यशैया 17:10 - नेवाः बाइबल

¹⁰ हे इस्राएल, परमेश्‍वर छन्‍त उद्धार याइम्‍ह खः, वय्‌कः ल्‍वहंधी व छंगु किल्‍ला थें खः, तर छं परमेश्‍वरयात ल्‍वःमंकल। अथे जुयाः छं तसकं बांबांलाःगु सिमात पित अले पिने हःगु दाखमात नं पित,

यशैया 17:10 ပူးပေါင်းရင်းမြစ်များ

१ इतिहास 16:35

अले थथे धकाः तःसलं हा, “हे जिमित उद्धार यानादीम्‍ह परमेश्‍वर, जिमित बचय् यानादिसँ। जिमित मुंकाः मेगु जातितपाखें बचय् यानादिसँ। अले जिमिसं छिगु नामय् सुभाय् बी फइ, अले छिगु पवित्र नांयागु प्रशंसा याये।”

भजनसंग्रहया सफू 106:13

अय्‌नं वय्‌कलं यानादीगु ज्‍या इमिसं याकनं हे ल्‍वःमंकल। इमिसं वय्‌कःया सल्‍लाह पिया मच्‍वं।

भजनसंग्रहया सफू 106:21

मिश्र देशय् ततःधंगु ज्‍या यानाः इमित बचय् यानादीम्‍ह परमेश्‍वरयात इमिसं ल्‍वःमंकल,

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 31:2

जिगु प्रार्थना न्‍यनादिसँ। अले जितः याकनं बचय् यानादिसँ। जिगु निंतिं ल्‍वहंधी जुयादिसँ अले किल्‍ला जुयाः जितः बचय् यानादिसँ।

भजनसंग्रहया सफू 65:5

हे जिमित उद्धार याइम्‍ह परमेश्‍वर, छिं जिमिगु प्रार्थनाया लिसः अजू चायापुगु ज्‍या यानाक्‍यनाः बियादी। पृथ्‍वीया कुंकुलामय् च्‍वंपिं मनूत व समुद्रया तापाक्‍क तापाक्‍क च्‍वंपिं मनूतय्‌सं नं छितः विश्‍वास याःगु दु।

भजनसंग्रहया सफू 79:9

हे परमेश्‍वर, जिमित ग्‍वाहालि यानाः बचय् यानादिसँ। थःगु नांया महिमाया निंतिं जिमिगु पापयात क्षमा यानादिसँ।

भजनसंग्रहया सफू 85:4

हे जिमित उद्धार यानादीम्‍ह परमेश्‍वर, जिमित हाकनं स्‍वीकार यानादिसँ, जिपिं खनाः तंचायादीगु त्‍वःतादिसँ।

भजनसंग्रहया सफू 9:17

दुष्‍टत फुक्‍कं पातालय् कुतुं वनी, परमेश्‍वरयात ल्‍वःमंकूपिं फुक्‍क जातित नं।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 17:9

उखुन्‍हु इस्राएलीतय्‌सं यानाः इमिसं त्‍वःतूगु बबल्‍लाःगु शहरत वान्‍छ्वयाः तःगु सिँ व झाःया झाः दुगु थाय् थें जुइ।

यशैया 18:5

छाय्‌धाःसा बाली लये न्‍ह्यः हे स्‍वां ह्वयाः कुतुंवने धुंकीबलय्, अले दाख पाकय् जुइबलय्, वय्‌कलं व कचायात ईंचां न्‍हायादी अले न्‍यनावंगु कचायात नं पालाछ्वयादी।

यशैया 25:4

मगाःमचाःपिं व चीमिपिनिगु निंतिं, छि बल्‍लाःगु शरण कायेगु थाय् जुयादीगु दु। छि इमिगु निंतिं ग्‍वःफय् वइबलय् शरण कायेगु थाय् व क्‍वइगु निभालं बचय् जुइत किचः जुयादीगु दु। दयामदुपिं मनूतय्‌सं पखालय् ग्‍वःफय् जू वः थें,

