यशैया 15:4 - नेवाः बाइबल

⁴ हेश्‍बोन व एला तःसलं ख्‍वइ। इपिं ख्‍वःगु सः यहसा तक हे ताये दु। अथे जुयाः मोआबया ल्‍वाभः ज्‍वनातःपिं मनूत तःसलं हालाः ख्‍वइ अले इमिगु नुगः भाराभारा मिनाः ग्‍याइ।

यशैया 15:4 ပူးပေါင်းရင်းမြစ်များ

उत्‍पत्ति 27:46

अले रिबेकां इसहाकयात धाल, “थनच्‍वंपिं हित्ती मिसातय्‌सं यानाः जि हीमी चायेधुन। याकूबं नं हित्ती मिसा हे ब्‍याहा यात धाःसा ला जि सीसां जिल।”

१ राजा 19:4

थः धाःसा मरुभूमिइ न्‍हिच्‍छि न्‍यासि वन। व छमा सिमा दुथाय् दित अले सिमाया क्‍वय् फेतुनाः वं थः सीसां जिल धकाः मतिइ तयाः प्रार्थना यात, “हे परमप्रभु, जिगु ज्‍यान कयादिसँ, आः अप्‍वः जुइ धुंकल। छाय्‌धाःसा जि थः पुर्खात स्‍वयाः भिंम्‍ह मखु।”

यर्मिया 20:18

जि छाय् जन्‍म जुयागु? जिगु जीवन समस्‍या व दुःखं जाःगु दु। लज्‍या चायाः जिं थःगु जीवन फुकेगु ला?

यर्मिया 48:21

तज्‍जाःगु माथंवंगु थाय्‌या न्‍याय वःगु दु अर्थात होलोन, यहसाह व मेपात,

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यर्मिया 8:3

जिं थ्‍व मभिंगु जातियापिं म्‍वानाच्‍वंपिं मनूतय्‌त पितिनाः गन गन छ्वये अन अन इमिसं म्‍वायेगु स्‍वयाः सीगु यय्‌की।” दक्‍व शक्ति दुम्‍ह परमप्रभुं धयादी।

योना 4:3

उकिं हे परमप्रभु, आः जि सीसां जिल। जि आः म्‍वानाच्‍वनेगु स्‍वयाः सीगु हे बांलात।”

योना 4:8

सूर्य लुइधुंकाः परमेश्‍वरं पुर्बया क्‍वाःगु फय् छ्वयाहयादिल। छेनय् निभालं पुनाः योना मूर्च्‍छा हे जुइ थें च्‍वन। अले वं सीगु मनं तुनाः थथे धाल, “आः जि म्‍वानाच्‍वनेगु स्‍वयाः सीगु हे जिल।”

गन्‍ती 11:15

छिं जितः थज्‍याःगु हे व्‍यवहार यानादीगु खःसा जितः दया यानाः थत्‍थें स्‍यानादिसँ, जि थःम्‍हं थःगु दुःख ला स्‍वयेमाली मखु।”

गन्‍ती 21:23

अय्‌नं सीहोनं इस्राएलीतय्‌त थःगु देशं जुयावने मब्‍यू। वं थः सेना मुंकाः इस्राएलीतनापं ल्‍वायेत मरुभूमिइ वयाः यहसाय् थ्‍यंकाः अन हे इपिं नापं ल्‍वात।

गन्‍ती 21:28

हेश्‍बोनं मि पिहां वल, सीहोनयागु शहरं छगू मिप्‍वाःला पिहां वल। उकिं मोआब देशयागु आर शहरयात अर्नोन खुसि च्‍वय्‌या ततःजाःगु थासय्‌यापिन्‍त भस्‍म यात।

व्‍यवस्‍था 2:32

सीहोनं थः सकलें सेना ज्‍वनाः जिपिंलिसें ल्‍वायेत यहसाय् वःबलय्

यहोशू 13:18

यहसा, कदेमोत, मेपात,

प्रकाश 9:6

थुबलय् मनूत सीत सनी, अय्‌नं सी फइ मखु। इमिसं सीत कुतः याःसां काल इपिं खनाः बिस्‍युं वनी।

न्‍यायकर्ता 11:20

अय्‌जूसां सीहोनं इस्राएलयात वयागु देश जुयाः वने बीत पत्‍याः मयात। वं थः सकल सिपाइँतय्‌त मुंकल, अले यहसाय् छाउनी तयाः इस्राएललिसें लडाइँ यात।