यशैया 13:14 - नेवाः बाइबल

¹⁴ इपिं लिना हःम्‍ह चल्‍ला थें अले जवाः मदुपिं फैत थें, फुक्‍क मनूत थः मनूतय्‌थाय् लिहांवनी अले फुक्‍क मनूत थथःगु हे थासय् बिस्‍युं वनी।

यशैया 13:14 ပူးပေါင်းရင်းမြစ်များ

१ राजा 22:17

अले मीकायां धाल, “जिं ला इस्राएलयापिं फुक्‍क मनूतय्‌त जवाः मदुपिं फैत थें उखेलाः थुखेलाः जुयाच्‍वंगु खना, अले परमप्रभुं थथे धयादिल, ‘थुपिं मनूतय् मालिक मदु। उकिं थुपिं सकलें याउँक थथःगु छेँय् लिहां वनेमा।’”

१ राजा 22:36

सूर्य बिनावंबलय् इस्राएली सिपाइँतय्‌थाय् थ्‍व आज्ञा थ्‍यन, “फुक्‍क मनूत थथःगु शहर व बस्‍तीइ लिहां हुँ।”

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 21:15

इपिं तरवारपाखें, नांगागु तरवारपाखें, चाःतुगु धनुष वाणपाखें व तःधंगु ल्‍वापुपाखें बिस्‍युं वनी।

यशैया 47:15

छंगु निंतिं इमिसं थुलि जक याये फइ इपिं सुलिसें छं ज्‍या याःगु दु। अले सुनां मचाबलय् निसें व्‍यापार यानावयाच्‍वंगु दु। इपिं फुक्‍क मखुगु लँय् वनाच्‍वंगु दु। छन्‍त सुनानं बचय् याये फइ मखु।”

यर्मिया 25:12

“तर न्‍हयेदँ फुइ धुंकाः जिं बेबिलोनया जुजु व वयागु जातियापिं मनूत व बेबिलोनीतय्‌त इमिगु दोषया निंतिं सजाँय बी अले व देशयात न्‍ह्याबलेंया निंतिं झिजांमिजां दंगुथाय् यानाबी,” परमप्रभुं धयादी।

यर्मिया 50:16

पुसा ह्वलिपिं व इँचा ज्‍वनाः छ्व लइपिन्‍त बेबिलोनं नाश या। अत्‍याचारीया तरवारं यानाः सकसितं थथःगु छेँय् लिहां वनेब्‍यु, सकलें थथःगु देशय् लिहां वनेमाः!”

यर्मिया 51:9

“‘जिमिसं बेबिलोनयात लाय्‌केगु खः, तर व लाइ मखु। वयात त्‍वःताब्‍यु। अले झीपिं थथःगु देशय् वना हे छ्वयेनु। छाय्‌धाःसा वयागु इन्‍साफ आकाश तक हे थ्‍यंगु दु। थ्‍व सुपाँय् तक हे तःजाःगु दु।

नहूम 3:18

अय् अश्‍शूरया जुजु, छं फैजवाःत ला न्‍ह्यः वय्‌काच्‍वंगु दु, छं भारदारत ला आराम यानाच्‍वनी, छं मनूत ला पहाड पर्वतय् थुखेला उखेला जुइ धुंकल, इमित छथाय् मुंकीम्‍ह सुं हे मदु।

मत्ती 9:36

मनूतय्‌गु हुलयात खनाः वय्‌कःयात माया वन, छाय्‌धाःसा इपिं जवाः मदुपिं फैचात थें हाःनाः मदयाः उखेलाः थुखेलाः मदयाच्‍वन।

मर्कूस 6:34

वय्‌कः नांचां कुहां झाःबलय् यक्‍व मनूत मुनाच्‍वंगु खनाः वय्‌कःयात तसकं माया वन, छाय्‌धाःसा इपिं जवाः मदुपिं फैचात थें च्‍वं। अले वय्‌कलं इमित तःता खँय् स्‍यनेकने यानादिल।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।