यशैया 16:5 - नेवाः बाइबल

⁵ परमेश्‍वरं दाऊदया सन्‍तानपाखें छम्‍ह जुजु पलिस्‍था यानादी। अले वं दया मायां व विश्‍वास यायेबहः कथं शासन याइ। वं न्‍यायया रक्षा अले धार्मिकताया ज्‍या जुक्‍व हथासं याइ।

यशैया 16:5 ပူးပေါင်းရင်းမြစ်များ

२ शमूएल 23:3

इस्राएलया परमेश्‍वर नवानादिल, इस्राएलयात ल्‍वहंधी थें रक्षा यानादीम्‍हं जितः धयादिल, “गुम्‍हय्‌सिनं धार्मिकताकथं न्‍याय याइ, अले परमेश्‍वरया भय कयाः शासन याइ,

२ शमूएल 5:9

दाऊद वनाः किल्‍लाय् च्‍वनाच्‍वंगु जुयाः उकियात “दाऊदया शहर” धयाहल। दाऊदं तिबः बीगु फःतय्‌गु दुनेपाखे गद्दीया प्‍यखें शहर दय्‌कल।

२ शमूएल 7:16

छंगु घराना न्‍ह्याबलें दयाच्‍वनी अले छिमि सन्‍तानतय्‌सं जुजु जुयाः न्‍ह्याबलें शासन याइ। अले छंगु सिंहासन न्‍ह्याबलें दयाच्‍वनी।’”

१ राजा 10:9

परमप्रभु छिकपिनि परमेश्‍वरया प्रशंसा जुइमा। वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियाः क्‍यनादीगु दु। छाय्‌धाःसा परमप्रभुं इस्राएलयात सदां माया यानादी। उकिं न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

२ इतिहास 31:20

हिजकियां यहूदाय् न्‍यंक हे थथे ज्‍या यात। वं परमप्रभु थः परमेश्‍वरया मिखाय् छु भिंगु, खःगु व विश्‍वास याये बहःगु खः व हे ज्‍या यात।

भजनसंग्रहया सफू 85:10

सदां दयाच्‍वनीगु दया माया व विश्‍वास थःथवय् मिलय् जूगु दु, धार्मिकता व शान्‍ति थवंथः चुप्‍पा नइ।

भजनसंग्रहया सफू 89:14

धार्मिकता व न्‍याय छिगु सिंहासनया जग खः। छिगु सदां दइगु दया माया व विश्‍वास याये बहःसू छिकपिनि दूतत जुयाः छिगु न्‍ह्यः न्‍ह्यः वनी।

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

हितोपदेश 20:28

परमेश्‍वरया दया व भलसां हे शासकतय्‌गु शासन बचय् जुयाच्‍वनी।

हितोपदेश 29:14

चीमिपिन्‍त नं उतिग्‍यंक न्‍याय याइम्‍ह जुजुं सदांया निंतिं शासन याइ।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

मीका 4:7

लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।