यशैया 17:13 - नेवाः बाइबल

¹³ तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 17:13 ပူးပေါင်းရင်းမြစ်များ

अय्‍यूब 21:18

दुष्‍टम्‍ह मनू ग्‍वःकः फसय् सुपः थें, व तसकं वःगु फसं ब्‍वय्‌कूगु छ्वस थें जुइगु?

अय्‍यूब 38:11

जिं धया, ‘थन तक जक छ वये फइ, थ्‍व स्‍वयाः न्‍ह्यःने मखु। थन हे छंगु तःधंगु लबुत दीमा।’

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

भजनसंग्रहया सफू 35:5

फसं पुइके यंकूगु सुपः थें परमप्रभुया दूतं इमित लिनाछ्वयेमा।

भजनसंग्रहया सफू 65:7

छिं समुद्रया किसिद्वम्‍बः व मनूतय्‌गु हाःहूयात नं दिकादिल।

भजनसंग्रहया सफू 65:8

छिगु अजू चायापुगु ज्‍या खनाः पृथ्‍वीया कुंकुलामय् च्‍वंपिं मनूत ग्‍याःगु दु। छिं थःगु ज्‍यां निभाः लुइगु थासंनिसें निभाः बीगु थासय् थ्‍यंक लसतां भय्‌बिका ब्‍यूगु दु।

भजनसंग्रहया सफू 9:5

जातितय्‌त छिं ख्‍याच्‍वः बियादीगु दु। अले मभिंपिन्‍त नाश यानादीगु दु। छिं इमिगु नां सदांया निंतिं हुयाछ्‌वयादीगु दु।

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 21:15

इपिं तरवारपाखें, नांगागु तरवारपाखें, चाःतुगु धनुष वाणपाखें व तःधंगु ल्‍वापुपाखें बिस्‍युं वनी।

यशैया 22:18

वय्‌कलं छन्‍त भकुंग्‍वारायात थें कयाः छगू तःधंगु देशय् वान्‍छ्वयादी। अले छ अन सी अले छं गर्व याःगु छंगु रथत छिमि मालिकया परिवारया लागिं लज्‍या जुइ। छं थः मालिकया परिवारया बदनाम याइ।”

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यशैया 30:28

वय्‌कःया सासः गःपतय् थ्‍यंकः त्‍वपुइगु खुसिबाः थें च्‍वं। वय्‌कलं जाति जातितय्‌त नाश याइगु हासां हायादी, अले वय्‌कलं मनूतय्‌त मभिंगु लँय् यंकिगु लगाम इमिगु म्‍हुतुइ तयादी।

यशैया 34:17

वय्‌कलं इमिगु ब्‍वः अलग तयादी, वय्‌कलं थःगु ल्‍हातं नापय् यानाः इमित इनाब्‍यूगु दु। इमिसं सदां सदां थ्‍व अधिकार याइ। अले पुस्‍तां पुस्‍ता तक इपिं अन बाय् च्‍वनी।

यशैया 40:15

जात जातित ला बाल्‍तिनय् च्‍वंगु छफुति लः थें जक खः। इपिं ला ताल्‍जुइ पेपुनाच्‍वंगु धू थें खः। वय्‌कलं ला टापुतय्‌त धूयात थें लनादी।

यशैया 40:24

इपिं पीवं, पुसा ह्वलेवं, इमिसं बुँइ हा कायेवं वय्‌कलं इमित स्‍वांपुयादी अले इपिं सुकूचिनावनी, अले ग्‍वःफसं इमित छ्वसँ थें पुइकेयंकी।

यशैया 41:11

“छनापं तंम्‍वःपिं फुक्‍क धात्‍थें हे लाजय् लाइ, अले बेइज्‍जत जुइ। छन्‍त विरोध याइपिं छुं मखुपिं जुइ अले नाश जुयावनी।

यशैया 8:7

आः स्‍वः, परमप्रभुं यूफ्रेटिस तसकं खुसिबाः वयाः इमित त्‍वपू थें, अश्‍शूरया जुजु व वया महिमायात यहूदाय् हमला यायेत हयाबी। खुसिबाः वइबलय् खुसिया लः तसकं ब्‍वाँय् वं थें इपिं नं ब्‍वाँय् वइतिनी।

दानिएल 2:35

अनंलि नँ, चा, कँय्, वहः व लुँ फुक्‍क छक्‍वलं हे चुंचुं जुल अले छ्व लये धुंकाः खलां छ्वस ब्‍वयेकूगु थें फसं छुं नं ल्‍यं मदय्‌क ब्‍वय्‌का यंकल। व झ्‍वातानापं हाःगु ल्‍वहं धाःसा तःधंगु पर्वत जुयाः फुक्‍क पृथ्‍वीयात त्‍वपुयाबिल।

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

सपन्‍याह 2:2

न्‍याय शुरु जुइ न्‍ह्यः, छिपिं पस्‍ताय् चायेगु ई छ्वसः थें ब्‍वय्‌का यंके न्‍ह्यः, परमप्रभुयागु ग्‍यानपुस्‍से च्‍वंगु तं छिमिथाय् वये न्‍ह्यः, अले वय्‌कःयागु तंया दिं छिमिथाय् वये न्‍ह्यः।