यशैया 11:4 - नेवाः बाइबल

⁴ अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 11:4 ပူးပေါင်းရင်းမြစ်များ

२ शमूएल 8:15

दाऊदं इस्राएल न्‍यंक शासन यात। वं फुक्‍कसिगु लागि खःकथं व न्‍यायकथं ज्‍या यात।

अय्‍यूब 15:30

खिउँगुपाखें व पिहां वये फइ मखु। मिजलां वयागु चुलित सुखू गनावनी। अले परमेश्‍वरया सासलं वयात ब्‍वय्‌कायंकी।

अय्‍यूब 4:9

इपिं परमेश्‍वरया सासलं नाश जुइ अले वय्‌कःया तमं भस्‍म जुयावनी।

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

भजनसंग्रहया सफू 18:8

वय्‌कःया न्‍हाय्‌प्‍वालं कुँत्‍याः पिहां वल। वय्‌कःया म्‍हुतुप्‍वालं भस्‍म याइगु मित्‍याः व च्‍यानाच्‍वंगु कोइला पिहां वल।

भजनसंग्रहया सफू 2:9

छं नँया दण्‍डीं इमित शासन याइ, छं इमित चाया थलयात थें तछ्याइ।’”

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

यशैया 1:17

भिं याये सय्‌कि। फुक्‍कसिगु निसाफ या, क्‍वत्‍यय्‌का च्‍वनेमाःपिन्‍त ग्‍वाहालि या, मांबौ मदुपिं मचातय्‌गु रक्षा या, विधवा मिसाया पंलिनाः नवानाब्‍यु।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 14:30

गरीब स्‍वयाः गरीबपिन्‍त ज्‍वयेत ख्‍यः दइ, मगाःमचाःपिं ढुक्‍क जुयाः आराम कायेखनी। तर जिं छिमि वंशयात नये मखंकाः नाश यानाबी। छिमि सुयातं नं उकिं म्‍वाका तइ मखु।

यशैया 16:5

परमेश्‍वरं दाऊदया सन्‍तानपाखें छम्‍ह जुजु पलिस्‍था यानादी। अले वं दया मायां व विश्‍वास यायेबहः कथं शासन याइ। वं न्‍यायया रक्षा अले धार्मिकताया ज्‍या जुक्‍व हथासं याइ।

यशैया 2:4

वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 26:6

आः क्‍वत्‍यका च्‍वंपिं इमिगु च्‍वंच्‍वं न्‍यासि वनी, अले दुःखकष्‍टय् लानाच्‍वंपिनिगु तुतिं इमित न्‍हुत्तुन्‍हुइ।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 30:28

वय्‌कःया सासः गःपतय् थ्‍यंकः त्‍वपुइगु खुसिबाः थें च्‍वं। वय्‌कलं जाति जातितय्‌त नाश याइगु हासां हायादी, अले वय्‌कलं मनूतय्‌त मभिंगु लँय् यंकिगु लगाम इमिगु म्‍हुतुइ तयादी।

यशैया 30:31

अश्‍शूरीत परमप्रभुया सः तायाः थरथर खाःगु दु। वय्‌कलं थःगु राजदण्‍डं इमित कय्‌कादी।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 32:1

स्‍व, छम्‍ह जुजुं धार्मिकतां राज्‍य यानादी, अले शासकतय्‌सं न्‍यायलं शासन यानादी।

यशैया 32:7

मभिंगु ज्‍या यानाजुइपिनिगु चाला मभिंगु हे जुइ, दुःखय् लानाच्‍वंपिन्‍सं फ्‍वंगु पाय्‌छि जूसां नं मगाःमचाःपिन्‍त मखुगु खं नाश यायेगु निंतिं इमिसं मभिंगु ज्‍याया योजना दय्‌की।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 40:7

घाँय् गनावनी अले स्‍वां हायावनी, छाय्‌धाःसा परमप्रभुं इमिपाखे फय् वय्‌कादी, धात्‍थें हे मनूत घाँय् थें खः।

यशैया 49:2

वय्‌कलं जिगु म्‍हुतु ज्‍वःगु तरवार थें यानादिल। वय्‌कलं जितः थःगु ल्‍हाःया किचलय् सुचुकादिल। वय्‌कलं जितः च्‍वामुसे च्‍वंगु वाण दय्‌कादिल, अले जितः थःगु वाण तयेगु बलाथुली सुचुकातयादिल।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।

सपन्‍याह 2:3

हे पृथ्‍वी च्‍वंपिं क्‍वमिलुपिं मनूत, छिपिं परमप्रभुया उजं मानय् याइपिं, परमप्रभुयात माला स्‍व। धार्मिकता माला स्‍व, क्‍वमिलु जुइगु स्‍व। सके परमप्रभुया तंया दिनय् छिपिं बचय् जुइ फइ।

मलाकी 4:6

अले वं मां-बौयागु नुगः थः काय्‌म्‍ह्याय् पाखे व काय् म्‍ह्याय्‌पिनिगु नुगः मां-बौपाखे हीकाबी। अथे मजूसा जिं देशयात सराः बियाः नाश यानाबी।”

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 5:5

स्‍वजापिं मनूत धन्‍यपिं खः, पृथ्‍वीइ इमिसं अधिकार यायेदइ।

प्रेरित 9:1

शाऊलं धाःसा प्रभुया चेलातय्‌त स्‍यायेगु व ख्‍याच्‍वः बीगु याना जुल तिनि। छन्‍हु थ्‍व शाऊलं दकलय् तःधंम्‍ह पुजाहारीयाथाय् वनाः

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

गलाती 5:23

नम्र जुइगु, स्‍वजा जुइगु, मनयात चिना तयेगु खः। थथे यानाजुइपिन्‍त दोष बीगु छुं हे व्‍यवस्‍था मदु।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

याकूब 3:13

छिमिथाय् परमेश्‍वरयागु वचन स्‍यने फुम्‍ह सुं बुद्धि दुम्‍ह मनू दु धयागु जूसा वं तःधं मजुसे बांलाःगु चालचलनयाम्‍ह जुयाः बांलाक ज्‍या यानाः क्‍यँ।

प्रकाश 1:16

वय्‌कःयागु जव ल्‍हातय् न्‍हय्‌गः नगु दु। वय्‌कःयागु म्‍हुतुं तसकं ज्‍वःगु निखें धाः दुगु तरवार पिहां वयाच्‍वंगु दु। वय्‌कःयागु ख्‍वाः तसकं थीगु सूर्य थें च्‍वं।

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 2:16

उकिं पश्‍चाताप या, मखुसा जि याकनं वयाः जिगु म्‍हुतुइ च्‍वंगु तरवारं इपिं लिसे ल्‍वाये।