यशैया 13:6 - नेवाः बाइबल

⁶ ततःसलं हालाः ख्‍व! परमप्रभुया दिं लिक्‍क हे वःगु दु। व दिनय् दक्‍व शक्ति दुम्‍ह परमप्रभुं नाश यानादी।

यशैया 13:6 ပူးပေါင်းရင်းမြစ်များ

अय्‍यूब 31:23

छाय्‌धाःसा जि परमेश्‍वरपाखें वःगु विपत्ति खनाः जि ग्‍याः। वय्‌कःया गौरवं यानाः जिं थथे याये फइ मखु।

यशैया 10:25

आः छुं ई लिपा हे जिं छिमिगु विरोधय् पिकयागु तं क्‍वलाइ। अले जिं छिमिगु नाशया निंतिं पिकयागु तं अश्‍शूरीतपाखे वनी।”

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 13:9

स्‍व, परमप्रभुया दिं – देशयात झिजांमिजां यायेत, अन दुपिं पापीतय्‌त नाश यायेत, वय्‌कःया क्रोध व मि थें च्‍याःगु तंनापं, दया मदुगु दिं वयाच्‍वंगु दु।

यशैया 14:23

अले जिं बेबिलोनयात न्‍हिकांझंगः च्‍वनीगु थाय् व ध्‍याचःया ध्‍याचः दुगु थाय् यानाबी। जिं तुफिं बँ पुयाः सुचूकु थें यायेत इमिगु सामान फुक्‍क नाश यानाबी।” दक्‍व शक्ति दुम्‍ह परमप्रभुं धयादी।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 23:1

टुरोसयाबारे अगमवाणी – अय् तर्शीशया जहाज, विलाप या, छाय्‌धाःसा टुरोसयात नाश याये धुंकूगु दु अले अन न छखा छेँ दु, न जहाजत दिकेगु थाय् दु। साइप्रसं छगू खँ इमिथाय् वःगु दु।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 34:8

परमप्रभुं सियोनया पंलिनाः बदला कायेगु छगू दिं दु व सजाँय बीगु छगू दँ दु।

यशैया 47:11

विपत्ति छन्‍थाय् वइ। छं उकियात गुगु जादुनं चीकाछ्वयेगु। विनाश छन्‍थाय् वइ, गुकियात छं प्रायश्‍चित यानाः नं चीकाछ्वये फइ मखु। छं न्‍हापांनिसें सीके मफुगु नाश छक्‍वलं छन्‍थाय् वइ।

यशैया 52:5

“आः जिगु थन छु हे दु धकाः?” परमप्रभुं घोषणा यानादी। “छाय्‌धाःसा जिमि प्रजायात सितिकं यंकल, अले इमित शासन याइपिन्‍सं इमित हेस्‍याइ,” परमप्रभुं घोषणा यानादी। “न्‍हिच्‍छि हे जिगु नांयात ब्‍वः बियाच्‍वनी।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

यशैया 63:4

छाय्‌धाःसा बदला कायेगु दिं जिं क्‍वःछिनागु दु, अले जिगु उद्धारया दँ न्‍ह्यःने थ्‍यंकः वःगु दु।

यशैया 65:14

जिमि दासतय्‌सं नुगलंनिसें लय्‌लय्‌तायाः म्‍ये हाली, छिपिं धाःसा मनय् पीर दुगुलिं ख्‍वइ, छिमिगु नुगः ख्‍वःगुलिं ततःसलं हालाः ख्‍वइ।

यर्मिया 25:34

“बिलाप या! अय् फैजवाःत, ख्‍व! छिपिं बथांया नायःत, धुलय् ग्‍वारा ग्‍वारा तु! छाय्‌धाःसा छिमित पालाः स्‍याइगु ई थ्‍यंकः वःगु दु। छिपिं ग्‍वतुली अले जिं भिंगु थलयात थें छिमित चुंचुं याये।”

यर्मिया 49:3

“हे हेश्‍बोन, ख्‍व! छाय्‌धाःसा ऐ शहर नाश जुल। हे रब्‍बायापिं मनूत, चिल्‍लाय् दनाः ख्‍व! भांग्रा हिनाः दुखं च्‍वँ अले ख्‍वख्‍वं पःखाःया दुने थुखे उखे ब्‍वाँय् हुँ! छाय्‌धाःसा छिमि द्यः मोलोखयात, वया पुजाहारीत व हाकिमतनापं मेगु देशय् यंकी।

यर्मिया 51:8

आः बेबिलोन आकाझाकां क्‍वःदली, अले बेबिलोनयात कुचा कुचा याइ। वयागु निंतिं ख्‍व! वयागु स्‍याःचाःया निंतिं मलम हजि! सके व लनी ला?

