यशैया 10:1 - नेवाः बाइबल

¹ धिक्‍कार इमित, सुनां मभिंगु व्‍यवस्‍था दय्‌की, सुनां मेपिन्‍त क्‍वत्‍यलिगु नियम दय्‌की,

यशैया 10:1 ပူးပေါင်းရင်းမြစ်များ

१ राजा 21:13

अले निम्‍ह लुच्‍चापिं मनूत वया वयागु चुलिंचू च्‍वन, इमिसं मनूतय् न्‍ह्यःने नाबोतयात थथे पाः यात, “वं जुजु व परमेश्‍वरयात सराः बिल।” उकिं वयात शहरं पिने यंकाः ल्‍वहँतं कय्‌काः स्‍यानाबिल।

भजनसंग्रहया सफू 58:2

मदु, छिमिगु नुगलं मभिंगु ग्‍वसाः जक ग्‍वयाजुइ। छिमिगु ल्‍हातिं संसारय् ल्‍वायेगु व स्‍यायेसीगु ज्‍या जक जुयाच्‍वंगु दु।

प्रस्‍थान 23:3

न्‍याय याइबलय् चीमि धकाः सुयागुं पंली मते।

प्रस्‍थान 23:6

“चीमिपिं मनूतय्‌त न्‍याय बीत लिचिले मते।

यशैया 29:21

सुनां मनूतय्‌त खँ ल्‍हानाः दोपं बियाच्‍वनी अले अड्डाय् मेगु पक्षयाम्‍हय्‌सित जालय् क्‍यंकी अले दोष मदुम्‍हय्‌सित न्‍याय यायेबलय् मखुगु साक्षी बियाः न्‍यायपाखें तापाकाबी।

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 5:11

धिक्‍कार इमित, सु अय्‌ला त्‍वनेत सुथय् हे दनी अले बहनि लिबाक्‍क धेधेमचुतले दाखमद्य त्‍वनाच्‍वनी।

यशैया 5:18

धिक्‍कार इमित, गुपिन्‍सं पापयात छलया खिपतं व मभिंगु ज्‍यायात गाडायात खिपतं साला हः थें साला हइ।

यशैया 5:23

घुस कयाः मभिं ज्‍या याइपिन्‍त त्‍वःताछ्वइ अले दोष मदुपिन्‍त सजाँय बी।

यशैया 5:8

धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यर्मिया 22:13

मभिंगु ज्‍या यानाः थःगु छेँ दय्‌कीम्‍हय्‌सित धिक्‍कार दु, थःगु च्‍वय्‌या क्‍वथा अन्‍याय यानाः दय्‌कीम्‍ह व थःगु हे देशय् च्‍वंपिन्‍त सितिकं सेवा याकिम्‍ह, अले इमित इमिसं याःगु ज्‍याया ज्‍यालाबी मखुम्‍हय्‌सित धिक्‍कार दु।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

हबकूक 2:12

“धिक्‍कार दु वयात, गुम्‍हं स्‍याये पालीगु हिं शहर दय्‌की, अधर्म यानाः नगर पलिस्‍था याइ।

हबकूक 2:15

“धिक्‍कार दु वयात, सुनां जःलाखःलातय्‌त दाखमद्य त्‍वंकी थःगु तमय् वया वं इमित अय्‌लाःगुलुत जुइत करंकाकी थथे वं इमिगु नांगासू स्‍वयाः इमित लज्‍या चाय्‌के फइ।

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

हबकूक 2:9

“धिक्‍कार दु वयात, गुम्‍हं अन्‍याय यानाः कमय् याःगुलिं थःगु छेँ दय्‌की। वयागु छेँ तःजाःगु थासय् दय्‌की गुकिं यानाः नाश जुइगुपाखें सुरक्षा जुइ।

मत्ती 11:21

“हे खोराजीन व बेथसेदाय् च्‍वंपिं मनूत, छिमित धिक्‍कार दु, छाय्‌धाःसा छिमिथाय् याःगु अजू चायापुगु ज्‍याखँ टुरोस व सीदोनय् याःगु जूसा अन च्‍वंपिन्‍सं उबलय् हे भांग्रां हिनाः नौनं बुयाः पश्‍चाताप याये धुंकल जुइ।

मत्ती 23:23

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं नवःघाँय्, सोँप व जीया झिब्‍वय् छब्‍व परमेश्‍वरयात छाये हइ। अथेसां छिमिसं न्‍याय, दया व विश्‍वास थें ज्‍याःगु व्‍यवस्‍थाया मू खँय् च्‍यूताः मतः। छिमिसं थ्‍व नं मत्‍वःते माःगु खः।

मत्ती 23:27

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिपिं पिने ला सख्‍वाः पानातःगु चिहान थें बांलाः। दुने धाःसा छिपिं ध्‍वगीगु कँलाय् व नवःगुलिं जक जाः।

मत्ती 23:29

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं अगमवक्तातय्‌गु चिहान बाबांलाक दय्‌की। अले धर्मी मनूतय्‌गु चिहानयात समाः याना तइ।

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

लूका 11:52

“शास्‍त्रीत, छिमित धिक्‍कार दु, छाय्‌धाःसा छिमिसं ज्ञानयागु ताःचा कयाः सुचुका तल। छिपिं थःपिं नं दुहां मवं, दुहां वने धाःपिन्‍त नं दुमछ्वः।”

यूहन्‍ना 19:6

तःधंपिं पुजाहारीत व देगःया सिपाइँत वय्‌कःयात खनेवं थथे धकाः तस्‍सलं हाला हल – “वयात क्रूसय् यख्‍खायेमाः, वयात क्रूसय् यख्‍खायेमाः।” पिलातसं इमित धाल – “छिमिसं हे यंकाः वयात क्रूसय् यख्‍खा। जिं ला वयागु दोष लुइके मफुत।”

यूहन्‍ना 9:22

सुनानं येशूयात मुक्ति बीम्‍ह ख्रीष्‍ट खः धकाः धाल धाःसा व मनूयात धर्मशास्‍त्र स्‍यनीगु छेँनं पितिनाछ्वयेगु धकाः इमिसं सल्‍लाह यानातःगुलिं वया मांबौपिन्‍सं ग्‍यानाः थथे लिसः ब्‍यूगु खः।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।