यशैया 1:7 - नेवाः बाइबल

⁷ छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 1:7 ပူးပေါင်းရင်းမြစ်များ

२ इतिहास 28:5

उकिं परमप्रभु वया परमेश्‍वरं वयात अरामयाम्‍ह जुजुया ल्‍हातय् लाकादिल। अरामीतय्‌सं वयात बुकाः वया यक्‍व मनूतय्‌त ज्‍वनाः दमस्‍कसय् हल। पेकह उत्तरी इस्राएलयाम्‍ह जुजुया ल्‍हातय् नं लात। उम्‍ह जुजुं वयात बांमलाक बुकल।

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

भजनसंग्रहया सफू 107:39

हानं अत्‍याचार दुःखकष्‍टं यानाः इमिगु ल्‍याः कम जुयावन, इमित क्‍वह्यंकल।

भजनसंग्रहया सफू 109:11

वं ध्‍यबा पुलेमाःपिं मनूतय्‌सं वयागु फुक्‍क सम्‍पत्ति यंकेमा। परदेशीतय्‌सं वं याःगु ज्‍याया फल लाका यंकेमा।

यशैया 1:8

बांलाःगु यरूशलेम दाखक्‍यबया बल्‍चा थें, खर्बुजाया बुँया तःजाःगु बल्‍चा थें अले चाकःछिं घेरय् यानातःगु शहर थें खः।

यशैया 3:8

धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 34:9

एदोमया खुसित अलकत्राय्, बँय्‌या धू गन्‍धकय् हिलावनी अले इमिगु देश अलकत्रा थें च्‍याइ।

यशैया 49:19

“अय्, यरूशलेम, छ पतन व नाश जूसां अले छिमिगु देश झिजांमिजां यानाब्‍यूसां आवंलि मनूत च्‍वनेत छ तसकं चीकू जुइ। अले छन्‍त नुनाछ्वइपिं धाःसा छपाखें यक्‍व तापाक्‍क वनी।

यशैया 5:17

व दिंखुन्‍हु फैतय् नयेत थःगु हे ख्‍यः दइ अले भ्‍याःचातय्‌सं धाःसा तःमिपिनिगु नाशया दथुइ नइ।

यशैया 5:9

दक्‍व शक्ति दुम्‍ह परमप्रभुं थथे धयादीगु जिं तायागु दु, “धात्‍थें हे अप्‍वः थें छेँत दुनावनी अले ततःखागु बांलाःगु छेँय् झिजांमिजां दनी।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यशैया 60:15

“छ त्‍वःतातःम्‍ह व हेला यानातःम्‍ह खः, छपाखें जुयाः सुं नं मवंसां नं जिं छन्‍त सदांया निंतिं गौरव व फुक्‍क पुस्‍ताया लसता यानाबी।

यशैया 62:8

परमप्रभुं थःगु जव ल्‍हातं अले थःगु दक्‍वसिबय् बल्‍लाःगु ल्‍हातं पाफयादीगु दु, “जिं हाकनं गुबलें छंगु अन्‍न छिमि शत्रुतय्‌त नयेत बिइ मखु। अले छं गुगु न्‍हूगु दाखमद्यया निंतिं ज्‍या याःगु दु, व परदेशीतय्‌सं गुबलें त्‍वने दइ मखु।

यशैया 64:10

छिगु पवित्र शहरत मरुभूमि जूगु दु, सियोननापं मरुभूमि जूगु दु अले यरूशलेम नाश जूगु दु।

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

यर्मिया 6:8

हे यरूशलेम, चेतय् जु, मखुसा जि छपाखें लिहां वने, अले जिं छंगु देश झिजांमिजां यानाबी, अन सुं मनूत च्‍वनी मखु।”

यर्मिया 7:34

जिं यहूदाया शहर व यरूशलेमया गल्‍लि गल्‍लिइ न्‍ह्यूगु सः व लसताया सः, भम्‍चा व जिलाजंया सः मदय्‌काबी। छाय्‌धाःसा देश झिजांमिजां दनी।”

विलाप 5:2

जिमिगु सर्बय परदेशीतय्‌गु ल्‍हातय् लाःगु दु। जिमिगु छेँ परदेशीतय्‌गु जूगु दु।

इजकिएल 25:4

उकिं जिं छिमित पुर्बयापिं मनूतय्‌गु ल्‍हातय् सम्‍पत्ति थें लःल्‍हानाबी। इमिसं छिमिगु दथुइ छाउनी तइ अले छिमिगु हे दथुइ थःगु पाल ग्‍वइ। इमिसं छिमिगु फल नइ अले छिमिगु दुरु त्‍वनी।

इजकिएल 30:12

जिं नील खुसिया लः गंकाबी अले व देशयात दुष्‍ट मनूतय्‌गु ल्‍हातय् मियाबी। व देश व उकी दुगु फुक्‍कयात जिं विदेशीतय्‌गु ल्‍हातं तहसनहस यानाबी। जि परमप्रभुं थ्‍व खँ धयागु खः।

होशे 7:9

विदेशीतय्‌सं वयागु बल नाश यानाबी, अय्‌नं वं व खँ मस्‍यू। वयागु छेनय् गनं गनं तुयुगु सँ खनेदयावःगु दु अय्‌नं वं व खँ नं मस्‍यू।

होशे 8:7

“इमिसं फय् ह्वली अले ग्‍वःफय् मुंकी। दंचाय् छुं नं बाला सइ मखु, उकियागु बालिं छ्वचुं दइ मखु। छुं दत धाःसां विदेशीतय्‌सं व नयाबी।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

लेवी 26:34

गबले तक छिपिं शत्रुतय्‌गु देशय् च्‍वनाच्‍वनी, उबलय्‌तक छिमिगु थःगु देशं विश्राम काइ। देशं थःगु आरामया ई हनी।

मीका 5:11

जिं छिमिगु देशया शहरत नाश यानाबी अले छिमिगु किल्‍लात नं थुनाबी।

मीका 6:13

छिमिसं यानातःगु पाप व अपराधयागु कारणं जिं छिमित नाश याये त्‍यनागु दु।

व्‍यवस्‍था 28:33

छिमिसं थाकुगु ज्‍या यानाः सयेकूगु अन्‍न बाली म्‍हमस्‍यूपिं मनूतय्‌सं लाकायंकी। छिमित धाःसा इमिसं न्‍ह्याबलें क्‍वत्‍यला हे तइ।

व्‍यवस्‍था 28:43

छिमिगु दथुइ च्‍वनिपिं परदेशीत छिपिं सिबें च्‍वय् च्‍वय् थाहांवनी अय्‌नं छिपिं क्‍वय् क्‍वय् कुहां वनी।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।