यशैया 1:14 - नेवाः बाइबल

¹⁴ छिमिगु अमाइया दिं व क्‍वःछिनातःगु नखःचखःयात जिगु नुगलं तसकं हेला याये। उपिं फुक्‍क जिगु निंतिं क्‍वबी मफुगु कु जूगु दु।

यशैया 1:14 ပူးပေါင်းရင်းမြစ်များ

१ इतिहास 23:31

परमप्रभुयात विश्रामया न्‍हिइ, अमाइया नखबलय् व फुक्‍क मेगु क्‍वःछिनातःगु नखःचखःबलय् ल्‍यायाः नियमकथं फुक्‍क होमबलि न्‍हियान्‍हिथं छायेगु जिम्‍मा नं लेवीतय्‌गु खः।

यशैया 29:1

धिक्‍कार छन्‍त! अरीएल, अरीएल, दाऊदं छाउनी दय्‌कूगु शहर! दँय् दँ तँतं हुँ, नखःचखः चाःहिला वयेमा!

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 43:24

छं जिगु निंतिं छुं नं नस्‍वाःगु धुपाँय् न्‍यानाहःगु मदु, छं जितः लुधंकेत छुं नं बलिया दाः हःगु मदु। उकिया पलेसा छं जितः छंगु पापया कु क्‍वबिकूगु दु, अले जितः थःगु अधर्मया ज्‍यां त्‍यानुचाय्‌कूगु दु।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यशैया 66:23

छगू अमाइ निसें मेगु अमाइ व छगू विश्रामबारंनिसें मेगु विश्रामबार तक फुक्‍क मनूत, जातित वयाः जिगु न्‍ह्यःने भ्‍वपू वइ।” परमप्रभुं धयादी।

यशैया 7:13

अनंलि यशैयां धाल, “हे दाऊदया घराना, न्‍यँ! मनूतय्‌गु धैर्ययात जाँचय् यानाः मगात ला? छु छं जिमि परमेश्‍वरया धैर्ययात नं जाँचय् यायेगु ला?

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

होशे 5:7

इपिं परमप्रभुनापं विश्‍वास यायेबहः मजुल। इमिसं मेमेपिंपाखें काय्‌म्‍ह्याय् बुइकल। अले अमइया नखः चखतं इपिं व इमिगु बुँनापं इमित नाश याइ।

आमोस 2:13

“स्‍व, आः ला जिं छिमित अन्‍नं जाःगु गाडां क्‍यलायंकूगु थें क्‍यले।

आमोस 5:21

“छिमिगु धर्मयागु नखःचखः खनाः जि घच्‍चाः, जिं छिमिगु मुँज्‍यात सह याये हे मफु।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

मलाकी 2:17

छिमिसं थःगु खं परमप्रभुयात हीमी चायेकूगु दु। छिमिसं न्‍यनी, “जिमिसं वय्‌कःयात गथे यानाः हीमी चाय्‌कागु दु?” छिमिसं थथे धाइ, “परमप्रभुया मिखाय् मभिंगु ज्‍या याइपिं भिं जुइ, अले इपिं खनाः लय्‌तायादी।” हानं “न्‍याय याइम्‍ह धकाः भापिम्‍ह परमेश्‍वर गन दी?” धकाः वय्‌कःयात हीमी चाय्‌कूगु दु।