यशैया 13:10 - नेवाः बाइबल

¹⁰ च्‍वय् आकाशय् च्‍वंगु नगुतय्‌सं, अले नक्षत्र मण्‍डलतय्‌सं जः बीगु त्‍वःती। त्‍वयाच्‍वंगु सूर्य नं खिउँसे च्‍वनी, अले तिमिलां जः बी मखु।

यशैया 13:10 ပူးပေါင်းရင်းမြစ်များ

अय्‍यूब 9:7

वय्‌कःया आज्ञां सूर्यं नं जः बी मखु। नगुतय्‌गु जःयात दिकाबी।

उपदेशक 12:2

सूर्यया जः व तिमिलाया जःयात खिउँगुलिं त्‍वःपुइ न्‍ह्यः, तिमिला व नगुत खिउँसे च्‍वने न्‍ह्यः अले सुपाँचं वा वये न्‍ह्यः,

यशैया 24:21

व दिंखुन्‍हु, परमप्रभुं आकाशया शक्तियात व पृथ्‍वीया जुजुतय्‌त सजाँय बियादी।

यशैया 24:23

तिमिला खिउँसे च्‍वनी अले सूर्यया जः तनावनी छाय्‌धाःसा दक्‍व शक्ति दुम्‍ह परमप्रभुं सियोन पर्वत च्‍वं यरूशलेमय् शासन यानादी अले मनूतय् नायःतय्‌सं वय्‌कःया महिमा खनी।

यशैया 47:5

“हे बेबिलोन, तःधंगु बेबिलोनिया देशया राजधानी, छ सुम्‍क च्‍वँ! खिउँथाय् हुँ! आवंनिसें छन्‍त राज्‍य राज्‍यया शासक धकाः धाइ मखु।

यशैया 5:30

व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

यशैया 50:3

जिं आकाशयात खिउँगुलिं त्‍वपुयाबी, अले उकियात भांग्रा फीकाबी।”

योएल 2:10

इमिगु न्‍ह्यःने पृथ्‍वी क्‍वारा क्‍वारा सनी अले आकाश थुरथुर खाइ। सूर्य व तिमिला खिउँसे च्‍वनी, अले नगुत नं थी मखु।

योएल 2:31

परमप्रभुयागु व तःधंगु व ग्‍यानपुसे च्‍वंगु दिं वये न्‍ह्यः सूर्य खिउँसे च्‍वनावनी व तिमिला हि थें ह्याँउसे च्‍वनावनी।

योएल 3:15

सूर्य व तिमिला खिउँसे च्‍वनी, अले नगु थी मखु।

आमोस 5:20

खः धात्‍थें हे परमप्रभुया दिं तुइसे मखु, खिउँसे च्‍वनी। व भचा नं निभाः मत्‍वःगु तसकं खिउँगु दिं जुइ।

नहूम 1:8

तर वय्‌कलं खुसिबालं निनवेयात नाश यानादी। वय्‌कलं थः शत्रुतय्‌त खिउँगु थासय् लिनाछ्वयादी।

जकरिया 14:6

उखुन्‍हु तुयुजः दइ मखु, ख्‍वाँउसे च्‍वनी मखु अले पु नं गाइ मखु।

मत्ती 24:29

“थथे दुःखकष्‍ट जुइ धुनेवं “‘सूर्य खिउँया वनी, तिमिला बुलुयावनी, अले आकाशय् च्‍वंगु नगुत कुतुं वनी, थथे आकाशय् च्‍वंगु शक्ति खाइ।’

मर्कूस 13:24

“अबलय् थथे दुःखकष्‍ट जुइ धुनेवं – “‘सूर्य खिउँया वनी, तिमिला बुलुयावनी।

लूका 21:25

“अले सूर्यलय्, तिमिलाय् व नगुलय् चिं खने दइ। समुद्रयागु सलं व लःद्वम्‍बलं यानाः पृथ्‍वीइ च्‍वंपिं फुक्‍क जातयापिं मनूत ग्‍यानाः आछु-आछु कनी।

प्रेरित 2:20

सूर्य खिउँसे च्‍वनावनी। तिमिला हि थें ह्याउँसे च्‍वनावनी। परमप्रभु खने दःवइगु तःधंगु व ग्‍यानापुसे च्‍वंगु दिं वये न्‍ह्यः थथे हे जुइ।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।