यशैया 1:4 - नेवाः बाइबल

⁴ धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 1:4 ပူးပေါင်းရင်းမြစ်များ

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

२ राजा 21:22

वं परमप्रभु थः पुर्खातय् परमेश्‍वरयात त्‍वःतल। व परमप्रभुया लँय् मवं।

२ इतिहास 12:1

रहबामया राज्‍य बांलाक पलिस्‍था जुयाः व बल्‍लाये धुंकाः वं परमप्रभुया व्‍यवस्‍थायात त्‍वःतल, वनापं इस्राएलयापिं सकसिनं नं परमप्रभुया व्‍यवस्‍थायात त्‍वःतल।

२ इतिहास 27:2

वं थः अबु उज्‍जियाहं थें परमप्रभुया मिखाय् भिंगु ज्‍या यात। तर व उज्‍जियाह थें परमप्रभुया देगः दुने धाःसा दुहां मवं। अय्‌नं मनूतय्‌सं पाप याना हे च्‍वन।

नहेम्‍याह 1:7

छिं थः दास मोशापाखें बियादीगु आज्ञा, विधि व नियम मानय् मयानाः जिमिसं छिगु न्‍ह्यःने तःधंगु अपराध यानागु दु।

भजनसंग्रहया सफू 58:3

मभिंपिं मनूतय्‌सं मसीतले मभिंगु ज्‍या जक यानाच्‍वनी। बूसांनिसें हे इमिसं मखुगु खँ ल्‍हायेगु व बेक्‍वःगु लँय् जुइगु याइ।

भजनसंग्रहया सफू 71:22

हे जिम्‍ह परमेश्‍वर, जिं वीणा थानाः छि विश्‍वास याये बहःम्‍ह खः धकाः प्रशंसा याये। हे इस्राएलया पवित्र परमेश्‍वर, सारंगी थानाः जिं छिगु प्रशंसाया म्‍ये हाले।

भजनसंग्रहया सफू 78:40

इमिसं ग्‍वःकःमछि ला मरुभूमिइ वय्‌कःया विरोधय् विद्रोह यात, ग्‍वःकःमछि ला इमिसं वय्‌कःयात दुःख बी धुंकल।

भजनसंग्रहया सफू 78:41

इमिसं तःकः हे परमेश्‍वरयागु मन स्‍वये धुंकल, अले इस्राएलया पवित्रम्‍हय्‌सित तं पिकाय्‌के बी धुंकल!

भजनसंग्रहया सफू 78:57

थः तापाःबाज्‍यापिं थें इपिं नं परमेश्‍वरयात धोखा बीपिं व विश्‍वास मदुपिं जुयाः जुल। अले स्‍यंगु धनुष थें भर मदुपिं जुयाः जुल।

भजनसंग्रहया सफू 78:8

थुकथं इपिं परमेश्‍वरयात क्‍वात्तुक विश्‍वास मयाःपिं व थःगु नुगलय् परमेश्‍वरयात मतःपिं इमि तापाःबाज्‍यापिं थें विद्रोही व धयागु खँ मन्‍यनीपिं जुइ मखु।

भजनसंग्रहया सफू 89:18

हे परमप्रभु, छिं जिमित रक्षा याइम्‍ह ल्‍ययादिल, छि इस्राएलया पवित्र परमेश्‍वरं हे जिमित जुजु बियादिल।

प्रस्‍थान 32:7

अले परमप्रभुं मोशायात धयादिल, “याकनं क्‍वय् क्‍वहां हुँ छाय्‌धाःसा छं मिश्रं पित हःपिं मनूत स्‍यनावने धुंकल।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 1:28

तर विद्रोहीत व पापीत कुचा कुचा जुइ, वय्‌कःयात त्‍वःतूपिं फुक्‍कं नाश जुइ।

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 14:20

सीम्‍ह ल्‍हाकेगु इलय् छ इपिंनापं मिलय् जुइ मखु, छाय्‌धाःसा छं थःगु देशयात नाश याःगु दु, अले छं थः हे मनूतय्‌त नं नाश याःगु दु। दुष्‍टया सन्‍तानतय्‌गु नां गुबलें काइगु जुइ मखु।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 3:8

धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 30:1

परमप्रभुं धयादी, “धिक्‍कार! उपिं अतेरि काय् म्‍ह्याय्‌पिन्‍त,” सुनां योजना दय्‌काः ज्‍याझ्‍वः न्‍ह्याकि तर उपिं जिगुपाखें मखु, सुनां स्‍वापु तइ, तर जिगु आत्‍मां मखु, अले पापय् पाप थपय् यानाब्‍यूगु दु।

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 31:2

अय्‌नं वय्‌कः धाःसा तसकं बुद्धि दुम्‍ह जुयादी अले वय्‌कलं नाश हयादी फु अले थःगु वचन लित कयादी मखु। मभिंगु ज्‍या याइपिनिगु घराना व अधर्म ज्‍या याइपिन्‍त ग्‍वाहालि बीपिनिगु विरोधय् वय्‌कः दनादी।

यशैया 37:23

छं सुयात क्‍वह्यंकाः व ब्‍वः बिया? अले सुयागु विरोधय् छं न्‍ववानागु वा तःधंछुयागु दु? इस्राएलया पवित्र परमेश्‍वरया विरोधय् मखु ला!

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 41:20

छाय्‌धाःसा मनूतय्‌सं खनाः थुइमा अले बिचाः यायेमा। थ्‍व परमप्रभुया ल्‍हाःया ज्‍या खः धकाः इमिसं पक्‍का हे थुइमा। थ्‍व इस्राएलया पवित्र परमेश्‍वरं सृष्‍टि यानादीगु खः।

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

यशैया 58:2

छाय्‌धाःसा न्‍हियान्‍हिथं इमिसं जितः माली। अले इपिं जिगु लँ सीकेमास्‍ति वःपिं थें खने दु, अले इपिं छु पाय्‌छि जू व हे याइपिं व जिगु आज्ञा मानय् याइपिं थें खने दु। इमिसं जिके खःकथं क्‍वछीगु फ्‍वनाच्‍वनी, अले परमेश्‍वर इमिगु न्‍ह्यःने वयेमा धकाः इच्‍छा यानाच्‍वनी।

यशैया 65:11

“तर छिपिं मध्‍ये सुनां जि परमप्रभुयात त्‍वःती, अले जिमिगु पवित्र पर्वतयात ल्‍वमंकी, सुनां भाग्‍य द्यःया निंतिं टेबिल तयार याइ, अले कर्मया द्यःया निंतिं ल्‍वाकछ्यानातःगु दाखमद्यं जाय्‌की,

यशैया 65:3

थज्‍याःगु प्रजा जिगु हे न्‍ह्यःने न्‍ह्याबलें जितः तं पिहां वय्‌काच्‍वनी। इमिसं क्‍यबय् बलि छाइ, अले अप्‍पां दय्‌काः तःगु वेदीइ धुपांय् च्‍याकी।

यशैया 9:17

उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 15:6

छं जितः त्‍वःतूगु दु,” परमप्रभुं धयादी। “छ लिचिला वनाच्‍वंगु दु। उकिं जिं थःगु ल्‍हाः ल्‍ह्वनाः छन्‍त नाश याये, छाय्‌धाःसा जिगु तंयात सह यायां थाकय् जुल।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 2:33

मतिनामि माला जुइत छ गुलि सः। छं मभिंपिं मिस्‍तय्‌त नं अथे यायेगु स्‍यंगु दु।

यर्मिया 2:5

परमप्रभुं थथे धयादी, “छिमि पुर्खातय्‌सं जिके छु दोष खन? छुकिं यानाः इपिं जिपाखें तापात? इमिसं ज्‍यालगे मजूपिं मूर्तित पुजा यात, अले थः हे ज्‍यालगे मजुल।

यर्मिया 32:32

इस्राएल व यहूदायापिं मनूत, इमि जुजुपिं व हाकिमत, इमि पुजाहारीत व अगमवक्तात, यहूदायापिं मनूत व यरूशलेमयापिं मनूतय्‌सं फुक्‍क मभिंगु ज्‍या यानाः जितः तंचाय्‌कूगु दु।

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

यर्मिया 51:5

इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।

यर्मिया 7:19

छु इमिसं जितः हे हाय्‌काच्‍वंगु खः ला?” परमप्रभुं धयादी। “मखु, तर इमिसं थःत हे लज्‍या चाय्‌केत थःत हे स्‍यंकाच्‍वंगु, मदु ला?”

