यशैया 14:4 - नेवाः बाइबल

⁴ छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

यशैया 14:4 ပူးပေါင်းရင်းမြစ်များ

२ इतिहास 36:18

बेबिलोनयाम्‍ह जुजुं देगःया चिग्‍वःगु व तग्‍वःगु फुक्‍क थलबल, परमप्रभुया देगःया धन-सम्‍पत्ति, जुजु व भारदारतय्‌गु धन-सम्‍पत्ति फुक्‍कं लुतय् यानाः बेबिलोनय् यंकल।

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 14:17

संसारयात मरुभूमि दय्‌काब्‍यूम्‍ह व अन दुगु शहरतय्‌त नाश याःम्‍ह थ्‍व हे मखु ला? छु ज्‍वनायंकिपिन्‍त छेँ वने मब्‍यूम्‍ह मनू नं थ्‍व हे मखु ला?”

यशैया 14:5

परमप्रभुं दुष्‍टतय्‌गु तुतां व मभिंकथं शासन याइपिनिगु राजदण्‍ड नं त्‍वथुलादीगु दु।

यशैया 14:6

गुकिं न्‍ह्याबलें मनूतय्‌त तमं दाया हे च्‍वनीगु खः अले सह याये मफय्‌क जाति जातितय्‌त क्‍वत्‍यलाः दुःखकष्‍ट बीगु खः।

यशैया 16:4

मोआबं पितिनाहःपिं छिकपिंनापं हे च्‍वनेमा। इमित नाश याइपिनिपाखें बचय् यानादिसँ।” क्‍वत्‍यला तइपिं व नाश याइपिनिगु अन्‍त जुइ अले क्‍वत्‍यलीपिं व नाश याइपिं देशं तनावनी।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यशैया 47:5

“हे बेबिलोन, तःधंगु बेबिलोनिया देशया राजधानी, छ सुम्‍क च्‍वँ! खिउँथाय् हुँ! आवंनिसें छन्‍त राज्‍य राज्‍यया शासक धकाः धाइ मखु।

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 51:23

जिं व ख्‍वला छन्‍त दुःख बिइपिनिगु ल्‍हातय् बी, गुम्‍हय्‌सिनं छन्‍त धाइ, ‘क्‍वछु, अले जिपिं छंगु म्‍हय् न्‍हुयाः न्‍यासि वने।’ अले छंगु थःगु ल्‍यूनेया ब्‍वः बँ व न्‍यासि वनेगु लँ थें यानाबिल।”

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

यर्मिया 48:17

वया प्‍यखेरं च्‍वंपिं व वयागु नां न्‍यंपिं सकलें वयागु निंतिं ख्‍व, अले धा, ‘व बल्‍लाःगु राजदण्‍ड त्‍वधूगु दु। व नांजाःगु कथि त्‍वधूगु दु।’

विलाप 4:1

लुँ मथिना वने धुंकल! भिंगु लुँ तक नं बुलुया वने धुंकल। पवित्र थाय्‌यागु मू तूगु ल्‍वहंत चुक चुकय् वांछ्वयातःगु दु!

इजकिएल 5:15

जिगु तं व झ्‍वँक छंके लाइबलय् अले जिं छन्‍त सजाँय बीबलय् छिमि प्‍यखेरं च्‍वंपिं जातित ग्‍याइ। इमिसं छन्‍त बेक्‍वः मिखां स्‍वइ, अले छन्‍त हेस्‍याइ। जि परमप्रभुं हे थ्‍व धयागु खः।

दानिएल 2:38

छःपिनि ल्‍हातय् वय्‌कलं मानव जाति व गुँपशुत अले आकाशयापिं झंगःपंक्षीत तयादीगु दु। इपिं न्‍ह्याथाय् च्‍वंसां वय्‌कलं छःपिन्‍त हे इपिं फुक्‍कसिया शासक दय्‌कादीगु दु। छःपिं हे व लुँया छ्यं खः।

हबकूक 2:17

छं लेबनानया जंगलयात पालाः स्‍यंकल, आः छन्‍त पाला स्‍याइ। छं अन च्‍वंपिं गुँपशुतय्‌त भज्‍यंक नाश याःगुलिं हे छंके तसकं भय वइ। छाय्‌धाःसा छं मनूतय्‌गु हिबाः वय्‌कल, छं देशत व शहरत व उकी च्‍वंपि दक्‍वं भज्‍यंक नाश यात।

प्रकाश 17:6

अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।

प्रकाश 18:16

“धिक्‍कार, धिक्‍कार हे तःधंगु शहर! भिंगु भिंगु सूती कापः, प्‍याजी रंगयागु कापतं पुना च्‍वंम्‍ह, लुँ, हिरा, मोती तिसां तिया च्‍वंम्‍ह छ हे खः!

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”