यशैया 10:9 - नेवाः बाइबल

⁹ छु कल्‍नो, कर्कमीश थें मच्‍वं ला? छु हमात अर्पाद थें व सामरिया दमस्‍कस थें मच्‍वं ला?

यशैया 10:9 ပူးပေါင်းရင်းမြစ်များ

उत्‍पत्ति 10:10

वं थःगु राज्‍ययात दक्‍वसिबय् न्‍हापां बेबिलोन, एरेक, अक्‍कद व कल्‍नेहंनिसें न्‍ह्याकल। थ्‍व फुक्‍क शिनार देशय् लाः।

२ शमूएल 8:9

हमातयाम्‍ह जुजु तोऊनं सोबायाम्‍ह जुजु हददेजेरया फुक्‍क सेनायात दाऊदं बुकूगु खँ न्‍यन।

२ राजा 16:9

वयागु खँ न्‍यनाः अश्‍शूरया जुजुं दमस्‍कसय् हमला यात। उकियात त्‍याका काल। वं अन च्‍वंपिं मनूतय्‌त ज्‍वनाः कीरय् यंकल। अले रसीनयात स्‍यात।

२ राजा 17:24

अश्‍शूरयाम्‍ह जुजुं बेबिलोन, कूता, अव्‍वा, हमात व सपर्बेम शहरं मनूत हयाः इस्राएलीतय्‌गु थासय् सामरियाया शहर शहरय् तल। इमिसं उपिं शहरत अधीनय् कयाः अन च्‍वन।

२ राजा 18:34

हमात व अर्पादया द्यःत गन वन? सपर्बेम, हेना व इव्‍वाया द्यःत ग्‍व लय्? छु! इमिसं सामरियायात जिगु ल्‍हातं बचय् यात ला?

२ इतिहास 32:14

जिमि पुर्खातय्‌सं नाश याःगु जातितय् द्यःत मध्‍ये सुनां जिगु ल्‍हातं थः मनूतय्‌त बचय् याये फत? अथे जुयाः गथे यानाः छिमि ईश्‍वरं छिमित बचय् याये फइ?

२ इतिहास 35:20

योशियाह जुजुं देगःया निंतिं थ्‍व फुक्‍क यायेधुंकाः मिश्र देशया जुजु नेको थः सेना ज्‍वनाः लडाइँ यायेत यूफ्रेटिस खुसि सिथय् च्‍वंगु कर्कमीश शहरय् वल। अले योशियाह वनापं लडाइँ यायेत पिहां वन।

यशैया 10:8

अश्‍शूरया जुजुं धाल, “छु जिमि सेनापतित फुक्‍क जुजु मखु ला?

यशैया 17:1

दमस्‍कसया विरोधय् अगमवाणी, “स्‍व, दमस्‍कस शहर दइ मखुत। व दुना वनाः तःजाःगु द्वँ जक जुइतिनि।

यशैया 17:3

दक्‍व शक्ति दुम्‍ह परमप्रभुं थथे धयादी, इस्राएलया घेरय् यानातःगु शहरत नाश जुइ अले दमस्‍कसया शाही शक्ति मदयावनी। अले बचय् जुयाः ल्‍यंदनीपिं अरामीत नं इस्राएलीतय्‌गु गौरव थें लाजय् लाइ।

यशैया 33:8

मू लँ झिजांमिजां दंगु दु, लँय् जुइपिं सुं नं मदु। सन्‍धि त्‍वाथूगु दु, साक्षीयात हेला याःगु दु। सुं नं मनूतय्‌त हनाबना याःगु मदु।

यशैया 36:19

हमात व अर्पादया द्यःत गन वन? सपर्बेमया द्यःत ग्‍व लय्? छु! इमिसं सामरियायात जिगु ल्‍हातं बचय् यात ला?

यशैया 37:11

अश्‍शूरयापिं जुजुपिन्‍सं मेमेगु फुक्‍क देशयात भज्‍यंक नाश यानाः छु यात व छं न्‍यंगु हे दु। छु छं थः बचय् जुइगु आस यानागु ला?

यशैया 37:13

हमातयाम्‍ह जुजु, अर्पादयाम्‍ह जुजु वा लायरयाम्‍ह जुजु वा सपर्बेमयाम्‍ह जुजु वा हेना वा इव्‍वाया जुजुपिं गन दु लय्?”

यशैया 7:8

छाय्‌धाःसा अराम वया राजधानी दमस्‍कस स्‍वयाः बमलाः अले दमस्‍कस धाःसा जुजु रसीन स्‍वयाः नं बमलाः। तर इस्राएल खुइ न्‍यादँ दुने थःगु नां हे ल्‍यं मदय्‌क कुचा कुचा दलाः नाश जुयावनी।

यर्मिया 46:2

यूफ्रेटिस खुसि सिथय् च्‍वंगु कर्कमीशय् योशियाहया काय् यहूदाया जुजु यहोयाकीमं राज्‍य यानाच्‍वंगु प्‍यंगूगु दँय् बेबिलोनया जुजु नबूकदनेसरं त्‍याकूम्‍ह मिश्र देशयाम्‍ह जुजु फारो नेकोया सेनाया बारे,

यर्मिया 49:23

दमस्‍कसया बारे, “हमात व अर्पाद अलमल जूगु दु, छाय्‌धाःसा इमिसं मभिंगु खबर न्‍यंगु दु। ग्‍यानाः इमिगु नुगः क्‍वतुंगु दु। शान्‍त जुइ मफइगु समुद्र थें इमिगु नुगः इतिमिति कंगु दु।

इजकिएल 47:16

अले बेरोतह व सिब्रैम तक (थ्‍व दमस्‍कस व हमातया सिमानाया दथुइ दु) थ्‍व सिमाना थ्‍यनी। व हौरानया सिमानाया लिक्‍क दुगु हासेरहात्तीकन तक हे थ्‍यनी।

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

गन्‍ती 34:8

अनं लेबो-हमात जुयाः सदाद तक थ्‍यनी।