यशैया 10:13 - नेवाः बाइबल

¹³ छाय्‌धाःसा वं धाइ, “‘जिगु ल्‍हाःया बलं व जिगु हे बुद्धिया कारणं थ्‍व यानागु खः, छाय्‌धाःसा जिके दुग्‍यां दु। जिं देश देशया सिमानात मदय्‌का छ्वयागु दु अले इमिगु धुकूत लुतय् याना हयागु दु। जि छम्‍ह तसकं बल्‍लाःम्‍ह मनुखं थें इमि जुजुयात क्‍वत्‍यलागु दु।

यशैया 10:13 ပူးပေါင်းရင်းမြစ်များ

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

२ राजा 16:8

अले आहाजं परमप्रभुया देगलय् व दरबारया धुकुतिइ दुगु लुँ वहः कयाः अश्‍शूरयाम्‍ह जुजुयाथाय् क्‍वस्‍यलिकथं छ्वत।

२ राजा 17:24

अश्‍शूरयाम्‍ह जुजुं बेबिलोन, कूता, अव्‍वा, हमात व सपर्बेम शहरं मनूत हयाः इस्राएलीतय्‌गु थासय् सामरियाया शहर शहरय् तल। इमिसं उपिं शहरत अधीनय् कयाः अन च्‍वन।

२ राजा 17:6

होशियां राज्‍य यानाच्‍वंगु गुंगूगु दँय् अश्‍शूरयाम्‍ह जुजुं सामरिया त्‍याका काल। अले इस्राएलीतय्‌त ज्‍वनाः अश्‍शूरय् यंकाः हलहय्, हाबोर खुसि सिथय् दुगु गोजानय् व मादीतय्‌गु शहर शहरय् तल।

२ राजा 18:11

अश्‍शूरयाम्‍ह जुजुं इस्राएलीतय्‌त ज्‍वनाः अश्‍शूरय् यंकल। वं इमित हलहय्, हाबोर खुसिया सिथय् च्‍वंगु गोजानय् व मादीतय्‌गु शहरय् तल।

२ राजा 18:15

हिजकियां परमप्रभुया देगः व दरबारया धुकुतिइ दुगु फुक्‍क वहः अश्‍शूरयाम्‍ह जुजुयात बिल।

२ राजा 18:32

लिपा धाःसा छिमिगु हे थें ज्‍याःगु अन्‍न व न्‍हूगु दाखमद्य अले मरि व दाखक्‍यब, जैतूनया सिमा व कस्‍तिं जाःगु देशय् जिं छिमित यंके। सीगु पलेसा म्‍वायेगु ल्‍य! “हिजकियाया खँ न्‍यने मते! ‘परमप्रभुं झीत बचय् यानादी’ धकाः धयाः वं छिमित ध्‍वंलानाच्‍वंगु दु।

१ इतिहास 5:26

उकिं परमेश्‍वरं अश्‍शूरयाम्‍ह जुजु पूलयात (थ्‍वयात तिग्‍लत-पिलेसेर धकाः नं धाः) ग्‍वाकादिल। वं रूबेन, गाद व मनश्‍शेया बच्‍छि कुलयापिं मनूतय्‌त ज्‍वना यंकल। वं इमित हलह, हाबोर, हारा व गोजान खुसिया सिथय् यंकल, अन इपिं थौं तक नं च्‍वनाच्‍वंगु दनि।

हितोपदेश 28:11

तःमिपिं मनूतय्‌सं थःपिन्‍त बुद्धिमान ताय्‌की, तर दुग्‍यां दुपिं चीमिपिं मनूतय्‌सं इमित बांलाक म्‍हसीकी।

यशैया 10:8

अश्‍शूरया जुजुं धाल, “छु जिमि सेनापतित फुक्‍क जुजु मखु ला?

