यशैया 13:9 - नेवाः बाइबल

⁹ स्‍व, परमप्रभुया दिं – देशयात झिजांमिजां यायेत, अन दुपिं पापीतय्‌त नाश यायेत, वय्‌कःया क्रोध व मि थें च्‍याःगु तंनापं, दया मदुगु दिं वयाच्‍वंगु दु।

यशैया 13:9 ပူးပေါင်းရင်းမြစ်များ

भजनसंग्रहया सफू 104:35

पापी मनूत पृथ्‍वीं नाश जुयावनेमा। हे जिगु मन, परमप्रभुया प्रशंसा या! हल्‍लेलूयाह!

हितोपदेश 2:22

परमेश्‍वरं दुष्‍टतय्‌त थनं पितिनाछ्वइ अले पापीतय्‌त घाँय् लये थें लयाछ्वइ।

यशैया 13:6

ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 34:8

परमप्रभुं सियोनया पंलिनाः बदला कायेगु छगू दिं दु व सजाँय बीगु छगू दँ दु।

यशैया 63:4

छाय्‌धाःसा बदला कायेगु दिं जिं क्‍वःछिनागु दु, अले जिगु उद्धारया दँ न्‍ह्यःने थ्‍यंकः वःगु दु।

यशैया 66:17

“उपिं मध्‍ये सुनां थःत पवित्र व शुद्ध यानाः क्‍यबय् वनेत फा व छुँ वा मेमेगु घच्‍चाइपुस्‍य च्‍वंगु चिजत नइपिनिगु ल्‍यू वन धाःसा इपिं फुक्‍कसिगु नापं हे नाश जुइ,” परमप्रभुं घोषणा यानादी।

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

इजकिएल 13:5

परमप्रभुया दिनय् लडाइँलय् व धिसिलाक्‍क दनाच्‍वने फयेमा धकाः छिपिं इस्राएलया घरानाया निंतिं दुंगु पःखाः ल्‍ह्वनेत तकं मवं।

इजकिएल 30:3

छाय्‌धाःसा व दिं लिक्‍क हे दु, व सुपाँय्‌या दिं जुइ, व जाति जातिया लागि नाशया दिं जुइ।

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।

योएल 2:1

सियोनय् तुरही पु! जिगु पवित्र पर्वतय् ख्‍याच्‍वःया सः न्‍यंकि! देशय् च्‍वंपिं सकल मनूत थरथर खायेमा, छाय्‌धाःसा परमप्रभुया दिं वयाच्‍वंगु दु, व लिक्‍क वयाच्‍वंगु दु।

योएल 2:31

परमप्रभुयागु व तःधंगु व ग्‍यानपुसे च्‍वंगु दिं वये न्‍ह्यः सूर्य खिउँसे च्‍वनावनी व तिमिला हि थें ह्याँउसे च्‍वनावनी।

नहूम 1:2

परमप्रभु नुगः मुइकादीम्‍ह व बदला कयादीम्‍ह परमेश्‍वर खः। परमप्रभु बदला कयादीम्‍ह व तम्‍वय्‌कादीम्‍ह खः। परमप्रभुं थः विरोधीतय्‌त बदला कयादी, शत्रुतय्‌गु निंतिं तःधंगु तं ल्‍यंकातयादी।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

नहूम 1:8

तर वय्‌कलं खुसिबालं निनवेयात नाश यानादी। वय्‌कलं थः शत्रुतय्‌त खिउँगु थासय् लिनाछ्वयादी।

सपन्‍याह 1:15

व दिं तंया दिं जुइ, संकष्‍ट व दुःखया दिं, कष्‍ट व नाशया दिं, खिउँसे च्‍वंगु अले म्‍हाइपूगु दिं, सुपाँय् व तस्‍सकं खिउँसे च्‍वंगु दिं,

जकरिया 14:1

परमप्रभुया छगू दिं वयाच्‍वंगु दु। अबलय् छिमित लुतय् याइ अले लुतय् याःगु मालसामान छिमिगु हे न्‍ह्यःने इनी।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

प्रकाश 18:8

उकिं छन्‍हुं हे वयात ल्‍वय्, दुःख, आपत, अले अनिकाल वइ। अले वयात मिइ उनाछ्वइ, छाय्‌धाःसा वयात न्‍याय यानादीम्‍ह परमप्रभु परमेश्‍वर शक्ति दुम्‍ह खः।”