यशैया 14:16 - नेवाः बाइबल

¹⁶ सीपिन्‍सं छन्‍त क्‍वथीक स्‍वयाच्‍वनी अले छंके थथे धकाः न्‍यनी, “छु पृथ्‍वीयात संकीम्‍ह अले राज्‍य राज्‍ययात ख्‍याच्‍वः बीम्‍ह थ्‍व हे मखु ला?

यशैया 14:16 ပူးပေါင်းရင်းမြစ်များ

भजनसंग्रहया सफू 52:7

“स्‍व, थ्‍व व हे मनू खः गुम्‍हय्‌सिनं परमेश्‍वरयात थःगु किल्‍ला मदय्‌कू, तर थःगु धनय् भलसा तल, मेपिन्‍त स्‍यंकाः थः बल्‍लात।”

भजनसंग्रहया सफू 64:9

मनूत सकलें ग्‍याइ। इमिसं परमेश्‍वरं यानादीगु ततःधंगु ज्‍या लुमंकी। अले वय्‌कलं यानादीगु ज्‍या कनाजुइ।

यशैया 14:15

तर छ चिहानय्, पातालया दक्‍वसिबय् क्‍वय् थ्‍यंक हे कुतुं वंगु दु।

यशैया 14:17

संसारयात मरुभूमि दय्‌काब्‍यूम्‍ह व अन दुगु शहरतय्‌त नाश याःम्‍ह थ्‍व हे मखु ला? छु ज्‍वनायंकिपिन्‍त छेँ वने मब्‍यूम्‍ह मनू नं थ्‍व हे मखु ला?”

यर्मिया 50:23

फुक्‍क पृथ्‍वीया मुगः बेबिलोन तज्‍याःगु व कुचा कुचा जूगु दु। जाति जातिया दथुइ बेबिलोन झिजांमिजां दंगु दु।

इजकिएल 32:23

इमि चिहानत पातालया तज्‍जाःथाय्‌या दुने दु। वया सेना वयागु हे चिहानया प्‍यखेरं दु। म्‍वाःपिनिगु देशय् ख्‍याना जुइपिं सकसितं स्‍याये धुंकल, तरवारं इमित ग्‍वतुइका ब्‍यूगु दु।

इजकिएल 32:27

इपिं मेपिं बहादुर सिपाइँतनापं लानाच्‍वनी, गुपिं सिपाइँत ग्‍वतूगु दु, गुपिं थथःगु लडाइँया हतियारनापं चिहानय् वंगु दु, गुपिन्‍सं तरवार थथःगु छ्यंया क्‍वय् तःगु दु। इपिं सिपाइँतय्‌सं म्‍वाःपिनिगु देशय् ख्‍याना जूगुलिं इमिगु पापया सजाँय इमिगु हे क्‍वँचय् लाःगु दु।

नहूम 3:6

छन्‍त फोहरं कय्‌काः, जिं छन्‍त क्‍वह्यंगु व्‍यवहार याये, जिं छन्‍त मनूत न्‍हिइकीगु खँ यानाबी।

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

हबकूक 1:17

छु इमिसं जात जातिया मनूतय्‌त जालय् क्‍यंकाः छप्‍ति हे माया मदय्‌क इमित नाश याना हे च्‍वनी ला?