यशैया 13:18 - नेवाः बाइबल

¹⁸ इमिसं धनु वाणं कय्‌काः ल्‍याय्‌म्‍हपिं मनूतय्‌त स्‍यानाबी। इमि दुरु त्‍वंपिं मचातय्‌त माया यानाः नुगः मछिंकी मखु न मस्‍तय्‌त हे दया माया याइ।

यशैया 13:18 ပူးပေါင်းရင်းမြစ်များ

२ राजा 8:12

हजाएलं न्‍यन, “हे जिमि प्रभु, छाय् ख्‍वयादियागु?” एलीशां लिसः बिल, “छं इस्राएलया मनूतय्‌गु विरोधय् गज्‍याःगु मभिंगु ज्‍या याइ धकाः जिं स्‍यू। छं इमिगु किल्‍ला किल्‍लाय् मि तयाबी। छं इमि ल्‍याय्‌म्‍हपिन्‍त तरवारं स्‍याइ, इमि चिचिधिकःपिं मस्‍तय्‌त बँय् बस्‍वानाः स्‍याइ। प्‍वाथय् दुपिं मिसातय्‌गु प्‍वाः चिरिफायाबी।”

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

भजनसंग्रहया सफू 127:3

स्‍व, काय्‌पिं परमप्रभुं बियादीगु हकया सर्बय खः अले काय्‌म्‍ह्याय्‌पिं वय्‌कःया आशिष खः।

यशैया 13:16

इमिगु हे न्‍ह्यःने इमि मस्‍तय्‌त छ्ववानाः स्‍याइगु जुइ, इमिगु छेँ लुतय् याइ अले इमि मिसातय्‌त बलात्‍कार याइ।

यशैया 47:9

थुपिं निगू खँ छन्‍थाय् छक्‍वलं छन्‍हुं हे वइ, काय्‌म्‍ह्याय्‌पिं त्‍वःताच्‍वने मालीगु अले भाःत मदय्‌काच्‍वने मालीगु। छंगु जीवनय् यक्‍व जादु यायेगु शक्ति दःसां अले तसकं जाःगु तन्‍त्रमन्‍त्र यायेगु शक्ति दःसां उपिं फुक्‍क छंगु जीवनय् व हे वइ।

यशैया 5:28

इमिगु तीर तसकं च्‍वामु अले व धनुलय् तया कय्‌केत मिलय् याना तइ। इमिगु सलया तुतिख्‍वः च्‍वल्‍वहं थें छाः अले रथया घःचात ग्‍वःफय् वःगु थें चाःहिलीगु खः।

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 5:16

इमिगु वाण तयेगु थल चाःगु चिहान थें च्‍वँ, उपिं सकलें बहादुर सिपाइँत खः।

यर्मिया 50:30

उकिं वया ल्‍याय्‌म्‍हपिं मिजंतय्‌त वयागु लँय् स्‍याइ। वया सकलें सिपाइँत उखुन्‍हु सुम्‍क च्‍वनी,” परमप्रभुं धयादी।

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 51:22

छपाखें जिं मिजं व मिसायात चुंचुं याये। छपाखें जिं बुरापिं व ल्‍याय्‌म्‍हपिन्‍त चुंचुं याये। छपाखें जिं ल्‍याय्‌म्‍हपिं व ल्‍यासेपिन्‍त चुंचुं याये।

यर्मिया 6:23

इमिसं धनु व भाला घानातःगु दु। इपिं नुगः छाःपिं खः, अले इमिके दयामाया धयागु मदु। इपिं सल गया वइबलय् इमिगु सः समुद्रयागु गर्जन थें च्‍वं। हे बांलाःम्‍ह यरूशलेम, छन्‍त हमला यायेत इपिं लडाइँया लागिं झ्‍वःलिंक मनूत वः थें वइ।”

इजकिएल 9:10

उकिं जिं धाःसा, जिं थःगु मिखा मेखेपाखे स्‍वय्‌के, अले जिं इमित भचा नं दया याये मखु, तर इमिसं छु याःगु दु, इमिगु ज्‍याया लिच्‍वः जिं इमिगु हे छेनय् प्‍वंकाबी।”

दानिएल 7:5

“अले भालू थें च्‍वम्‍ह निम्‍हम्‍ह जन्‍तु खना। व छखेपाखें दनाच्‍वंगु दु। वयागु म्‍हुतुया वायागु दथुइ स्‍वपु बपिक्‍वँय् दु। छगू सलं वयात धाल, ‘दनाः प्‍वाः जाय्‌क ला न।’

होशे 13:16

थः परमेश्‍वरया विरोधय् विद्रोही जूगुलिं सामरियाय् च्‍वंपिं मनूतय्‌सं थःगु दोषया निंतिं सजाँय फये हे माली। इमित तरवारं स्‍याइ, अले इमि मस्‍तय्‌त बँय् बस्‍वानाः स्‍याइ, इमि प्‍वाथय् दुपिं मिसातय्‌गु प्‍वाः फायाबी।”

नहूम 2:1

अय् निनवे! छं शत्रु छन्‍त नाश यायेत वयाच्‍वंगु दु। छंगु किल्‍लात बल्‍लाकि, लँ बांलाक स्‍व, थः तयार जुयाच्‍वँ, अले छंगु फुक्‍क बल लगय् या।

नहूम 3:10

अय्‌नं वयात ज्‍वना यंकल, मेगु देशय् यंकल, वया चिचीधिकःपिं मस्‍तय्‌त गल्‍लि गल्‍लिइ बँय् बस्‍वाना स्‍यानाबिल। वया मनूतय्‌त चिट्ठा तल, अले दक्‍व तःधिंकःपिं मनूतय्‌त सिखलं चिनाबिल।