यशैया 12:2 - नेवाः बाइबल

² परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 12:2 ပူးပေါင်းရင်းမြစ်များ

२ शमूएल 7:24

छिं थः प्रजा इस्राएलयात न्‍ह्याबलेंया लागि थःगु दय्‌कादीगु दु। अले छि हे परमप्रभु, इमि जुयादीगु दु।

अय्‍यूब 13:16

थ्‍व नं जिगु उद्धारया निंतिं जुइ। छाय्‌धाःसा परमेश्‍वरयात मानय् मयाइम्‍ह सुं नं मनू वय्‌कःया न्‍ह्यःने वयेगु आँट याइ मखु।

भजनसंग्रहया सफू 112:8

वयागु नुगः क्‍वातु, उकिं व ग्‍याइ मखु, वं थः शत्रुत बूगु खनी।

भजनसंग्रहया सफू 118:14

परमप्रभु जिगु शक्ति व भजन खः, जितः वय्‌कलं हे जक बचय् यानादिल।

भजनसंग्रहया सफू 118:21

हे परमप्रभु, छिं जिगु प्रार्थनाया लिसः बियादीगुलिं जिं छितः सुभाय् बी, छिं जितः त्‍याकादिल।

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

भजनसंग्रहया सफू 65:6

छिं थःगु शक्तिं च्‍वापुगुँतय्‌त दय्‌काः थथःगु थासय् तयादिल

भजनसंग्रहया सफू 68:20

झी परमेश्‍वर झीत बचय् यानादीम्‍ह परमेश्‍वर खः। परमप्रभुं झीत मृत्‍युपाखें बचय् यानादी।

भजनसंग्रहया सफू 68:21

परमेश्‍वरं वय्‌कःया शत्रुतय्‌गु छ्यं चुंदंकाबी अले थःगु हे लँय् जुइपिं पापीतय्‌गु छ्यं नं।

भजनसंग्रहया सफू 83:18

छिगु नां परमप्रभु खः, इमिसं पृथ्‍वी न्‍यंकंयाम्‍ह दक्‍वसिबय् तःधंम्‍ह शासक खः धकाः म्‍हसीमा।

प्रस्‍थान 15:2

परमप्रभु हे जिगु शक्ति खः। वय्‌कलं जितः बचय् यानादी, वय्‌कः जिमि परमेश्‍वर खः, जिं वय्‌कःयात प्रशंसा याये। जिमि पुर्खाया परमेश्‍वर जिं वय्‌कःया नां तःधंके।

यशैया 10:24

अथे जुयाः दक्‍व शक्ति दुम्‍ह परमप्रभु परमेश्‍वरं थथे धयादी – “हे सियोनय् च्‍वनीपिं जिमि प्रजा, अश्‍शूरीत खनाः ग्‍याये मते। यक्‍व न्‍हापा मिश्रीतय्‌सं थें छिमित कथिं दायाः तसकं दुःखकष्‍ट ब्‍यूसां छिपिं ग्‍याये मते।

यशैया 17:10

हे इस्राएल, परमेश्‍वर छन्‍त उद्धार याइम्‍ह खः, वय्‌कः ल्‍वहंधी व छंगु किल्‍ला थें खः, तर छं परमेश्‍वरयात ल्‍वःमंकल। अथे जुयाः छं तसकं बांबांलाःगु सिमात पित अले पिने हःगु दाखमात नं पित,

यशैया 27:5

तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 38:20

परमप्रभुं जिगु उद्धार यानादी, अले झीपिं थःगु जिवंकाछि परमप्रभुया देगलय् तार दुगु बाजं थानाः भजन हाले।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 49:5

परमप्रभुं जितः वय्‌कःया दास जुयाः याकूबयात हाकनं वय्‌कःयाथाय् हयेत अले इस्राएलयात वय्‌कःयाथाय् मुंकेत दय्‌कादिल। जि बुइ न्‍ह्यः हे मांया प्‍वाथय् दय्‌कादिल, छाय्‌धाःसा परमप्रभुया मिखाय् जि हनाबना दुम्‍ह खः, अले परमेश्‍वर हे जिगु बल खः।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 62:11

परमप्रभुं पृथ्‍वीयागु कुन्‍चाय् तक घोषणा यानादीगु दु, “यरूशलेमया यःपिं मनूतय्‌त धा, ‘स्‍व, छिमि मुक्तिदाता वयेत्‍यंगु दु! स्‍व, वय्‌कःया लिच्‍वः वय्‌कःयाके हे दु, अले वय्‌कःया इनाम वय्‌कःनापं हे दु।’”

यशैया 65:18

तर जिं सृष्‍टि यानागु खँय् न्‍ह्याबलें लसता व खुशी हँ। छाय्‌धाःसा जिं यरूशलेमयात खुसिं जाःगु व अनयापिं मनूतय्‌त लसतां जाःपिं यानाबी।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 23:6

वयागु इलय् यहूदाया मनूतय्‌त बचय् याइ। अले इस्राएल सुरक्षित जुयाच्‍वनी। परमप्रभुं वयागु नां ‘परमप्रभु जिमिगु धार्मिकता’ तयादी।”

यर्मिया 3:23

डाँडाया मूर्ति पुजा व हल्‍लाखल्‍ला धोखा जक खः। परमप्रभु झी परमेश्‍वरपाखें जक इस्राएलयात उद्धार दइ।

दानिएल 3:28

जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।

होशे 1:7

अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

योना 2:9

तर जिं छिगु म्‍ये हालाः छिगु नामय् बलि बिये। अले छु याये धकाः भाकल यानागु खः, व याये। परमप्रभुयापाखें हे उद्धार जुइ।”

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

प्रकाश 7:10

इपिं थुकथं ततःसलं हाल – “सिंहासनय् फ्‍यतुनादीम्‍ह झी परमेश्‍वरयाके व चीधिकःम्‍ह भ्‍याःचायाके हे जक मनूतय्‌त उद्धार यायेगु अधिकार दु।”

१ शमूएल 2:1

हन्‍नाहं थथे धकाः प्रार्थना यात, “परमप्रभुं जिगु मन तसकं लय्‌ताय्‌कादीगु दु, वय्‌कलं यानादीगु ज्‍या खनाः जि तसकं खुसी जुयागु दु। जि जिमि शत्रुतय् न्‍ह्यःने न्‍हिले, अले परमप्रभुं जितः ग्‍वाहालि यानादीगुलिं जि तसकं लय्‌तायागु दु।