इजकिएल 13:5

परमप्रभुया दिनय् लडाइँलय् व धिसिलाक्‍क दनाच्‍वने फयेमा धकाः छिपिं इस्राएलया घरानाया निंतिं दुंगु पःखाः ल्‍ह्वनेत तकं मवं।

इजकिएल 21:12

अय् सीमानिम्‍ह मनू, तसलं ख्‍वयाः बिलाप या! छाय्‌धाःसा थ्‍व जिगु प्रजाया विरोधय् दु। थ्‍व इस्राएलया फुक्‍क शासकतय्‌गु विरोधय् दु। इमित जिम्‍ह मनूतनापं हे तरवारया अधीनय् ब्‍यूगु दु। उकिं छाति दा!

दानिएल 5:26

“थुपिं खँग्‍वःतय्‌गु अर्थ थ्‍व हे खः – “मेने – परमेश्‍वरं छःपिनिगु राज्‍यया न्‍हि ल्‍याःखनाः थुकियात क्‍वचाय्‌कादीगु दु।

दानिएल 5:9

अथे जुयाः जुजु बेलसजर अज्‍ज ग्‍यात अले वयागु ख्‍वाः झन वँचुसे च्‍वन। वया भारदारतय्‌त छु याये छु याये जुल।

योएल 1:11

अय् बुँज्‍या याइपिं, निराश जु। अय् दाखमा पीपिं ह्वाँय्‌ह्वाँय् ख्‍व। छ्व व तछ्वया लागिं ह्वाँय्‌ह्वाँय् ख्‍व, छाय्‌धाःसा बुँयागु अन्‍न नष्‍ट जूगु दु।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।

योएल 1:5

अय् अय्‌लाःगुलुत दँ, तःसलं ख्‍व! अय् दाखमद्य त्‍वनीपिं न्‍हूगु दाखमद्यया लागिं ह्वाँय्‌ह्वाँय् ख्‍व, छाय्‌धाःसा आवंलि छिमिगु म्‍हुतुइ दाखमद्य लाइ मखुत।

योएल 2:1

सियोनय् तुरही पु! जिगु पवित्र पर्वतय् ख्‍याच्‍वःया सः न्‍यंकि! देशय् च्‍वंपिं सकल मनूत थरथर खायेमा, छाय्‌धाःसा परमप्रभुया दिं वयाच्‍वंगु दु, व लिक्‍क वयाच्‍वंगु दु।

योएल 2:11

परमप्रभुं थः सेनातय् न्‍ह्यःने तसकं थ्‍वःगु सः न्‍यंकादी। वय्‌कलं धाःथें याइपिं वय्‌कःया सेना तसकं बल्‍लाः अले यक्‍व नं दु। परमप्रभुया दिं तःधं व सिक्‍क हे ग्‍यानपुसे च्‍वं! थ्‍व सुनां सह याये फइ?

योएल 2:31

परमप्रभुयागु व तःधंगु व ग्‍यानपुसे च्‍वंगु दिं वये न्‍ह्यः सूर्य खिउँसे च्‍वनावनी व तिमिला हि थें ह्याँउसे च्‍वनावनी।

आमोस 5:18

धिक्‍कार दु छिमित, गुपिन्‍सं परमप्रभुया दिंयात पियाच्‍वनी। उगु दिनय् छिमित छु फाइदा दइ? व दिं ला खिउँसे च्‍वनी, तुइसे च्‍वनी मखु।

सपन्‍याह 1:14

परमप्रभुया तःधंगु दिं सतिक हे दु, अले व याकनं हे वयाच्‍वंगु दु। परमप्रभुया दिंयागु ख्‍वःसः नुगः मछिंसे च्‍वनी, उबलय् बहादुर मनूत नं ह्वाँय्‌ह्वाँय् ख्‍वइ।

सपन्‍याह 1:7

परमप्रभु परमेश्‍वरया न्‍ह्यःने सुम्‍क च्‍वँ, छाय्‌धाःसा परमप्रभुयागु दिं सतिक वये धुंकूगु दु। परमप्रभुं छगू बलिदान तयार यानादीगु दु, अले थःम्‍हं सःतूपिं पाहांतय्‌त वय्‌कलं पवित्र यानादीगु दु।

जकरिया 14:1

परमप्रभुया छगू दिं वयाच्‍वंगु दु। अबलय् छिमित लुतय् याइ अले लुतय् याःगु मालसामान छिमिगु हे न्‍ह्यःने इनी।

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

याकूब 5:1

हे तःमिपिं मनूत, जिगु खँ न्‍यँ – छिमित जू वयेत्‍यंगु कष्‍ट खनाः नुगः दायाः ह्वाँय्‌ह्वाँय् ख्‍व।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”