21 इस्राएलया कम मनूत जक दक्व शक्ति दुम्ह परमेश्वरयाथाय् लिहां वइ।
ल्यंदुपिं यहूदीत गन गन च्वनाच्वंगु दु, उगु थाय्यापिं इमि जःलाखःलातय्सं लिहां वनीपिन्त वहः, लुँ, लँय् माःगु सामान व पशुत, अले यरूशलेमय् च्वंगु परमेश्वरया देगःया निंतिं थथःगु इच्छां देछा नं बीमाः।’”
परमप्रभुं मिश्र देशयात महामारीपाखें कय्कादी। वय्कलं इमित दायादी अले इमित लाय्का नं दी। इपिं परमप्रभुपाखे फःहिला वइ। वय्कलं इमिगु प्रार्थना न्यनादी अले वय्कलं इमित लाय्कादी।
अले यहूदाया घरानाया म्वानाच्वंपिन्सं जमिनया क्वय् हा कयाः जमिनया च्वय् फल सय्की।
परमप्रभुं धयादी, “हे याकूबया घराना न्यँ! इस्राएलया घरानाय् बचय्जूपिं सकसिनं न्हाय्पं ब्यु! छिपिं बूसांनिसें जिं छिमित सुसाःकुसाः यानागु दु।
दुष्ट मनुखं थःगु लँपु व अधर्मी मनुखं थःगु बिचाः त्वःतेमा, अले इपिं परमप्रभुयाथाय् लिहां वयेमा, वय्कलं हे इमित दया यानादी। झी परमेश्वरपाखे इपिं लिहां वयेमा, अले वय्कलं इमित पूरा क्षमा यानादी।
“थःगु पापया पश्चाताप याइपिं याकूबया सन्तानतय्गु निंतिं मुक्ति बीम्ह सियोनय् झायादी।” परमप्रभुं घोषणा यानादी।
अले परमप्रभुं यशैयायात धयादिल, “छ थःकाय् शार्यासूबयात ब्वनाः धोबिया बुँया लँपुइ वनाः च्वय् पाखे च्वंगु बुँया धः लिक्क आहाजयात नापलाः हुँ,
तर मनूत इमित कय्कूम्ह मनूपाखे लिहां वःगु मदुनि, न इमिसं दक्व शक्ति दुम्ह परमप्रभुयात माःगु दु।
छाय्धाःसा झीगु निंतिं छम्ह मचा बूगु दु। झीगु निंतिं छम्ह काय् ब्यूगु दु। वं हे झीत राज्य याइ। वय्कःया नां “तसकं अजू चाइपुसे च्वंम्ह सल्लाहकार,” “शक्ति दुम्ह परमेश्वर,” “सदांयाम्ह अबु,” “शान्तिया राजकुमार” जुइ।
परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्धाःसा जिं बचय् यानातयागु ल्यं दुगु ब्वयात जिं क्षमा याये।”
अय् इस्राएल, परमप्रभु थः परमेश्वरयाथाय् लिहां वा। छंगु पापं यानाः हे छ पतन जूगु दु।
“वा! झीपिं परमप्रभुपाखे लिहां वनेनु। वय्कलं झीत कुचा कुचा यानादीगु दु, अय्नं वय्कलं झीत लंकादी। वय्कलं घाः यानादीगु दु, अय्नं वय्कलं झीगु घालय् मलमपति तयादी।
इस्राएलया घमण्डं वयागु हे विरोधय् साक्षी बी, अय्नं थ्व फुक्क जुइ धुंकाः नं इपिं परमप्रभु थः परमेश्वरपाखे फहिला वइ मखु, न वय्कःयात माली।
इपिं दकलय् तःधंम्हय्सिथाय् लिहां वइ मखु, इपिं त्वधूगु धनुष थें खः। इमि न्हेलुवाःतय्त इमिगु घमण्डया वचनं यानाः तरवारं स्याइ। थुकिया निंतिं मिश्र देशय् इमित गिजय् याइ।
जिं थ्व खँ दकलय् न्हापालाक दमस्कसय् च्वंपिन्त न्यंका। अले यरूशलेम व यहूदियाय् न्यंकं व यहूदीमखुपिन्त नं थथःगु पापं लिचिलाः परमेश्वरयाथाय् लिफः स्वयाः वा धकाः न्यंका। अले थःम्हं पश्चाताप यानागु ज्यां नं क्यँ धकाः नं धया।