यशैया 1:16 - नेवाः बाइबल

¹⁶ छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यशैया 1:16 ပူးပေါင်းရင်းမြစ်များ

२ राजा 17:13

परमप्रभुं अगमवक्तात व दूतत छ्वयाहयाः इस्राएल व यहूदायात थ्‍व ख्‍याच्‍वः ब्‍यूगु खः, “छिमिसं मभिंगु पहःचहः त्‍वःताः जिं छिमि पुर्खातय्‌त बियागु व्‍यवस्‍थाकथं व थः दास अगमवक्तातपाखें छिमित बियागु आज्ञा व विधि मानय् या।”

भजनसंग्रहया सफू 26:6

जिं थः दोष मदुम्‍ह धकाः क्‍यनेत ल्‍हाः सिले, हे परमप्रभु! छिगु वेदीइ वयाः चाःहुलाः

भजनसंग्रहया सफू 34:14

मभिंगु खं तापाक च्‍वँ, अले भिंगु ज्‍या या। फुक्‍कलिसे मिलय् जुयाः च्‍वनेगु स्‍व।

भजनसंग्रहया सफू 37:27

मभिंगु ज्‍या त्‍वःति, भिंगु ज्‍या या। छिपिं न्‍ह्याबलें परमेश्‍वरं बियादीगु देशय् च्‍वने खनि।

भजनसंग्रहया सफू 51:2

जिगु फुक्‍क अधर्मयात सिलादिसँ, अले जिगु पापं जितः शुद्ध यानादिसँ।

हितोपदेश 21:3

परमप्रभुयात झीसं छायेगु देछा स्‍वयाः छु भिं, छु पाय्‌छि जू व हे याःगु यः।

हितोपदेश 4:27

उखेंथुखें पलाः तये मते। तप्‍यंक जु। मभिंपाखें तापाक हे पलाः ति।

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 25:5

इमिसं धाल, ‘आः छिपिं सकसिनं थथःगु मभिंगु पहःचहः व मभिंगु ज्‍या त्‍वःति, अले जक छिपिं परमप्रभुं छिमि पुर्खातय्‌त शुरुंनिसें न्‍ह्याबलेंया लागि बियादीगु देशय् च्‍वने फइ।

यर्मिया 26:3

सके व न्‍यनाः इपिं सकसिनं थःगु मभिंगु पहःचहः त्‍वःती ला। अले इमिसं मभिं ज्‍या याःगुलिं जिं इमित नाश यायेगु जिगु योजना पूरा याये मखु।

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

योना 3:8

फुक्‍क मनू व पशुतय्‌सं भांग्रां फीमाः। फुक्‍कसिनं थःम्‍हं फु थें परमेश्‍वरयात प्रार्थना या। अले थथःगु मभिंगु व बांमलाःगु ज्‍या यायेगु त्‍वःति।

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

जकरिया 7:7

परमप्रभुं न्‍हापा थ्‍व हे खँ न्‍हापायापिं अगमवक्तातपाखें धयादीगु खः? उबलय् यरूशलेम च्‍वन्‍ह्यानाः उकी ग्‍वाः ग्‍वाः मनूत दुगु जुल। यक्‍व मनूत उकिया जःखः च्‍वंगु चिचीधंगु शहरय् जक मखु अय्‌नं दच्‍छिन लाःगु नेगेव व पच्‍छिमय् क्‍वय् लाःगु इलाकाय् नं च्‍वंगु जुल।’”

मत्ती 3:8

पश्‍चाताप याःथें छिमिसं थःगु चालचलन नं अथे हे या।

प्रेरित 22:16

अय्‌जूगुलिं आः छुकियात लिबाका च्‍वनेगु? दनादिसँ, वय्‌कःया नामं बप्‍तिस्‍मा कयाः थःगु पाप सिला छ्वयादिसँ।’”

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

याकूब 4:8

परमेश्‍वरया लिक्‍क वा, अले वय्‌कः नं छिमि लिक्‍क झायादी। हे पापीत, छिमिसं थःगु ल्‍हाः सिलाछ्व। हे दोमन यानाजुइपिं, छिमिसं थःगु नुगःयात शुद्ध या।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ पत्रुस 3:11

पापं लिचिलाः भिंगु ज्‍या या। शान्‍तियागु लँपु त्‍वःतावने मते।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।