यशैया 5:21

धिक्‍कार इमित, सु थःगु हे मिखाय् बुद्धिमान तायेकी अले थःगु हे मिखाय् चलाख तायेकी।

यर्मिया 46:8

मिश्र देश नील खुसि थें न्‍ह्यज्‍यानाः वइ, लबु थाहां वइगु खुसिया लः थें। वं धाइ, ‘जि न्‍ह्यज्‍यानाः पृथ्‍वीयात त्‍वपुयाबी। जिं शहर शहरयात व अनयापिं मनूतय्‌त नाश यानाबी।’

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’

इजकिएल 25:3

इमित धा, ‘अय् अम्‍मोनीत, परमप्रभु परमेश्‍वरयागु वचन न्‍यँ। परमप्रभु परमेश्‍वरं थथे धयादी – जिगु पवित्र थाय्‌यात अपवित्र याःबलय्, इस्राएल देशयात तहसनहस याःबलय् अले यहूदायापिं मनूतय्‌त ज्‍वनायंकूबलय् छिमिसं “आहा, आहा!” धाल।

इजकिएल 26:2

“अय् सीमानिम्‍ह मनू, यरूशलेमया बारे टुरोस शहरं थथे धाःगु दु, ‘आहा! जाति जातियापिं मनूतय् मू ध्‍वाखा दुंगु दु। ध्‍वाखात जिगु निंतिं चाःगु दु। व नाश जुल, आः जि च्‍वन्‍ह्याइ।’

इजकिएल 29:3

वलिसें खँ ल्‍हा, अले वयात थथे धा, ‘परमप्रभु परमेश्‍वरं थथे धयादी – “‘हे मिश्र देशयाम्‍ह जुजु फारो, जि छंगु विरोधय् दु, थःगु खुसिचातय्‌गु दथुइ च्‍वनाच्‍वनीम्‍ह छ तःधीम्‍ह लखय् च्‍वनीम्‍ह जन्‍तु, छं थथे धाःगु दु, “निल खुसि जिगु हे खः, व जिगु निंतिं दय्‌कागु खः।”

इजकिएल 35:13

छं जिगु विरोधय् घमण्‍डयात अले छं जिगु विरोधय् छु न्‍ववात, जिं व न्‍यनागु दु।

दानिएल 4:27

उकिं हे महाराज, जिगु सल्‍लाह स्‍वीकार यानादिसँ। खःगु ज्‍या यानाः थःगु पापयात त्‍वःतादिसँ अले छुं मदुपिन्‍त माया यानाः मभिंगु ज्‍या त्‍वःतादिसँ। अथे याःसा छःपिनिगु भिं जुया हे च्‍वनी।”

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

आमोस 5:27

अथे जुयाः दमस्‍कसं नं उखे तापाक जिं छिमित ज्‍वंकाछ्वये,” परमप्रभुं धयादी, गुम्‍हय्‌सिगु नां दक्‍व शक्ति दुम्‍ह परमेश्‍वर खः।

आमोस 6:13

छिमिसं लो-देबार शहरयात त्‍याकाः काःगुलिं घमण्‍डयात, अले फुँइ यानाः धाल, “जिमिसं कार्नेम शहरयात थःगु हे बलं त्‍याकाकया।”

हबकूक 1:11

अले इपिं ग्‍वःफय् थें तसकं ब्‍वाँय्‌ वइ, वनी। इपिं दोषी मनूत खः, इमिगु बल हे इमि द्यः खः।”

हबकूक 1:16

अथे जुयाः इमिसं थःगु जाःयात बलि छाइ, तःधंगु जाःया लागि धुपाँय् च्‍याकी, छाय्‌धाःसा उकिं हे इपिं सुखं च्‍वनी अले भिंगु भिंगु नसा नइ।

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

व्‍यवस्‍था 8:17

“झीगु थःगु ल्‍हाःया शक्ति व बलं हे थ्‍व धन-सम्‍पत्ति झीसं दय्‌कागु खः” धकाः छिमिसं मनमनं धायेफु।

न्‍यायकर्ता 7:2

परमप्रभुं गिदोनयात धयादिल, “मिद्यानीतय्‌त इमिगु ल्‍हातय् बीत जिगु निंतिं छलिसें यक्‍व मनूत दु। जिं मिद्यानीतय्‌त इमिगु ल्‍हातय् बी मखु। मखुसा जिमिसं थःगु हे बलं लडाइँ त्‍याकाःगु खः धकाः इस्राएलीतय्‌सं जिगु विरोधय् तःधंछुयाः धाइ।