यशैया 1:18 - नेवाः बाइबल

¹⁸ परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

यशैया 1:18 ပူးပေါင်းရင်းမြစ်များ

अय्‍यूब 9:33

जिमिगु दथुइ च्‍वनाः खँल्‍हानाबीम्‍ह सुं दुगु जूसा, जिपिं निम्‍हय्‌सिके थःगु ल्‍हाः तइम्‍ह सुं दुगु जूसा,

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

भजनसंग्रहया सफू 51:9

जिगु पापपाखें छिगु ख्‍वाः फहीकादिसँ, अले जिगु फुक्‍क अधर्म हुयाछ्वयादिसँ।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 3:13

परमप्रभु न्‍याय यायेत थःगु थासय् च्‍वनादी, थः प्रजायात विरोधय् न्‍याय यायेत वय्‌कः दनादी।

यशैया 41:1

“हे टापुत, जिगु न्‍ह्यःने सुम्‍क च्‍वँ! जात जातितय्‌सं न्‍हूगु बल कायेमा! इपिं न्‍ह्यःने वयाः खँ ल्‍हाः वयेमा! झीपिं न्‍याय याइगु थासय् मुंवनेनु।

यशैया 41:21

“परमप्रभुं धयादी, ‘छिमिगु मुद्दात जिथाय् हजि।’ थथःगु खँ जिथाय् हजि याकूबया जुजुं धयादी,

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यशैया 50:8

जितः दोष मदुम्‍ह यानादीम्‍ह जिगु लिक्‍क हे च्‍वनादी। अथे जुयाः सुनां जितः विरोध यानाः पाः याइगु? झीपिं चुलिंचू च्‍वने वा! जिगु विरोध याइम्‍ह सु खः? व जिथाय् न्‍ह्यःने वा!

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यर्मिया 2:5

परमप्रभुं थथे धयादी, “छिमि पुर्खातय्‌सं जिके छु दोष खन? छुकिं यानाः इपिं जिपाखें तापात? इमिसं ज्‍यालगे मजूपिं मूर्तित पुजा यात, अले थः हे ज्‍यालगे मजुल।

इजकिएल 18:27

तर दुष्‍ट मनुखं थःम्‍हं यानाच्‍वंगु मभिंगु ज्‍या त्‍वःताः खःगु ज्‍या यात धाःसा, वं थःगु प्राण बचय् याइ।

इजकिएल 33:16

वं याःगु न्‍ह्यागु नं पाप वयागु विरोधय् लुमंकीगु जुइ मखु। वं न्‍याय व खःगु ज्‍या याःगु दु, व धात्‍थें हे म्‍वाइ।

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।

प्रेरित 17:2

पावलं न्‍हापालिपा थें अन वनाः स्‍ववाः तक विश्रामबार पतिकं धर्मशास्‍त्रयागु खँ कयाः इपिं नाप न्‍ह्यसः लिसः यात।

प्रेरित 18:4

पावलं विश्रामबार पतिकं धर्मशास्‍त्र स्‍यनीगु छेँय् वनाः यहूदीतय् नायःतय्‌त व ग्रीकतय्‌त विश्‍वास याकेत स्‍वयाच्‍वन।

प्रेरित 24:25

अले वं इमित परमेश्‍वरया न्‍ह्यःने धर्मी ठहरय् जुइगु, थःगु मनयात थातय् लाकेगु व लिपा जुइतिनिगु न्‍याययागु खँ न्‍यंकल। थ्‍व न्‍यनाः फेलिक्‍सं ग्‍यानाः थथे धाल – “आःयात गात, लिपा हानं लिलात धाःसा छन्‍त सःतके हये।”

रोमी 5:20

व्‍यवस्‍थां यानाः पाप अप्‍वः दयावल। अय्‌नं गन पाप यक्‍व दयावल, अन परमेश्‍वरयागु दया माया झन अप्‍वः दत।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।

१ शमूएल 12:7

आः थन हे दनाच्‍वँ, छाय्‌धाःसा परमप्रभुया न्‍ह्यःने जिं छिमित पाः याये, अले छिमिगु निंतिं व छिमि पुर्खातय्‌गु निंतिं वय्‌कलं यानादीगु फुक्‍क धार्मिकताया ज्‍याया बारे कने।