यशैया 16:4 - नेवाः बाइबल

⁴ मोआबं पितिनाहःपिं छिकपिंनापं हे च्‍वनेमा। इमित नाश याइपिनिपाखें बचय् यानादिसँ।” क्‍वत्‍यला तइपिं व नाश याइपिनिगु अन्‍त जुइ अले क्‍वत्‍यलीपिं व नाश याइपिं देशं तनावनी।

यशैया 16:4 ပူးပေါင်းရင်းမြစ်များ

यशैया 14:4

छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

यशैया 15:6

निम्रीमया लः सुनावन, अन लिक्‍क च्‍वंगु घाँय्‌त सुकूचिना वन, छुं नं वाउँगु धयागु हे मन्‍त।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

यर्मिया 48:18

“हे दीबोनय् च्‍वंपिं मनूत, थःगु गौरवं कुहां वयाः गंगु जमिनय् च्‍वँ, छाय्‌धाःसा मोआबयात नाश याइम्‍ह छंगु विरोधय् वइ। वं छंगु छचाःखेरं पःखाः ग्‍वयातःगु शहरत नाश याइ।

यर्मिया 48:8

अले परमप्रभुं धयादीगु थें नाश याइम्‍ह छिमिगु फुक्‍क शहरय् वइ, छगू शहर नं बचय् जुइ मखु। ब्‍यासि नं नाश जुइ, पहाडयागु माथंवंगु जमिनयात नं नाश याइ।

ओबदिया 1:14

इमिगु दुःखया इलय् बिस्‍युं वंपिन्‍त ज्‍वनाः स्‍यायेत, छ दुवातय् पियाच्‍वने मज्‍यूगु खः, व ल्‍यंदुपिन्‍त इमिगु दुःखया इलय् इमि शत्रुतय्‌त लःल्‍हाये मज्‍यूगु खः।

जकरिया 10:5

इपिं लडाइँलय् थः शत्रुतय्‌त लँया धुलय् न्‍हुत्तु न्‍हुइपिं बल्‍लाःपिं सिपाइँत थें जुइ। परमप्रभु इपिं लिसे दीगुलिं इमिसं सल गयाः वइपिं सिपाइँतय्‌त नं बुकी।

जकरिया 9:8

आवलिं जिं थःगु देगःयात हमला याइपिं सिपाइँतपाखें रक्षा याये। हाकनं सुं क्‍वत्‍यलेम्‍हय्‌सिनं गुबलें नं जि मनूतय्‌त हमला याइ मखु। छाय्‌धाःसा आः जिं थःम्‍हं हे इमिगु बिचाः यानाच्‍वनागु दु।

मलाकी 4:3

जिं थ्‍व ज्‍या यायेगु दिनय् छिमिसं दुष्‍टतय्‌त तुतिं न्‍हुइ, अले इपिं छिमिगु तुति क्‍वय्‌यागु नउ थें जुइ,” दक्‍व शक्ति दुम्‍ह परमप्रभुं धयादी।

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

व्‍यवस्‍था 24:14

छिमि इस्राएली दाजुकिजा जुइमा वा छिमिगु शहरत मध्‍ये छगू शहरय् च्‍वनाच्‍वंम्‍ह परदेशी जुइमा, सुं मगाःमचाःम्‍ह व नये मखंम्‍ह ज्‍याला कयाः ज्‍या याइम्‍ह च्‍यःपाखें फाइदा काये मते।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।