यशैया 10:16 - नेवाः बाइबल

¹⁶ अथे जुयाः प्रभु, परमप्रभु दक्‍व शक्ति दुम्‍ह परमप्रभुं वया तसकं बल्‍लाःपिं सिपाइँतय् दथुइ नाश यायेत ल्‍वय् छ्वयाहयादी, अले वयागु गौरवयात तसकं च्‍याःगु मिं छ्वय्‌कादी।

यशैया 10:16 ပူးပေါင်းရင်းမြစ်များ

२ इतिहास 32:21

परमप्रभुं छम्‍ह स्‍वर्गदूत छ्वयाहयादिल, वं अश्‍शूरी सेनाया सिपाइँत व नायःतय्‌त स्‍यात। उकिं जुजु सनहेरीब लज्‍या चायाः थःगु हे देशय् लिहां वन। अले व थः द्यःया देगलय् दुहां वंबलय् वया थः हे काय्‌पिन्‍सं वयात तरवारं स्‍यानाबिल।

भजनसंग्रहया सफू 106:15

उकिं वय्‌कलं इमिसं फ्‍वंगु फुक्‍क खँ बियादिल, अय्‌नं छगू ग्‍यानापुगु ल्‍वय् नं इमिथाय् छ्वयादिल।

भजनसंग्रहया सफू 78:31

परमेश्‍वर इपिं खनाः तंचायादिल, अले इमिगु पुचलय् च्‍वंपिं बल्‍लाःपिं मनूतय्‌त स्‍यानादिल। वय्‌कलं इस्राएलया ल्‍याय्‌म्‍ह- ल्‍याय्‌म्‍हपिं मनूतय्‌त स्‍यानादिल।

यशैया 10:18

जंगलयागु गौरव परमप्रभुं भस्‍म यानादी, अले इमिगु बांलाक अन्‍न सइगु बुँत दक्‍व भस्‍म यानादी, गथे तच्‍वःगु ल्‍वचं म्‍हंमफया च्‍वंम्‍ह मनूयात स्‍याइ।

यशैया 17:4

“व दिं इस्राएलया गौरव तनावनी अले वयागु म्‍हयागु दाः कम जुयावनी।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 31:9

इमि जुजु ग्‍यानाः बिस्‍युं वनी अले इमि सेनापतित लडाइँया ध्‍वाँय् खनाः ग्‍यानाः आत्ते जुइ।” परमप्रभु, सुयागु मि सियोनय् अले भट्टी यरूशलेमय् दु, वय्‌कलं धयादीगु दु।

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 5:17

व दिंखुन्‍हु फैतय् नयेत थःगु हे ख्‍यः दइ अले भ्‍याःचातय्‌सं धाःसा तःमिपिनिगु नाशया दथुइ नइ।

यशैया 8:7

आः स्‍वः, परमप्रभुं यूफ्रेटिस तसकं खुसिबाः वयाः इमित त्‍वपू थें, अश्‍शूरया जुजु व वया महिमायात यहूदाय् हमला यायेत हयाबी। खुसिबाः वइबलय् खुसिया लः तसकं ब्‍वाँय् वं थें इपिं नं ब्‍वाँय् वइतिनी।

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

नहूम 1:12

परमप्रभुं थथे धयादी, “अश्‍शूरीत बल्‍लाःसां व ल्‍याखय् यक्‍व दःसां इमित नाश याइ अले मदयावनी। अय् यहूदा, जिं छन्‍त दुःख बियागु दु, अय्‌सां आः हाकनं छन्‍त दुःख बी मखुत।

सपन्‍याह 2:13

उत्तरपाखे थःगु ल्‍हाः ल्‍ह्वनाः वय्‌कलं अश्‍शूरयात न्‍हंकाबी। वय्‌कलं निनवेयात झिजांमिजां दंगुथाय् व मरुभूमि यानाबी।

जकरिया 7:4

अले दक्‍व शक्ति दुम्‍ह परमप्रभुयागु वचन जिथाय् वल,

प्रेरित 12:23

जुजुं परमेश्‍वरयात तःमधंकुसे थः हे तःधं जूगुलिं उघ्रिमय् छम्‍ह प्रभुयाम्‍ह स्‍वर्गदूतं वयात मफय्‌काबिल। अले व की दायाः सित।