यशैया 14:3 - नेवाः बाइबल

³ परमप्रभुं छिमिगु दुःखकष्‍ट व छिमिसं यानावःगु थाकुगु थाकुगु ज्‍यापाखें छिमित छुत्‍कारा बियादीबलय्

यशैया 14:3 ပူးပေါင်းရင်းမြစ်များ

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यर्मिया 17:4

जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

यर्मिया 30:8

“‘दक्‍व शक्ति दुम्‍ह परमप्रभुं धयादी, उखुन्‍हु जिं व जुवा इमिगु ककुं त्‍वथुलाबी, अले इमिगु सिखः कुचा कुचा यानाबी। इपिं हाकनं विदेशीतय् दास जुइ मखु।

यर्मिया 50:34

अय्‌नं इमित उद्धार याइम्‍ह बल्‍लाः, वय्‌कःया नां दक्‍व शक्ति दुम्‍ह परमप्रभु खः। वय्‌कलं इमिगु मुद्दा म्‍हितादी अले देशय् शान्‍ति हयादी, तर बेबिलोनय् च्‍वंपिन्‍के धाःसा अशान्‍ति हयादी।

इजकिएल 28:24

“‘आवंलि इस्राएलयापिं मनूतय् सिउँडी व च्‍वामुगु कँ दुपिं ईख याइपिं जःलाखःलात दइ मखुत। अले इमिसं जि हे परमप्रभु परमेश्‍वर खः धकाः सी।

जकरिया 8:2

दक्‍व शक्ति दुम्‍ह परमप्रभुं थथे धयादी, “सियोनयात जिगु क्‍वातूगु व दुग्‍यंगु माया दु। जि यरूशलेमया निंतिं जोशं जाःगु दु!”

जकरिया 8:8

जिं इमित यरूशलेमय् च्‍वनेत ब्‍वनाहये। इपिं जि मनूत जुइ। अले जि इमिपाखे विश्‍वास याये बहःम्‍ह व धर्मी जुयाः इमि परमेश्‍वर जुये।”

व्‍यवस्‍था 28:48

अथे जुयाः परमप्रभुं छिमिगु विरोधय् छ्वया हयादीत्‍यंपिं शत्रुतय्‌गु छिमिसं सेवा याइ। छिपिं नये पित्‍याःपिं, प्‍याय्‌चाःपिं व नांगा जुइ। छिमित फुक्‍क खँय् मगाःमचाः जुइ। छिपिं नाश जुया मवंतले परमप्रभुं छिमिगु गःपतय् ल्‍वहंयागु जुवा तयादी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”