यशैया 11:9 - नेवाः बाइबल

⁹ इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 11:9 ပူးပေါင်းရင်းမြစ်များ

अय्‍यूब 5:23

छं बुँयागु ल्‍वहंतनापं बाचा ची, गुँपशुत छनापं मिलय् जुयाच्‍वनी।

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

भजनसंग्रहया सफू 78:54

वय्‌कलं इमित थःगु पवित्र देशय्, थःगु हे जव ल्‍हाःया शक्तिं त्‍याकादीगु थ्‍व पहाडी देशय् हयादिल।

यशैया 11:13

एफ्राइमया दाहा मदयावनी अले यहूदाया शत्रुत नाश जुयावनी। एफ्राइमं यहूदालिसें दाहा याइ मखु, अले यहूदा एफ्राइमया शत्रु जुइ मखु।

यशैया 11:8

दुरुत्‍वंम्‍ह मचा गोमन सर्पया प्‍वाः लिक्‍क म्‍हिताच्‍वनी, अले नकतिनि दुरुं वाःम्‍ह मचां तसकं बिख दुम्‍ह सर्पया प्‍वालय् थःगु ल्‍हाः दुछ्वइ।

यशैया 2:4

वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 32:16

व मरुभूमिइ न्‍याय बाय् च्‍वनी, अले नायुगु बुँइ धार्मिकता बाय् च्‍वनी।

यशैया 33:6

छिमिगु ईया निंतिं वय्‌कः बल्‍लाःगु जग व मुक्ति अले ज्ञान व बुद्धिया तसकं मू वंगु धुकू जुयादी। परमप्रभुया भय कायेगु हे धुकूया ताःचा खः।

यशैया 35:9

अन सुं सिंह दइ मखु, न सुं स्‍याइपिं पशु अनं जुयाः वनी। अन मेगु छुं नं खतरा दइ मखु। तर उद्धार जुइ धुंकूपिं जक व लँपुं वनेखनी।

यशैया 45:6

थुकथं मनूतय्‌सं निभाः लुइगु थासंनिसें निभाः बीगु थासय् तक जि बाहेक मेपिं सुं नं मदु धकाः सीकेफय्‌मा। जि परमप्रभु खः, जि बाहेक मेपिं द्यः मदु।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 52:10

फुक्‍क जातितय्‌त परमप्रभुं थःगु पवित्र ल्‍हाःया शक्ति क्‍यनादीगु दु। पृथ्‍वीया कुंकुलामय् च्‍वंपिन्‍सं नं झी परमेश्‍वरया उद्धार खनी।

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यशैया 59:19

पच्‍छिमया देशंनिसें मनूतय्‌सं परमप्रभुया नांया भय काइ, अले पुर्बंनिसें इमिसं वय्‌कःया नांया महिमा याइ। छाय्‌धाःसा वय्‌कः खुसिबाः वः थें झायादी, गुकियात परमप्रभुया सासलं बाः वय्‌की।

यशैया 65:25

गुँखिचा व भ्‍याःचा छथाय्‌नापं च्‍वनाः नइ, अले सिंहनं धाःसा द्वहं नं थें सु नइ, सर्पया नसा धाःसा धू जुइ। जिगु फुक्‍क पवित्र पर्वतय् न इमिसं हानि याइ न नाश हे याइ, परमप्रभुं धयादी।”

यशैया 66:18

“इमिगु ज्‍या व इमिगु मतिया कारणं जि फुक्‍क जातितय्‌त व थीथी भाय् ल्‍हाइपिन्‍त छथाय् मुंकेत वये। अले इपिं सकसिनं जिगु महिमा खनी।

यशैया 66:20

अले इमिसं फुक्‍क जाति-जातितपाखें छिमि फुक्‍क थः मनूत, सलत, रथत, खच्‍चरत, ऊँटतय्‌के क्‍वबिकाः जिगु पवित्र पर्वत यरूशलेमय् परमप्रभुया निंतिं बलि थें यानाः हइ,” परमप्रभुं धयादी। “इस्राएलया सन्‍तानतय्‌सं थःगु अन्‍नबलि शुद्धगु थलय् तयाः परमप्रभुया देगलय् हइगु थें इमिसं थुमित हइ।

यर्मिया 31:23

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थः मनूतय्‌त थःगु देशय् लित हयेबलय् इमिसं हाकनं छकः यहूदा देश व उकिया शहरय् हाकनं थथे धाइ, ‘परमप्रभुं थः च्‍वनीगु यरूशलेमया पवित्र डाँडायात सुवाः बियादीमा।’

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

इजकिएल 34:25

“‘जिं इपिंलिसें शान्‍ति व सुरक्षाया बाचा ची, अले इपिं ढुक्‍क जुयाः मरुभूमिइ च्‍वनेदयेमा व गुँइ द्येने दयेमा धकाः गुँपशुतय्‌त देशं पितिना छ्वयाबी।

इजकिएल 47:5

वं मेगु ५३० मिटर नापय् यात, तर आः लः थाहां वयाः जिं छी मफइगु खुसि जुल। व लाल कायेजीक तज्‍जाःगु दु, व सुं छी मफइगु खुसि जूगु दु।

दानिएल 11:45

वं समुद्रयागु व बांलाःगु पवित्र पर्वततय् दथुइ थःगु लाय्‌कू पालत ग्‍वइ। अय्‌नं व नाश जुइ, सुनानं वयात ग्‍वाहालि बी मखु।”

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

होशे 2:18

व दिं हे जिं इमिगु निंतिं गुँपशुत, आकाशया झंगःत व बँय् घिसय् जुइपिं पशुतनापं बाचा ची। सकलें याउँक च्‍वने फयेमा धकाः जिं धनुष वाण, तरवार व लडाइँ देशं तापाकाबी।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

हबकूक 2:14

छाय्‌धाःसा समुद्र लखं जाः थें पृथ्‍वी परमप्रभुया महिमाया ज्ञानं जाइ।

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

१ थेसलोनिकी 5:15

मभिंगुया पलेसा मभिंगु तुं याये मते, बरु थःथवय् व न्‍ह्याम्‍हय्‌सित नं न्‍ह्याबलें भिंका जुइगु कुतः या।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।