यशैया 10:2 - नेवाः बाइबल

² गरीबतय्‌गु अधिकार लाकाकायेत व क्‍वत्‍यलातःपिं जिमि प्रजातय्‌गु खःकथं न्‍याय मयायेत अले भाःत सी धुंकूपिं व मांबौ मदुपिनिगु सम्‍पत्ति लाकाकायेत इमिसं थथे याइगु खः।

यशैया 10:2 ပူးပေါင်းရင်းမြစ်များ

अय्‍यूब 31:16

“जिं चीमिपिन्‍त ग्‍वाहालि यायेत म्‍हाः धयागु दु ला? वा जिं भाःत मदुपिन्‍त क्‍वत्‍यलागु दु ला?

भजनसंग्रहया सफू 94:6

इमिसं भाःत मदुपिं मिस्‍त, मां-बौ मदुपिं मस्‍त व परदेशीतय्‌त स्‍यानाबीगु।

प्रस्‍थान 23:6

“चीमिपिं मनूतय्‌त न्‍याय बीत लिचिले मते।

हितोपदेश 22:22

चीमिपिन्‍त फत धकाः क्‍वत्‍यले मते। हाःनाः मदुपिन्‍त अदालतय् ध्‍वंलाये मते।

हितोपदेश 30:14

छथ्‍वः मनूत चीमिपिं व हाःनाः मदुपिनिपाखें लबः कयाजुइपिं दु।

यशैया 1:17

भिं याये सय्‌कि। फुक्‍कसिगु निसाफ या, क्‍वत्‍यय्‌का च्‍वनेमाःपिन्‍त ग्‍वाहालि या, मांबौ मदुपिं मचातय्‌गु रक्षा या, विधवा मिसाया पंलिनाः नवानाब्‍यु।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 29:21

सुनां मनूतय्‌त खँ ल्‍हानाः दोपं बियाच्‍वनी अले अड्डाय् मेगु पक्षयाम्‍हय्‌सित जालय् क्‍यंकी अले दोष मदुम्‍हय्‌सित न्‍याय यायेबलय् मखुगु साक्षी बियाः न्‍यायपाखें तापाकाबी।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 3:15

छिमिसं जिमि प्रजायात क्‍वत्‍यःगु व मगाःमचाःपिनिगु ख्‍वालय् क्‍यःगु मतलब छु खः?” प्रभु, दक्‍व शक्ति दुम्‍ह परमप्रभुं धयादी।

यशैया 32:6

छाय्‌धाःसा मूर्ख मनुखं मूर्ख हे जक खँ ल्‍हाना जुइ, अले वयागु मन मभिंगु ज्‍या यायां हे लिलाइ मखु, वं अधर्मया ज्‍या याइ अले परमप्रभुया खँय् धाःसा मखुगु खँ न्‍यंका जुइ। वं नये पित्‍याःपिन्‍त खालिगु ल्‍हातं हे लित छ्वइ। अले प्‍याःचाःपिनिगु निंतिं लः नं बी मखु।

यशैया 5:23

घुस कयाः मभिं ज्‍या याइपिन्‍त त्‍वःताछ्वइ अले दोष मदुपिन्‍त सजाँय बी।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यशैया 59:15

खःगु खँ गनं मदु, अले मभिंगु खँपाखें अलग च्‍वनीम्‍ह न्‍ह्याम्‍ह हे जूसां वयात हमला याइ। परमप्रभुं स्‍वयादिल, अले न्‍याय मदयावन धकाः वय्‌कः तंचायादिल।

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

विलाप 3:35

दकलय् तःधंम्‍ह परमेश्‍वरया न्‍ह्यःने मनूतय्‌गु अधिकार लाकाकायेगु,

इजकिएल 22:7

छंके हे इमिसं थः मां बौयात हेला यात, विदेशीतय्‌त अत्‍याचार यात, अले मांबौ मदुपिं मस्‍त व भाःत मदुपिं मिस्‍तय्‌त बांमलाःगु व्‍यवहार यात।

आमोस 2:6

परमप्रभुं थथे धयादी – “इस्राएलया मनूतय्‌सं तःक्‍व हे पापयात जिं इमित सजाँय मब्‍यूसे त्‍वःते मखु, इमिसं धर्मीतय्‌त वहःया लागि व चीमिपिन्‍त छज्‍वः चप्‍पलया लागि मिया छ्वइ।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

आमोस 5:19

सिंहपाखें बिस्‍युं वनाः सुं मनूया भालूयात नापलाःगु थें वा छेँ दुहां वनाः अंगलय् ल्‍हाः तःबलय् सर्पं वयात न्‍या थें व दिं जुइ।

मीका 3:1

अले जिं धया, “हे याकूबया नायःत, हे इस्राएलया घरानायापिं शासकत, ध्‍यान बिया न्‍यँ। न्‍याययात सिकाकायेगु छु छिमिगु ज्‍या मखु ला?

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।