‍व? कर काइपिं गन वन? धरहराया जिम्‍मा काइपिं हाकिमत गन वन?”

यशैया 34:17

वय्‌कलं इमिगु ब्‍वः अलग तयादी, वय्‌कलं थःगु ल्‍हातं नापय् यानाः इमित इनाब्‍यूगु दु। इमिसं सदां सदां थ्‍व अधिकार याइ। अले पुस्‍तां पुस्‍ता तक इपिं अन बाय् च्‍वनी।

यशैया 41:12

छिमि शत्रुतय्‌त छं मात्तुमालां नं लुइके फइ मखु। छंगु विरोधय् लडाइँ याइपिं नं ज्‍यालगय् जुइ मखु अले नाश जुइ।

यर्मिया 13:25

छंगु ब्‍व थ्‍व हे खः, अर्थात जिगुपाखें छंगु लागि क्‍वःछिनागु ब्‍व” परमप्रभुं धयादी। “छाय्‌धाःसा छं जितः त्‍वःताः मखुपिं द्यःतय्‌गु भलसा काःगु दु।

यर्मिया 2:3

उबलय्, इस्राएल परमप्रभुया निंतिं पवित्र खः, व वय्‌कःया सन्‍तानत मध्‍ये न्‍हापांम्‍ह खः। वय्‌कःया मनूतय्‌त मभिं याःपिं फुक्‍क दोषी ठहरय् जुल, अले इमिके विपत्ति वल।’” परमप्रभुं धयादी।

यर्मिया 49:10

तर जिं एसावयात नांगा याये, वं थःत सुचुके मफय्‌मा धकाः जिं व सुलाच्‍वनीगु थाय् खुला यानाबी। वया काय्‌म्‍ह्याय्‌पिं, थःथितिपिं व जःलाखःलापिन्‍त नाश याइ, छम्‍ह नं ल्‍यनी मखु।

इजकिएल 39:10

इमिसं मैदानय् सिँ मुनेमाली मखु। इमिसं जंगलय् वनाः सिँ पालाः हयेमाली मखु। छाय्‌धाःसा इमिसं उपिं हतियार सिँया निंतिं छ्यली। इमिसं थःपिन्‍त लुतय्‌ याःपिन्‍त लुतय्‌ याइ। थःत लाकाकाइपिन्‍त लाका काइ, परमप्रभु परमेश्‍वरं धयादी।

जकरिया 2:12

परमप्रभुं पवित्र देशय् यहूदायात थःगु हे भाग दय्‌कादी अले हाकनं यरूशलेमयात ल्‍ययादी।

न्‍यायकर्ता 5:31

“हे परमप्रभु, थुकथं हे छि सकल शत्रुत नाश जुइमा। परमेश्‍वरयात माया याइपिं धाःसा थियाच्‍वंगु सूर्य थें जुइमा।” हाकनं देशय् पिइदँ तक शान्‍ति जुल।