यशैया 15:7 - नेवाः बाइबल

⁷ अथे जुयाः इमिसं थःम्‍हं मुंकातःगु धन-सम्‍पत्ति लहरे पिपलया झाः दुथाय् न्‍हसिकापया उखेपाखे यंकी।

यशैया 15:7 ပူးပေါင်းရင်းမြစ်များ

यशैया 10:14

सुं छम्‍हय्‌सिनं चखुंया स्‍वँय् ल्‍हाः तः थें जिगु ल्‍हाः नं यक्‍व सम्‍पत्ति दुगु फुक्‍क देशय् थ्‍यंगु दु। त्‍वःताथकूगु खेँय् सुं मनुखं मुंका यंकु थें जिं फुक्‍क देशयात मुंकागु दु। अय्‌नं अन सुनानं पपू मसंकू अले चूँ-चूँ चीँ-चीँ हाला हःगु नं मदु।’”

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

यशैया 15:8

इमिगु दुःखया थ्‍वःसः मोआबया सिमानाय् तक हे थ्‍यंगु दु, इमिगु ख्‍वःसः सोर एग्‍लैम तक व इमिगु बिलाप बेअर-एलीम तक हे थ्‍यंगु दु।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यशैया 5:29

सुनानं लाका काय् मफय्‌क शिकार यानाः ज्‍वनावःम्‍ह सिंहं थें सिपाइँत तसलं हाला हइ।

यर्मिया 48:36

“उकिं बाँसुरी थें जिगु नुगलं मोआबया निंतिं बिलाप याइ। कीर हरेशेतयापिं मनूतय्‌गु निंतिं बाँसुरी थें वं बिलाप याइ। इमिसं कमय् याःगु धन नाश जुल।

लेवी 23:40

न्‍हापांगु दिं छिमिसं थःथाय् सःगु भिंभिंगु फल, बल्‍चा दय्‌केत ताय्‌गः सिमाया कचा, ततःमागु सिमाया कचा, लहरे पिपलया कचा ज्‍वनाः न्‍हय्‌न्‍हु तक परमप्रभु छिमि परमेश्‍वरया न्‍ह्यःने लय्‌ताया च्‍वँ।