यशैया 1:3 - नेवाः बाइबल

³ द्वहंनं थः मालिकयात म्‍हस्‍यू, अले गधानं थः थुवालं नकिगु थल म्‍हस्‍यू, अय्‌नं इस्राएलं जितः म्‍हमस्‍यू। जि थः हे मनूतय्‌सं छुं हे मथू।”

यशैया 1:3 ပူးပေါင်းရင်းမြစ်များ

भजनसंग्रहया सफू 94:8

अय् पशु थें ज्‍याःपिं मनूत, होश या, अय् मूर्खत, छिमिके गुबलय् बुद्धि दइगु?

हितोपदेश 28:5

दुष्‍ट मनूतय्‌सं न्‍याय धयागु छु धकाः सी मखु, परमप्रभुयात मानय् याइपिन्‍सं थ्‍व खँ बांलाक सी।

हितोपदेश 6:6

हे अल्‍छीत! इमूचायाथाय् वनाः वयागु चालचलन स्‍व, अले बुद्धिया खँ सय्‌कि।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 42:20

छं यक्‍व खँ खंगु दु, तर ध्‍यान ब्‍यूगु मदु। छंगु न्‍हाय्‌पं ला चाःगु हे दु, अय्‌नं छं छुं नं ताःगु मदु।”

यशैया 44:18

धात्‍थें थज्‍याःपिं मनूत मूर्ख खः, इमिसं थु हे मथू! इमिगु मिखा तिनातःगु दु अले इमिसं छुं हे मखं। इमिगु नुगः नं तिनातःगु दु अले इमिसं छुं नं मथू।

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

यशैया 5:13

अथे जुयाः जिमि प्रजा ज्ञां मदयाः ज्‍वनायंकेबिया च्‍वनेमाली, इपिं मध्‍ये तःधंपिं व हनेबहःपिं नये मखनाः व चीमिपिं मनूत लः त्‍वनेमखनाः सी माली।

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 35:16

स्‍व! रेकाबया काय् योनादाबया वंशयात गुगु आज्ञा इमि पुर्खातय्‌सं ब्‍यूगु खः व इमिसं पालन यात, तर थ्‍व प्रजां जिगु आज्ञा पालन याःगु मदु।’

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 50:6

“जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

यर्मिया 8:7

आकाशय् सलांत्‍याः झंगलं ला छेँ लिहां वनेगु ई स्‍यू। सुकुभत्तु, इखुंचा व सारसं थः मेथाय् च्‍वंवनेगु ई स्‍यू। तर जिमि प्रजां परमप्रभुयागु विधि मस्‍यू।

इजकिएल 16:30

“‘परमप्रभुयागु थ्‍व वचन जिथाय् वल, छंगु नुगः गुलि कमजोर, छाय्‌धाःसा छं लज्‍या मचाःम्‍ह छम्‍ह वेश्‍यां थें थ्‍व फुक्‍क ज्‍या यात।

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

मत्ती 13:19

गुलिखय् मनूतय्‌सं परमेश्‍वरयागु राज्‍ययागु खँ न्‍यनाः नं थुइके फइ मखु। थुपिं लँय् लाःगु पुसा थें खः। इमिगु नुगलय् ह्वलातःगु परमेश्‍वरयागु वचन शैतानं वयाः लिकया यंकी।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

२ पत्रुस 3:5

परमेश्‍वरं नवानाः स्‍वर्ग सृष्‍टि यानादिल, अले पृथ्‍वी लखं दय्‌कादिल धकाः सीक सीकं इमिसं मस्‍यू थें याना जुल।