यशैया 10:14 - नेवाः बाइबल

¹⁴ सुं छम्‍हय्‌सिनं चखुंया स्‍वँय् ल्‍हाः तः थें जिगु ल्‍हाः नं यक्‍व सम्‍पत्ति दुगु फुक्‍क देशय् थ्‍यंगु दु। त्‍वःताथकूगु खेँय् सुं मनुखं मुंका यंकु थें जिं फुक्‍क देशयात मुंकागु दु। अय्‌नं अन सुनानं पपू मसंकू अले चूँ-चूँ चीँ-चीँ हाला हःगु नं मदु।’”

यशैया 10:14 ပူးပေါင်းရင်းမြစ်များ

२ इतिहास 32:13

“जि व जिमि पुर्खातय्‌सं देश देशयापिं सकल मनूतय्‌त छु छु यात व छिमिसं मस्‍यू ला? छु थुपिं जातितय् द्यःतय्‌सं जिगु ल्‍हातं थुमिगु देशत बचय् याये फत ला?

अय्‍यूब 31:25

जि थःगु धनसम्‍पत्तिइ अले थःगु ल्‍हातं कमाइ यानागु धनय् लय्‌तायागु मदु,

हितोपदेश 18:12

क्‍वमिलुपिन्‍त हनाबना तइ। घमण्‍डीत विनाशपाखे न्‍ह्यांवनाच्‍वनी।

यशैया 14:6

गुकिं न्‍ह्याबलें मनूतय्‌त तमं दाया हे च्‍वनीगु खः अले सह याये मफय्‌क जाति जातितय्‌त क्‍वत्‍यलाः दुःखकष्‍ट बीगु खः।

यशैया 37:25

जिं तुं म्‍हुयाः विदेशया लः त्‍वना। अले थःगु तुति पालिं मिश्रया फुक्‍क खुसि सुकाबिया।’

यशैया 5:8

धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

इजकिएल 35:13

छं जिगु विरोधय् घमण्‍डयात अले छं जिगु विरोधय् छु न्‍ववात, जिं व न्‍यनागु दु।

ओबदिया 1:4

तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ स्‍वँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

नहूम 2:9

वहः लुतय् या! लुँ लुतय् या! अन धन-सम्‍पत्ति यक्‍व दु, अले मू वंगु सामानत नं यक्‍व दु।