यशैया 10:17 - नेवाः बाइबल

¹⁷ इस्राएलया जः, पवित्र परमेश्‍वरया तच्‍वकं च्‍याःगु मि खः। अले छन्‍हुं हे इमिगु कंमा व झाःतय्‌त वय्‌कःया तच्‍वकं च्‍याःगु मिं भस्‍म यानाबी।

यशैया 10:17 ပူးပေါင်းရင်းမြစ်များ

भजनसंग्रहया सफू 18:8

वय्‌कःया न्‍हाय्‌प्‍वालं कुँत्‍याः पिहां वल। वय्‌कःया म्‍हुतुप्‍वालं भस्‍म याइगु मित्‍याः व च्‍यानाच्‍वंगु कोइला पिहां वल।

भजनसंग्रहया सफू 21:9

जुजुं थः खनेदय्‌कः वइबलय् मिप्‍वालं कय्‌काः इमित नाश याइ। परमप्रभुं तमय् इमित मिं भस्‍म यानादी।

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

भजनसंग्रहया सफू 50:3

झी परमेश्‍वर झाइतिनि, अले वय्‌कः सुम्‍क च्‍वनादी मखु, वय्‌कःया न्‍ह्यःने भस्‍म याइगु मि दु, अले वय्‌कःया छचाःखेरं ग्‍यानापुगु ग्‍वःफय् दु।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

भजनसंग्रहया सफू 97:3

मि वय्‌कःया न्‍ह्यःने न्‍ह्यःने वनी, अले वय्‌कःया प्‍यखेरं च्‍वंपिं शत्रुतय्‌त नाश याइ।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 27:4

जि तंम्‍वयागु मदु। झाःत व कंमात बुया वयाः जितः पंगु जूसा जि इपिंनापं लडाइँ याःवनेगु जुइ। जिं इमित मि च्‍याकीगु जुइ।

यशैया 27:7

छु शत्रुतय्‌त कय्‌कू थें वय्‌कलं इस्राएलयात कय्‌कूगु, मदु ला? छु वं इमि शत्रुतय्‌त स्‍याः थें इमित स्‍यागु, मदु ला?

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 31:9

इमि जुजु ग्‍यानाः बिस्‍युं वनी अले इमि सेनापतित लडाइँया ध्‍वाँय् खनाः ग्‍यानाः आत्ते जुइ।” परमप्रभु, सुयागु मि सियोनय् अले भट्टी यरूशलेमय् दु, वय्‌कलं धयादीगु दु।

यशैया 33:12

मनूत ह्यंग्‍वाः च्‍याःथे च्‍याइतिनि। पाला तःगु झाःत च्‍याःथें च्‍याइतिनि।

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

यशैया 37:23

छं सुयात क्‍वह्यंकाः व ब्‍वः बिया? अले सुयागु विरोधय् छं न्‍ववानागु वा तःधंछुयागु दु? इस्राएलया पवित्र परमेश्‍वरया विरोधय् मखु ला!

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 47:14

धात्‍थें हे इपिं छ्वख्‍वः थें खः। मिं उपिं च्‍याकाछ्वइ। थन सुयातं मि पनेत हेंग्‍वाः दइ मखु, न थन च्‍वनाः मि पनेत मि दइ।

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

जकरिया 12:6

“उखुन्‍हु हे जिं यहूदाया नायःतय्‌त च्‍यानाच्‍वंगु सिँया दथुइ मकः वा थूतय्‌गु दथुइ च्‍यानाच्‍वंगु मिप्‍वाः थें दय्‌काबी। इमिसं जःखः च्‍वंपिं सकल मनूतय्‌त भस्‍म याइ। यरूशलेम धाःसा थःगु हे थासय् दयाच्‍वनी।

गन्‍ती 16:35

अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

व्‍यवस्‍था 4:24

परमप्रभु छिमि परमेश्‍वर भस्‍म याइगु मि व नुगः मुइकादीम्‍ह परमेश्‍वर खः।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।

प्रकाश 22:5

अन चा धयागु हे दइ मखु। इमित मतयागु जः व सूर्ययागु जः माःगु मखुत। परमप्रभु परमेश्‍वरं हे इमित जः बियादी। इमिसं न्‍ह्याबलें राज्‍य यानाच्‍वनी।