यशैया 10:5 - नेवाः बाइबल

⁵ परमप्रभुं धयादिल, “अश्‍शूरीतय्‌त धिक्‍कार, सुयागु ल्‍हातय् जिगु तंया कथि, तंया तुतां दु!

यशैया 10:5 ပူးပေါင်းရင်းမြစ်များ

उत्‍पत्ति 10:11

अनं हे व अश्‍शूर धाःथाय् वन। अन वं निनवे, रहोबोत-इर व कालह शहर दय्‌कल।

२ राजा 18:25

थ्‍व बाहेक छु जिं थ्‍व थाय्‌यात हमला यानाः नाश यायेत परमप्रभुं मधाय्‌कं वयागु दु ला? परमप्रभुं हे जितः “व देशय् वनाः वयात नाश या!” धकाः धयादीगु दु।’”

२ राजा 19:25

“‘यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

भजनसंग्रहया सफू 125:3

दुष्‍टतय्‌सं परमप्रभुं थः मनूतय्‌त बियादीगु देशय् न्‍ह्याबलें राज्‍य याइ मखु। मखुसा धर्मीतय्‌सं हे मभिं ज्‍या याइ।

भजनसंग्रहया सफू 17:14

जीवनय् थःत यःगु फुक्‍क खँ धायेफु धकाः जुइपिं मनूतपाखें जितः बचय् यानादिसँ। इमिगु लागिं छिं मुंकातयादीगु दुःखं इमित सजाँय बियादिसँ। अज्‍याःगु सजाँय इमि सन्‍तान तकयात यक्‍व दयेमा, अले इमि छय्-छुइपिनिगु लागिं नं छुं ल्‍यनेमा।

यशैया 10:15

छु पां वयात छ्यलीम्‍ह मनू स्‍वयाः थःत तःधं याये फइ ला? छु कःतिं थःत छ्यलीम्‍ह स्‍वयाः थःत तःधं याये फइ ला? धाय्‌की तुतां छ्यलीम्‍हय्‌सित तुतांम्‍ह हे छ्यःगु थें अथवा गुगु सिँ मखु उकियात सिँयागु मुगःचां ल्‍ह्वंगु थें।

यशैया 10:25

आः छुं ई लिपा हे जिं छिमिगु विरोधय् पिकयागु तं क्‍वलाइ। अले जिं छिमिगु नाशया निंतिं पिकयागु तं अश्‍शूरीतपाखे वनी।”

यशैया 13:5

इपिं पृथ्‍वीया दक्‍वसिबय् लिपांगु देशं वयाच्‍वंगु दु, थःगु क्रोधं देय् छगुलिंयात नाश यायेत परमप्रभु झायाच्‍वंगु दु।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 23:13

बेबिलोनीतय् देशयात स्‍व, व जातियागु आः छुं नं ल्‍याःचाः मन्‍त। अश्‍शूरीतय्‌सं उकियात मरुभूमिया पशुततय्‌गु निंतिं थाय् दय्‌कूगु दु। इमिसं घेरय् यायेगु धरहरात दय्‌कल अले उकिया किल्‍लात धाःसा नाश यानाः झिजांमिजां यानाबिल।

यशैया 26:20

हे जिमि प्रजा, थथःगु छेँ हुँ, अले छेँ दुहां वनाः लुखा तिनाब्‍यु। परमेश्‍वरया तं क्‍वमलाःतले छुं ईया निंतिं सुपिलाच्‍वँ।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 30:27

स्‍व! च्‍यानाच्‍वंगु तं व ख्‍वातुक वयाच्‍वंगु कुँत्‍याःनापं परमप्रभु थः हे थःगु तःधंगु नां क्‍यनेत तापाकं झायाच्‍वंगु दु। वय्‌कःया म्‍हुतुसि तमं जाः अले वय्‌कःया मे भस्‍म याइगु मि थें च्‍वं।

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 66:14

छिमिसं थ्‍व खनी अले छिमिगु नुगः तसकं लय्‌ताइ अले छिपिं घाँय् थें च्‍वन्‍ह्याइ। परमप्रभुया ल्‍हाः थः दासतपाखे न्‍ह्यज्‍याकूगु, वय्‌कःया तं धाःसा शत्रुतपाखे न्‍ह्यानाच्‍वंगु खंके बियादी।

यशैया 7:17

“परमप्रभुं छन्‍त, छिमि प्रजा व फुक्‍क जुजुया परिवारतय्‌त संकष्‍टया दिं हयाबी। अज्‍याःगु दिं यहूदापाखें इस्राएल राज्‍य अलग जुइगु दिनंनिसें कयाः थौं तक वःगु मदुनि। वय्‌कलं अश्‍शूरया जुजुयात देशय् हमला याकेबियादी।”

यशैया 7:20

व दिनय् परमप्रभुं यूफ्रेटिस पारियाम्‍ह अश्‍शूरया जुजुयात छ्यलादी, व जुजुं छिमित कब्‍जा याइ अले बेइज्‍जत याइ। व जुजु ख्‍वःचा थें जुइ। अले वं छंगु दाह्री, छंगु छेनय् च्‍वंगु व म्‍हय् च्‍वंगु फुक्‍क सँ खानाबी।

यशैया 8:4

मचां ‘जिमि अबु’ व ‘जिमि मां’ धाये सय्‌के न्‍ह्यः हे दमस्‍कसया फुक्‍क धन व सामरियाय् लुतय् यानाहःगु सामान अश्‍शूरया जुजुं यंकी।”

यशैया 8:7

आः स्‍वः, परमप्रभुं यूफ्रेटिस तसकं खुसिबाः वयाः इमित त्‍वपू थें, अश्‍शूरया जुजु व वया महिमायात यहूदाय् हमला यायेत हयाबी। खुसिबाः वइबलय् खुसिया लः तसकं ब्‍वाँय् वं थें इपिं नं ब्‍वाँय् वइतिनी।

इजकिएल 22:31

उकिं जिं इमिके जिगु तंया मि प्‍वंकाः इमित भस्‍म याये। इमिसं याःगु फुक्‍क ज्‍या इमिगु हे छेनय् हयाबी, परमप्रभु परमेश्‍वरं धयादी।”

इजकिएल 7:10

“‘व दिं थ्‍व हे खः। व वःगु दु। छंगु नाश पिहां वये धुंकल, मनूतय्‌गु मभिंगु ज्‍या व घमण्‍डया स्‍वां ह्वयावःगु दु।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

नहूम 1:1

निनवेया खँय् अगमवाणी। एल्‍कोशी नहूमं खंगु दर्शनया सफू।

हबकूक 1:12

हे परमप्रभु, छु छि न्‍हापांनिसें हे दीम्‍ह मखु ला? हे परमेश्‍वर, जिम्‍ह परमपवित्र जिपिं सी मखु। हे परमप्रभु, छिं इमित न्‍याय यायेत ल्‍ययादीगु खः। छि जिमिगु ल्‍वहंधी, सजाँय बीत छिं इमित अभिषेक यानादीगु दु।

सपन्‍याह 2:13

उत्तरपाखे थःगु ल्‍हाः ल्‍ह्वनाः वय्‌कलं अश्‍शूरयात न्‍हंकाबी। वय्‌कलं निनवेयात झिजांमिजां दंगुथाय् व मरुभूमि यानाबी।

गन्‍ती 24:24

कित्तीमया सिथं जहाजत वइ, उमिसं अश्‍शूर व एबेरयात हमला याइ, तर इपिं नं न्‍हनावनी।”