यशैया 26:4

न्‍ह्याबलें परमप्रभुयाके भलसा तया च्‍वँ छाय्‌धाःसा परमप्रभु, परमप्रभु थः हे न्‍ह्याबलें दयाच्‍वनीगु ल्‍वहं खः।

यशैया 30:29

तर छिपिं, परमेश्‍वरया मनूत धाःसा लय्‌ताइ अले पवित्र नखः मानय् याःथें चान्‍हय् छिमिसं भजन हाली। इस्राएलया ल्‍वहंधी, परमप्रभुया पर्वतपाखे थाहां वनेत, बाँसुरी पुइपिं लय्‌तायाः वं थें छिमिगु नुगः नं लसतां जाइ।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

यशैया 44:8

यक्‍व न्‍हापांनिसें आः तक छिमित छु जिं लिपा जुइगु खँ कनागु मदु ला? उकिं छिपिं ग्‍याये मते वा थुरथुर खाये मते। छिपिं जिगु साक्षी खः। छु जि बाहेक मेपिं परमेश्‍वर दु ला? मदु, अन छुनं मेगु ल्‍वहंधी मदु, मेम्‍ह सुं नं परमेश्‍वर मदु!”

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 62:11

परमप्रभुं पृथ्‍वीयागु कुन्‍चाय् तक घोषणा यानादीगु दु, “यरूशलेमया यःपिं मनूतय्‌त धा, ‘स्‍व, छिमि मुक्तिदाता वयेत्‍यंगु दु! स्‍व, वय्‌कःया लिच्‍वः वय्‌कःयाके हे दु, अले वय्‌कःया इनाम वय्‌कःनापं हे दु।’”

यर्मिया 12:13

इमिसं छ्व ह्वल, तर कं बुल। इमिसं दुःख सियाः ज्‍या यात, तर इमित छुं फाइदा मदु। जि तसकं तंम्‍वयागुलिं इमिगु बाली मदुगु जुयाः इपिं मछाले माल।”

यर्मिया 17:13

हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

यर्मिया 2:32

छु सुं मिसामचां थःगु तिसा व सुं भम्‍चां थःगु समा ज्‍वलं ल्‍वःमंके फइ ला? तर जिमि प्रजां जुग जुगंनिसें जितः ल्‍वःमंके धुंकल।

यर्मिया 3:21

नांगा डाँडा डाँडाय् इस्राएलीतय्‌गु ख्‍वःसः व इनाप यानाच्‍वंगु सः ताये दयाच्‍वंगु दु। छाय्‌धाःसा इपिं मखुगु लँय् वंगु दु, अले इमिसं थः परमप्रभु परमेश्‍वरयात ल्‍वःमंकूगु दु।

इजकिएल 22:12

छंके हे मनूतय्‌सं मनू स्‍यायेत ध्‍यबा काइगु, गुलिं मनूतय्‌सं ब्‍याजय् नं यक्‍व ब्‍याज काइगु, थः जःलाखःलायात अन्‍याय यानाः जबरजस्‍तिं लबः काइगु। छं जितः ल्‍वःमंकूगु दु, परमप्रभु परमेश्‍वरं धयादी।

इजकिएल 23:35

“उकिं परमप्रभु परमेश्‍वरं थथे धयादी – छं जितः ल्‍वःमंकल, अले छंगु जँधूफाःया ल्‍युने जितः तल, उकिं छं थःगु महापाप व व्‍यभिचारया लिच्‍वः भोगे यायेमाली।”

होशे 4:6

जिमि प्रजा जिगु ज्ञान मदुगुलिं नाश जुल। “छिमिसं ज्ञानयात हेला याःगुलिं जिं नं छिमित थः पुजाहारीया ज्‍याय् तये मखु। छिमिसं थः परमेश्‍वरया ब्‍यवस्‍थायात त्‍वःतूगुलिं, जिं नं छिमि काय् म्‍ह्याय्‌पिन्‍त त्‍वःताबी।

