यशैया 17:11 - नेवाः बाइबल

¹¹ अले छं व प्‍यूगु दिनय् तःमा जुयाः मुखू स्‍वाँ नं ह्वय्‌की अय्‌नं ल्‍वय्‌यागु दिं व मलनीगु कष्‍टया दिनय् वयागु बाली नाश जुइ। छुं नं बाली दइ हे मखु। खालि ल्‍वय्‌या दिं व स्‍याःचा जक जुइ।

यशैया 17:11 ပူးပေါင်းရင်းမြစ်များ

अय्‍यूब 4:8

जिं खनागु दु, अधर्म जोतय् याइपिन्‍सं अले विपत्ति ह्वलिपिन्‍सं व हे लइ।

भजनसंग्रहया सफू 90:6

सुथय् बुँ ह्वयाः व थाहां वइ, तर बहनी गनाः सुकूचिनावनी।

यशैया 17:5

बाली लयाः मुंके धुंकूगु बुँ थें इस्राएलीत जुइ, रपाईमया ब्‍यासिया तछ्वगुँइँ मुने धुंकूगु बुँ थें इस्राएलीत जुइ।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

होशे 8:7

“इमिसं फय् ह्वली अले ग्‍वःफय् मुंकी। दंचाय् छुं नं बाला सइ मखु, उकियागु बालिं छ्वचुं दइ मखु। छुं दत धाःसां विदेशीतय्‌सं व नयाबी।

होशे 9:16

एफ्राइमया मनूत हानापं गनावंगु व फल सइ मखुगु सिमा थें जूगु दु। इमिसं काय्‌म्‍ह्याय् बुइकुसां इमि यःपिं मस्‍तय्‌त जिं स्‍यानाबी।”

योएल 1:17

पुसा चाग्‍वारा क्‍वय् सेकुन, धुकुति उजाड यानाबिल, अले अन्‍नया धुकुति न्‍हनावन, छाय्‌धाःसा अन्‍न सुकूगनावने धुंकल।

लेवी 26:20

छिमिसं यक्‍व ज्‍या याःसां सितिं वनी छाय्‌धाःसा छिमिगु बुँइ अन्‍न सइ मखु। अले सिमाय् फल नं सइ मखु।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

व्‍यवस्‍था 28:39

छिमिसं दाखक्‍यब पिनाः उकी ज्‍या याइ अय्‌नं छिमिसं दाखमद्य त्‍वनेखनी मखु, दाख मुने खनी मखु, छाय्‌धाःसा कीचातय्‌सं उपिं नयाबी।