यशैया 1:20 - नेवाः बाइबल

²⁰ तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”

यशैया 1:20 ပူးပေါင်းရင်းမြစ်များ

अय्‍यूब 36:12

तर इमिसं वय्‌कःया खँ मन्‍यन धाःसा इपिं तरवारं नाश जुइ, अले छुं हे ज्ञान मदय्‌कं सी।

प्रस्‍थान 9:2

छं इमित वने मब्‍यूसे पना तल धाःसा

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 3:25

शहरय् च्‍वंपिं मनूतय्‌त तरवारं स्‍याइ, अले सिपाइँतय्‌त लडाइँलय् हे स्‍यानाः बी।

यशैया 34:16

परमप्रभुया भ्‍वंथू स्‍व अले ब्‍वँ! उकी छम्‍ह नं तनावनी मखु। सुयातं निम्‍ह तिपुया निंतिं मगाःमचाः जुइ मखु, छाय्‌धाःसा वय्‌कःया म्‍हुतुं थथे धयादीगु दु, वय्‌कःया आत्‍मां इपिं सकसितं छथाय् मुंकादी,

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 58:14

छिपिं जि परमप्रभुपाखें लय्‌ताय् खनी, व जिं छिमित देशया तःधंपिं जुइगु थासय् वनीपिं यानाबी अले जिं छिमित छिमि पुर्खा याकूबया अधिकारपाखें भ्‍वय् नकिपिं यानाबी।” परमप्रभुया म्‍हुतुं हे थथे धयादीगु दु।

यशैया 65:12

जिं तरवारयात छिमिगु कर्म यानाबी, अले छिपिं सकलें स्‍यायेत क्‍वछुइ। छाय्‌धाःसा जिं छिमित सःताबलय् छिमिसं लिसः मब्‍यू। जि न्‍ववानाबलय् छिमिसं न्‍हाय्‌पं बियाः मन्‍यं। जिगु न्‍ह्यःने छिमिसं छु मभिं व हे ज्‍या यात, अले छिमिसं जितः मयःगु ज्‍या यायेगु हे ल्‍यल।”

यशैया 8:6

“थुपिं यहूदाया मनूतय्‌सं शान्‍तं न्‍ह्यानाच्‍वंगु शीलोया लःयात हेला यानाः जुजु रसीन व रमल्‍याहया काय् जुजु पेकहपिंलिसें लसता हंगुलिं,

यर्मिया 17:27

तर विश्रामबारयात पवित्र मानय् या! अले विश्रामबार खुन्‍हु कु क्‍वबियाः यरूशलेमया ध्‍वाखा ध्‍वाखाय्‌ जुयाः दुहां वये मते धइगु जिगु खँ छिमिसं ध्‍यान बियाः मन्‍यन धाःसा जिं उकिया ध्‍वाखात मि तयाबी। अले थुकिं यरूशलेमया किल्‍लात भज्‍यंक नाश याइ।’”

यर्मिया 21:8

“अले थुपिं मनूतय्‌त छं थथे नं धा, ‘परमप्रभुं थथे धयादी – स्‍व! छिमिगु न्‍ह्यःने जिं थःम्‍हं हे जीवनया लँ व मृत्‍युया लँ तयाबी।

यर्मिया 26:4

“छं इमित धा, ‘परमप्रभुं थथे धयादी – छिमिसं जिगु खँ ध्‍यान बियाः मन्‍यन धाःसा, जिं छिमिगु न्‍ह्यःने तयाबियागु जिगु व्‍यवस्‍था पालन मयात धाःसा

यर्मिया 4:17

मनूतय्‌सं क्‍यब पियाच्‍वंगु थें थुपिं शत्रुतय्‌सं यरूशलेमयात घेरय् याइ छाय्‌धाःसा अनयापिं मनूतय्‌सं परमप्रभुयागु विरोधय् विद्रोह याःगु दु,’” परमप्रभुं धयादी।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

मीका 4:4

दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

१ शमूएल 12:15

तर छिमिसं परमप्रभुया वचन मानय् मयात अले वय्‌कःया विरोध यानाः आज्ञा मानय् मयात धाःसा परमप्रभुं छिमि पुर्खातय्‌गु विरोधय् ल्‍हाः ल्‍ह्वंगु थें छिमिगु विरोधय् नं ल्‍हाः ल्‍ह्वनादी।

१ शमूएल 12:25

छुं जुयाः छिमिसं मभिंगु ज्‍या याना तुं च्‍वन धाःसा छिपिं व छिमि जुजु नाश जुइमाली।

१ शमूएल 15:29

परमप्रभु, इस्राएलया गौरव खः, वय्‌कलं मखुगु खँ ल्‍हानादी मखु, अले थःगु मन हीकादी मखु। थःगु मन हीकादीत वय्‌कः मनू मखु।”