यर्मिया 7:26

अय्‌नं इमिसं जिगु खँ मन्‍यं, ध्‍यान मब्‍यू। इपिं जिराहा जुल। इमिसं थः पुर्खातय्‌सं स्‍वयाः अप्‍वः मभिंगु ज्‍या यात।

इजकिएल 14:5

इमिगु मूर्तितय्‌गु कारणं जितः त्‍वःतावंपिं इस्राएलया घरानाया नुगःयात जिं हाकनं ज्‍वनेत जिं थथे याये।’

इजकिएल 16:33

मिजंपिन्‍सं सकलें वेश्‍यातय्‌त कोसेलि बी, तर छं ला अःखः थः फुक्‍क प्रेमीपिन्‍त कोसेलि बिल। छलिसें व्‍यभिचार यायेत इपिं प्‍यखेरं छन्‍थाय् वयेमा धकाः छं कोसेलि बिल।

इजकिएल 16:45

छ ला थः भाःत व मस्‍तय्‌त मयय्‌कूम्‍ह छिमि मां थें च्‍वं, अले छ ला धात्‍थें थः भाःतपिं व थः मस्‍तय्‌त मयय्‌कूपिं छिमि तताकेहेँपिं थें च्‍वं। छिमि मां छम्‍ह हित्ती खः, छिमि अबु छम्‍ह एमोरी।

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

गन्‍ती 32:14

“हे पापीतय् सन्‍तान! आः हाकनं छिपिं परमप्रभुयात इस्राएलीतलिसे अझ यक्‍व तं चाय्‌केत छिमि बौपिनि थासय् दंवयाच्‍वंगु दु।

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

मत्ती 23:33

अय् सर्पत, अय् बिख दुम्‍ह सर्पया सन्‍तान, छिपिं गुकथं नरकयागु मिं बचय् जुइ फइ?

मत्ती 3:7

यक्‍व हे फरिसीत व सदुकीत नं बप्‍तिस्‍मा कायेत वयाच्‍वंगुलिं वं इमित थथे धाल – “हे सर्पया सन्‍तान, परमेश्‍वरयागु तंपाखें बिस्‍युं वनेत छिमित सुनां ख्‍याच्‍वः बिल?

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

१ कोरिन्‍थी 10:22

थज्‍याःगु ज्‍याखँ यानाच्‍वन धाःसा झीपिं खनाः प्रभु लय्‌तायादी मखु। छु झीपिं प्रभु स्‍वयाः बल्‍ला ला?

व्‍यवस्‍था 29:25

अले मनूतय्‌सं लिसः बी, “इमित मिश्रं पित हयादीबलय् इमि पुर्खालिसें परमप्रभुं छु बाचा चिनादीगु खः। उकियात इमिसं त्‍वाथूगुलिं थ्‍व जूगु खः।

व्‍यवस्‍था 31:16

अले परमप्रभुं मोशायात धयादिल, “छिमि पुर्खा थें छ सिनावने त्‍यंगु दु। छ सिनावने धुंकाः थुपिं मनूत देशय् दुहां वने धुंकाः व्‍यभिचारी थें जितः पत्‍याः मयाइपिं जुइ, इमिसं अन मेपिं द्यःतय्‌त पुजा याइ। इमिसं जितः त्‍वःताः जिं इपिंलिसें चिनागु बाचा त्‍वाथुली।

व्‍यवस्‍था 32:19

थ्‍व खनाः परमप्रभुं इमित त्‍वःतादिल, छाय्‌धाःसा थःकाय् म्‍ह्याय्‌पिन्‍सं वय्‌कःयात तंचाय्‌कूगु दु।

व्‍यवस्‍था 32:5

इमिसं वय्‌कःलिसें क्‍वह्यंगु व्‍यवहार यात, अले थःगु दोषया कारण आवंलि इपिं वय्‌कःया सन्‍तान मखुत। इपिं दुष्‍ट व ध्‍वंलाइपिं मनूत खः।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

प्रकाश 18:5

वं याःगु पाप आकाश तक थ्‍यंगु दु। वं याःगु पाप परमेश्‍वरं लुमंकादीगु दु।

न्‍यायकर्ता 10:10

अले इस्राएलीतय्‌सं थथे धयाः परमप्रभुयात ग्‍वाहालिया निंतिं बिन्‍ति यात, “जिमिसं थः परमेश्‍वरयात त्‍वःताः बालद्यःतय्‌त पुजा यानाः छिगु विरोधय् पाप यानागु दु।”