यशैया 16:11 - नेवाः बाइबल

¹¹ अथे जुयाः जिगु नुगः मोआबया निंतिं अले जिगु मन कीर-हरेशेतया निंतिं बिनाया सः थें ख्‍वख्‍वं दुखं च्‍वनी।

यशैया 16:11 ပူးပေါင်းရင်းမြစ်များ

यशैया 15:5

जिगु नुगः मोआबया निंतिं ख्‍वइ। अन च्‍वंपिं बिस्‍युं वनाः सोअर तक अले एग्‍लत-शलीशियाय् तक थ्‍यंकः वन। गुलिं ख्‍वख्‍वं लूहीतपाखे थाहां वनीगु लँय् वन। होरानैमया लँय् इमिसं थःपिनिगु नाश जूगुया निंतिं बिलाप यात।

फिलिप्‍पी 2:1

ख्रीष्‍टयात विश्‍वास यानाः छिमित साहस वःगु दु ला? वय्‌कःयागु मायां छिमित तिबः ब्‍यूगु दु ला? छिमिसं पवित्र आत्‍मां धाःथें याना जुयागु दु ला? छिमिसं थःथवय् दया माया याना जुयागु दु ला?

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

यर्मिया 48:36

“उकिं बाँसुरी थें जिगु नुगलं मोआबया निंतिं बिलाप याइ। कीर हरेशेतयापिं मनूतय्‌गु निंतिं बाँसुरी थें वं बिलाप याइ। इमिसं कमय् याःगु धन नाश जुल।

यशैया 63:15

स्‍वर्गं स्‍वयादिसँ, अले थःगु दक्‍वसिबय् च्‍वय्‌यागु पवित्र व महिमां जाःगु सिंहासनं क्‍वय् स्‍वयादिसँ। छिगु जोश व शक्ति गन वन? छिं जिपिंपाखें छिगु क्‍वमिलुसु व दयामाया लितकाःगु दु।

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यशैया 21:3

अनंलि जिगु म्‍ह तसकं कष्‍टं जायावल। व दुःखकष्‍ट मचाबू ब्‍यथा जूम्‍ह मिसायागु थें च्‍वं। जिं छु न्‍यना उकिं जिगु छ्यं क्‍वछुल जिं छु खनाः उकिं जिगु नुगः क्‍वतुन,

यर्मिया 48:31

उकिं जि मोआबया निंतिं ख्‍वये, सकलें मोआबीतय्‌गु निंतिं जि ख्‍वये। कीर-हरेशेतया मनूतय्‌गु निंतिं जिं नुगः मछिंके।

विलाप 1:20

“हे परमप्रभु स्‍वयादिसँ, जि दुःखय् लाःगु दु। जिगु नुगः ख्‍वःगु दु, अले जिगु मन थातय् मला, छाय्‌धाःसा जि विद्रोही जुयागु दु। लँय् लँय् स्‍याये पाले जूगु दु, छेँय् दुने नं सीगु दु।