यशैया 1:6 - नेवाः बाइबल

⁶ पालिंनिसें छेनय् थ्‍यंक घाः मजूगु थाय् हे मदु। छंगु म्‍ह छम्‍हं घालं, दागं व ख्‍वँतं जाःगु दु। उकी सिलाः चिनाब्‍यूगु मदु न चिकं तयाः नाइकाब्‍यूगु दु।

यशैया 1:6 ပူးပေါင်းရင်းမြစ်များ

२ शमूएल 14:25

अब्‍शालोम थें बांलाःम्‍ह व प्रशंसा याये ल्‍वःम्‍ह इस्राएलय् सुं नं मदु। वयाके छ्यनंनिसें तुति तक छुं नं ख्‍वं मदु।

अय्‍यूब 5:18

छाय्‌धाःसा वय्‌कलं घाःपाः यानादी, तर वय्‌कलं पट्टी चिनादी, वय्‌कलं घाःपाः यानादी, तर वय्‌कःया ल्‍हातं लाय्‌का नं दी।

भजनसंग्रहया सफू 77:2

तःधंगु दुःख जूबलय् जिं परमप्रभुयात मालाजुया। चच्‍छि चच्‍छिं जिं ल्‍हाः ल्‍ह्वनाः प्रार्थना याना। अय्‌नं जिगु मन याउँसे मच्‍वं।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यर्मिया 17:9

मनूयागु मनं मेगु फुक्‍क स्‍वयाः अप्‍वः झंगः लाइ। उकियात लंके फइ मखु। उकियात सुनां थुइके फइ?

यर्मिया 30:12

“परमप्रभुं थः मनूतय्‌त थथे धयादी, “‘छंगु घाः लनी मखु व छंगु घाःपाः तःधं।

यर्मिया 30:15

छाय् छ थःगु घाःया निंतिं ख्‍वयागु? छंगु स्‍याःचाः लनीगु वासः मदु। छंगु अधर्म तःधं अले छं यक्‍व पाप याःगु दु उकिं जिं छन्‍त थज्‍याःगु व्‍यवहार याना।

यर्मिया 33:6

“‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

यर्मिया 6:14

जि प्रजाया घालय् इमिसं तच्‍वःगु घाः मखु थें यानाः पट्टी चिनाब्‍यूगु दु। शान्‍ति ला द हे मदुसां इमिसं ‘शान्‍ति, शान्‍ति’ धाइगु।

यर्मिया 6:7

तुंथिं थःगु लः पिकाःगु थें वं थःगु मभिंगु ज्‍याखँ पिकाइ। अन दुने ल्‍वायेली व नाशया सः ताये दु, वयागु ल्‍वय् व घाः न्‍ह्याबलें जिगु न्‍ह्यःने दु।

नहूम 3:19

छंगु घाःयात छुं वासलं नं लंके फइ मखु। छंगु घाः तसकं ग्‍यानापुगु घाः खः। सुनां सुनां छंगु बांमलागु खँ न्‍यनी इमिसं लय्‌तायाः ल्‍हाःपा थाइ, छाय्‌धाःसा छंगु गुबलें मदीगु सास्‍ती सुनां भोगे याःगु मदु धकाः?

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 9:12

इमिसं थथे धाःगु तायाः वय्‌कलं इमित लिसः बियादिल – “छुं मजूपिं मनूतय्‌त डाक्‍टर माली मखु, ल्‍वय् दुपिन्‍त जक माली।

लूका 10:34

अले वयाथाय् लिक्‍क वनाः घाः सिलाः वासः तयाः कापतं चिनाबिल। अले थःगु गधाया म्‍हय् तयाः छगू धर्मशालाय् यंकाः चच्‍छि वयागु सुसाःकुसाः यानाच्‍वन।