यशैया 1:13 - नेवाः बाइबल

¹³ ज्‍यालगय् मजूगु बलि जिथाय् हये मते। छिमिसं च्‍याकूगु धुपाँय् जिगु निंतिं घच्‍चाइपुसे च्‍वं। छिमिसं मानय् यानावयाच्‍वंगु अमाइ विश्रामबार व छिमिगु मभिंगु मुने ज्‍याया कारणं जिं सह याये मफये धुंकल।

यशैया 1:13 ပူးပေါင်းရင်းမြစ်များ

२ राजा 4:23

व मिसाया भाःतं न्‍यन, “थौं छाय् वनेमाल? थौं अमाइ नं मखु, शबाथ नं मखु।” वं धाल, “न्‍ह्यागु हे थजु।”

१ इतिहास 23:31

परमप्रभुयात विश्रामया न्‍हिइ, अमाइया नखबलय् व फुक्‍क मेगु क्‍वःछिनातःगु नखःचखःबलय् ल्‍यायाः नियमकथं फुक्‍क होमबलि न्‍हियान्‍हिथं छायेगु जिम्‍मा नं लेवीतय्‌गु खः।

भजनसंग्रहया सफू 78:40

इमिसं ग्‍वःकःमछि ला मरुभूमिइ वय्‌कःया विरोधय् विद्रोह यात, ग्‍वःकःमछि ला इमिसं वय्‌कःयात दुःख बी धुंकल।

प्रस्‍थान 12:16

न्‍हापांगु दिंखुन्‍हु व न्‍हय्‌न्‍हु खुन्‍हु परमप्रभुया आराधना यायेत पवित्र मुंज्‍या या। उखुन्‍हु छिमिसं नसात्‍वँसा दय्‌केगु ज्‍या त्‍वःताः मेगु छुं हे ज्‍या याये मते।

हितोपदेश 21:27

दुष्‍ट मनूतय्‌सं छाःगु बलियात परमप्रभुं घृणा यानादी, अज्‍ज ला मभिंगु मतिइ तयाः छाःगु ला झन दकलय् यय्‌कादी मखु।

हितोपदेश 7:14

“जिं मेलबलि छाये धकाः फ्‍यानातयागु थौं पूवंकागु दु।

यशैया 66:23

छगू अमाइ निसें मेगु अमाइ व छगू विश्रामबारंनिसें मेगु विश्रामबार तक फुक्‍क मनूत, जातित वयाः जिगु न्‍ह्यःने भ्‍वपू वइ।” परमप्रभुं धयादी।

यशैया 66:3

तर द्वहंया बलि छाइपिं मनूयात स्‍याइपिं थें खः। चिधिकःम्‍ह भ्‍याःचा बलि छाइपिं धाःसा खिचाया ककु त्‍वथुलीगु थें हे खः। अन्‍नबलि छाइपिं फाया हि छाःगु थें हे खः। लुमन्‍ति कथं धुपाँय् च्‍याकीपिं मूर्तियात पुजा याःगु थें हे खः। इमिसं थःगु हे लँ ल्‍यःगु दु, अले इमिगु प्राण थःगु हे घच्‍चाइपुगु ज्‍याय् लय्‌ताइ।

विलाप 2:6

वय्‌कलं थः च्‍वनेगु थाय्‌यात क्‍यबयागु बल्‍चा थें स्‍यंकादीगु दु, वय्‌कलं थःगु नापलायेगु थाय् नाश यानादीगु दु, परमप्रभुं सियोनय् पवित्र नखःचखः व विश्रामबारत दिकादीगु दु। थःगु तसकं तःजिगु तम्‍वय् वय्‌कलं जुजु व पुजाहारी निम्‍हय्‌सित नं त्‍वःतादीगु दु।

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

योएल 1:14

पवित्र अपसं घोषणा या, पवित्र मुँज्‍या सःति। परमप्रभु छिमि परमेश्‍वरयागु देगलय् देशय् च्‍वंपिं सकल मनूत अले थकालितय्‌त मुंकाः परमप्रभुयात पुकारा या।

योएल 2:15

सियोनय् तुरही पु! पवित्र अपसंया दिं घोषणा या, पवित्र मुँज्‍या सःति!

लेवी 26:31

जिं छिमिगु शहरत नाश यानाबी, छिमिगु पुजा यायेगु थाय्‌यात भज्‍यंक स्‍यंकाबी, अले छिमिसं ब्‍यूगु नस्‍वाः वःगु बलि नालाकाये मखु।

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”

गन्‍ती 10:2

“वहःयात मुगलं दायाः निपु तुरही दय्‌कि। थ्‍व तुरही खलःयात मुंकेत व छाउनी न्‍ह्यःने न्‍ह्याकेत छ्यलेगु या।

मत्ती 15:9

थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ। उकिं थुमिसं जिगु सेवा याःसां छप्‍तिं ज्‍यालगय् मजू।’”

लूका 11:42

“फरिसीत, छिमित धिक्‍कार दु, छाय्‌धाःसा छिमिसं थःथाय् सःगु नवःघाँय्, जी व मेमेगु मसला ला झिब्‍वय् छब्‍व परमेश्‍वरयात छाये हइ। तर छिमिसं न्‍याय यायेगु व परमेश्‍वरयात माया यायेगु खँय् धाःसा च्‍यूताः मतः। छिमिसं थ्‍व नं मत्‍वःते माःगु खः।

१ कोरिन्‍थी 11:17

आः धायेत्‍यनागु खँय् धाःसा जिं छिमित च्‍वछाय् मफु, छाय्‌धाःसा छिमिसं मण्‍डलीइ मुनेबलय् भिंगु ज्‍या यायेगु स्‍वयाः मभिंगु ज्‍या यानाच्‍वंगु दु।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

फिलिप्‍पी 1:15

गुम्‍ह गुम्‍हय्‌सिनं ला जिं यानागु स्‍वये मफयाः नुगः मुइकाः व इखं नं अथे ख्रीष्‍टयागु खँ न्‍यंकाजूगु दु। गुलिसिनं धाःसा यचुगु नुगलं हे न्‍यंकाच्‍वंगु दु।