होशे 8:14

इस्राएलया मनूतय्‌सं थःत दय्‌कादीम्‍ह सृष्‍टिकर्ता परमेश्‍वरयात ल्‍वमंकाः ततःखागु छेँ दय्‌कल, यहूदाया मनूतय्‌सं यक्‍व शहरय् किल्‍लात दय्‌कल। तर जिं इमिगु शहरय् मि तयाबी, अले उकिं वया किल्‍लायात भस्‍म यानाबी।”

योएल 1:17

पुसा चाग्‍वारा क्‍वय् सेकुन, धुकुति उजाड यानाबिल, अले अन्‍नया धुकुति न्‍हनावन, छाय्‌धाःसा अन्‍न सुकूगनावने धुंकल।

लेवी 26:16

जिं नं छिमिथाय् आकाझाकां भय छ्वयाहये, अले म्‍ह सुकुगना वनीगु, मिखायात स्‍यंकीगु, ग्‍यानपुसे च्‍वंगु ल्‍वय् छ्वयाहये। छिमिसं ह्वलातःगु पुसा अथें सितिं वनी छाय्‌धाःसा छिमि शत्रुतय्‌सं बाली नयाबी।

लेवी 26:20

छिमिसं यक्‍व ज्‍या याःसां सितिं वनी छाय्‌धाःसा छिमिगु बुँइ अन्‍न सइ मखु। अले सिमाय् फल नं सइ मखु।

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

सपन्‍याह 1:13

इमिगु धन-सम्‍पत्ति लाका काइ, इमिगु छेँ मेपिन्‍सं थुनाबी। इमिसं छेँ दय्‌कूसां उकी इपिं च्‍वने दइ मखु। इमिसं दाखमा पिइ अय्‌सां इमिसं व दाखमद्य त्‍वनेखनी मखु।”

व्‍यवस्‍था 28:30

छिपिंनापं ब्‍याहा क्‍वःछ्यूम्‍ह मिसायात मेम्‍ह मिजंनं यंकाः स्‍यंकाबी। छिमिसं दय्‌कूगु छेँय् थःपिं च्‍वने खनी मखु। छिमिसं दाखमा पी अय्‌नं उकिया फल नयेखनी मखु।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

व्‍यवस्‍था 32:18

परमेश्‍वर, छिमित जीवन बियादीम्‍ह बल्‍लाःम्‍ह रक्षकयात छिमिसं त्‍वःताहल। परमेश्‍वर, छिमि बाःयात छिमिसं ल्‍वमंकाहल।

व्‍यवस्‍था 32:31

छाय्‌धाःसा झी शत्रुतय्‌सं ताय्‌कूगु थें इमि द्यःत झी बल्‍लाःम्‍ह रक्षक थें मखु।

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।

व्‍यवस्‍था 6:12

होश या! छिमित मिश्र देशं दासत्‍वं पितहयादीम्‍ह परमप्रभुयात ल्‍वःमंके मते।

व्‍यवस्‍था 8:11

होश या! परमप्रभु छिमि परमेश्‍वरयात ल्‍वमंके मते, जिं थौं छिमित बियाच्‍वनागु परमप्रभु छिमि परमेश्‍वरया आज्ञा, विधि व नियम मानय् मयासें वय्‌कःयात ल्‍वःमंके मते।

व्‍यवस्‍था 8:14

छिपिं तःधंछु जुयाः छिमित दासत्‍वया देश मिश्रं पितहयादीम्‍ह परमप्रभु छिमि परमेश्‍वरयात ल्‍वःमंके मते।

व्‍यवस्‍था 8:19

छिमिसं परमप्रभु थः परमेश्‍वरयात ल्‍वःमंकल धाःसा अले मेपिं द्यःतय्‌गु ल्‍यू वनाः इमित पुजा व भागि यात धाःसा छिपिं धात्‍थें नाश जुइ धकाः जिं थौं छिमित ख्‍याच्‍वः बी।