यशैया 13:22 - नेवाः बाइबल

²² अनयागु किल्‍ला व दरबारय् ध्‍वंचातय्‌सं व फ्‍याकाधोंतय्‌सं थ्‍वय्‌कः हाःगु सः ताये दइ। बेबिलोनया ई लिक्‍क वःगु दु, वयागु ई आः अप्‍वः मन्‍त।

यशैया 13:22 ပူးပေါင်းရင်းမြစ်များ

भजनसंग्रहया सफू 44:19

अय्‌नं छिं जिमित ध्‍वंचातय्‌थाय् त्‍वःतादिल। छिं जिमित तसकं खिउँथाय् वानाथकादिल।

यशैया 14:23

अले जिं बेबिलोनयात न्‍हिकांझंगः च्‍वनीगु थाय् व ध्‍याचःया ध्‍याचः दुगु थाय् यानाबी। जिं तुफिं बँ पुयाः सुचूकु थें यायेत इमिगु सामान फुक्‍क नाश यानाबी।” दक्‍व शक्ति दुम्‍ह परमप्रभुं धयादी।

यशैया 25:2

छिं शहरत नाश यानादीगु दु अले इमिगु किल्‍लात नं नाश यानादीगु दु। शत्रुतय्‌सं दय्‌कूगु जुजुया दरबारत नं नाश यानादीगु दु, उपिं हाकनं गुबलें नं दय्‌की मखुत।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यशैया 34:13

उकिया किल्‍लाया च्‍वय् कंमा अले किल्‍लाय् न्‍हाय्‌कंमा व झाःत बुया वइ। व ध्‍वंचात च्‍वनेगु थाय् व न्‍हिकांझंगःत च्‍वनेगु छेँ जुइ।

यशैया 34:14

मरुभूमिइ च्‍वंपिं पशुत फ्‍याका ध्‍वंनापं मिलय् जुयाः अन च्‍वनी, गुँ च्‍वलय्‌तय्‌सं थः पासापिन्‍त सःती, चान्‍हय्‌यापिं जन्‍तुतय्‌सं नं आराम कायेगु थाय् दयाः अन आराम कायेत वइ।

यशैया 35:7

निभालं गंगु फिइ लखं जाइ, गंगु बँय् लःया मूल तज्‍याइ। ध्‍वंत च्‍वनीगु थासय् घाँय्, सःखिमा व तिंकथिमा बुया वइ।

यशैया 43:20

ध्‍वंचात व न्‍हिकांझंगःत, व मरुभूमियापिं मेपिं पशुतय्‌सं जितः हनाबना तइ, छाय्‌धाःसा जिं थः मनूतय्‌त, जिं ल्‍ययातयापिन्‍त त्‍वनेगु निंतिं मरुभूमिइ लः अले गंगु बँय् खुसिबाः न्‍ह्याकाबी।

यर्मिया 48:16

“मोआबया नाश लिक्‍क थ्‍यंकः वःगु दु, वयागु विपत्ति याकनं हे वइ।

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

विलाप 4:3

ध्‍वंचिया मामं नं थः मस्‍तय्‌त थःगु दुरुप्‍वः पिकयाः दुरु त्‍वंकी, जिमि थः मनूत धाःसा मरुभूमिया शुतुरमुर्ग थें दयामदुपिं जूगु दु।

मीका 1:8

अथे जुयाः जिं ख्‍वख्‍वं विलाप याये। जि खालि तुति व नांगा जुयाः थुखे उखे जुये। जि ध्‍वंचा थें हाले अले न्‍हिकांझंगः थें ख्‍वये।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

सपन्‍याह 2:14

व थाय् फैच्‍वलय्‌या बथां, सा द्वहंया बथां व मेगु थीथी जातियापिं च्‍वनीगु ख्‍यः जुइ मरुभूमिया न्‍हिकांझंगः व तसकं हालीम्‍ह न्‍हिकांझंगलं अनया थामय् स्‍वँ दय्‌की इपिं हाःगु सः झ्‍याःझ्‍यालं लिथ्‍वइ। लँय् लँय् ल्‍वहंया कुचाकाचा दइ, स्‍वसिमाया धलिं बांलाक खने दइ।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।