यशैया 14:30 - नेवाः बाइबल

³⁰ गरीब स्‍वयाः गरीबपिन्‍त ज्‍वयेत ख्‍यः दइ, मगाःमचाःपिं ढुक्‍क जुयाः आराम कायेखनी। तर जिं छिमि वंशयात नये मखंकाः नाश यानाबी। छिमि सुयातं नं उकिं म्‍वाका तइ मखु।

यशैया 14:30 ပူးပေါင်းရင်းမြစ်များ

यशैया 51:19

थुपिं निगू विपत्ति छन्‍थाय् वःगु दु, छन्‍त सुनां सान्‍त्‍वना बी? झिजांमिजां व नाश अले अनिकाल व तरवार, सुनां छन्‍त सान्‍त्‍वना बी?

यशैया 37:30

“हे हिजकिया, छंगु निंतिं थ्‍व चिं जुइ, “थ्‍व दँय् छिमिसं थथःम्‍हं बुयावःगु नइ। अले निदँ दुबलय् थुकिं हे सयावःगु नइ। अले स्‍वदँ दुबलय् छिमिसं पुसा ह्व, बाली लः, अले दाखमात पिनाः उकी सयावःगु फल न।

यशैया 33:16

व हे मनू च्‍वय् च्‍वनी, सुयागु शरण कायेगु थाय् पहाडया किल्‍ला जुइ। वयागु नसा वयात हे बी अले वयात त्‍वनेत माक्‍व लः दइ।

यशैया 9:20

जवपाखे इमिसं क्‍वाप्‍प नइ अय्‌नं नयेपित्‍याःम्‍ह जुया हे च्‍वनी। इमिसं खवपाखे नइ, अय्‌नं लुधनी मखु। सकसिनं थः मचातय्‌गु ला नइ,

यशैया 8:21

इपिं तसकं कष्‍टय् लाना नयेपित्‍याकाः देशय् चाचाःहिलाजुइ। उबलय् इमित तसकं नयेपित्‍याइ, इपिं तसकं तंम्‍वइ अले च्‍वय् स्‍वयाः थः जुजु व थः परमेश्‍वरयात सराः बी।

यशैया 5:17

व दिंखुन्‍हु फैतय् नयेत थःगु हे ख्‍यः दइ अले भ्‍याःचातय्‌सं धाःसा तःमिपिनिगु नाशया दथुइ नइ।

यशैया 3:15

छिमिसं जिमि प्रजायात क्‍वत्‍यःगु व मगाःमचाःपिनिगु ख्‍वालय् क्‍यःगु मतलब छु खः?” प्रभु, दक्‍व शक्ति दुम्‍ह परमप्रभुं धयादी।

अय्‍यूब 18:13

ल्‍वचं वयागु छेंगूयात नइ, ग्‍यानापुगु मृत्‍युं वयागु ल्‍हाःतुति नइ।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

सपन्‍याह 3:12

तर जिं छंगु दथुइ क्‍वमिलु व चिधंपिं मनूत त्‍वःता तये सुनां परमप्रभुया नामय् भलसा काइ।