यशैया 16:2 - नेवाः बाइबल

² स्‍वँपाखें लिना छ्वया थुखे उखे ब्‍वयाजुयाच्‍वंपिं झंगःत थें मोआबया शहर शहरयापिं मिसात अर्नोन खुसि सिथय् थुखे उखे जुयाः पियाच्‍वंगु दु।

यशैया 16:2 ပူးပေါင်းရင်းမြစ်များ

२ राजा 3:4

मोआबया जुजु मेशां यक्‍व फै लहिनातःगु दु। दँय्‌दसं वं १,००,००० चिधिकःपिं भ्‍याःचा व १,००,००० भ्‍याःचाया ऊन इस्राएलया जुजुयात बीमाः।

हितोपदेश 26:2

म्‍वाय्‌कं म्‍वाय्‌कं ब्‍यूगु सराः लगय् जुइ मखु। थ्‍व ला चखुंचा थें भुर्र ब्‍वयावनी, अले इखुंचा थें ब्‍वाँय् वनी।

हितोपदेश 27:8

छेँनं तापाःम्‍ह मनू स्‍वलं तंम्‍ह झंगः थें खः।

यशैया 13:14

इपिं लिना हःम्‍ह चल्‍ला थें अले जवाः मदुपिं फैत थें, फुक्‍क मनूत थः मनूतय्‌थाय् लिहांवनी अले फुक्‍क मनूत थथःगु हे थासय् बिस्‍युं वनी।

यर्मिया 48:20

मोआबया बेइज्‍जत जूगु दु, छाय्‌धाःसा वयात चुंचुं याःगु दु। ‘नुगः मछिंकि, ख्‍व, मोआबयात नाश यात’ धकाः अर्नोन खुसि सिथय् वनाः धा।

यर्मिया 48:46

धिक्‍कार छन्‍त, अय् मोआब! कमोश द्यःया मनूत नाश जुल, छं काय् म्‍ह्याय्‌पिन्‍त ज्‍वनाः मेगु देशय् यंकल।

यर्मिया 48:9

मोआबय् चि ह्वलाब्‍यु, छाय्‌धाःसा व तहसनहस जुइ, उकिया शहरत सुं नं मनू मदय्‌क सुनसान जुइ।

गन्‍ती 21:29

हे मोआब, छन्‍त धिक्‍कार दु! कमोश द्यःया प्रजा, छ नाश जुल! वं थः काय्‌पिन्‍त बिस्‍युं जूपिं थें व थः म्‍ह्याय्‌पिन्‍त दासी थें एमोरी जुजु सीहोनयात बिल।

व्‍यवस्‍था 2:36

अर्नोन खुसियागु न्‍हसिकाप च्‍वसं दुगु अरोएरनिसें अले न्‍हसिकापया दथुइ दुगु शहरंनिसें गिलाद तक झीसं त्‍याकाकाये मफुगु बल्‍लाःगु शहर छगू नं मदु। परमप्रभु झी परमेश्‍वरं दक्‍व झीत बियादिल।

व्‍यवस्‍था 3:12

उबलय् झीसं व देश त्‍याकाकयाबलय् अर्नोन खुसियागु न्‍हसिकाप च्‍वसं दुगु अरोएरंनिसें कयाः गिलाद पर्वतया बच्‍छि ब्‍व व उकिया शहर जिं रूबेनी व गादीतय्‌त बिया।

व्‍यवस्‍था 3:8

उबलय् झीसं थुपिं निम्‍ह एमोरी जुजुतय्‌गु ल्‍हातिं अर्नोन खुसिया न्‍हसिकापंनिसें हेर्मोन पर्वत तक यर्दनया पुर्बपाखेया देश कया।

यहोशू 13:16

इमिगु सिमाना थुकथं दु – अर्नोन खोँचया च्‍वसं दुगु अरोएर शहर व खोँचया दथुइ लाःगु गां, व मेदबाया फुक्‍क माथुंनिसें कयाः

न्‍यायकर्ता 11:18

“अनं लिपा इपिं मरुभूमि जुयाः वन अले एदोम व मोआबया सिथं सिथं जुयाः मोआबया पुर्ब वनाः अर्नोनया मेखेपाखे छाउनी तल। अर्नोन खुसि मोआबया सिमाना जूगुलिं इपिं मोआब देशय्‌ दुहां मवं।”